زمن والانتظار
مساء الخير
،،،،،،،،
وهي تقلط عليه ودخلت للبيت وتشمر بقراضي وملابسنا بشارع
وهي تصيح باعلى صوتها ودفع
بيه وبجهال ماريدكم
بكاعي اطلعي
برا
ماريدكم واولادها واكفين
ولا واحد حرك ساكن يعني بين قوسين قابلين بتصرفها وراضين
بجاي تسوي
وكان الكل يكل اطلعي.
ظلت تشمر بلقراض
هي شون قراض كلها من قديم الزمان
وانه لزمتني الدوخه راسي صار يدك بي طبول منا الموقف الي شفته ومنا القهر على ابني
ظليت لااخذ ولاانطي
بس اباوع بعيني ماعندي رده
فعل. وحتى لو كانت
عندي اكدر لمنو الها لولدها.
محد.يصدك هاي عجوز ويطلع منها كل هذا والحيل الي بيها ماشياله شاب بلعشرين
انتجيت على صفحه وجهالي حواليه
بس زينه بسرعا دخلت للبيت راحت جابت جنطتني بيها كم فلس مو واجد
وعندي كم قطعه ذهب وتلفوني
وجابت كم خلكونه لاخوانها
وعبايتي
وظلت تلبس بيه وساجد دمعته تصب
والبنات هم الزقار هم
يبجون موقف ابد مانساه
ولااغفره الهم لو اصير عمري ميه سنه
شي احسه بشع وحقير ومابي ذره انسانيه
ساجد اخذ اخواته
وهو يكلي يالله يمه خلي نطلع
وانه هاي حالتي لزمت بقيه جهالي وطلعنا
وطلعت بعمري وعمر جهالي
وهي بعدها تشمر
طلعنا
للشارع العام راد ساجد.
ياجر تكسي بس انه جنت كلش تعبانه
ماقبلت اشرتله شويه بس ارتاح
كعدني على الرصيد وجهالي يمي وراح جابلي بطل ماي ويقسل بوجهي
وكل ساع وسالني انتي زينه اخذج للمستفشى
مابيه احجي بس اشر
براسي بمعني زينه
بس اصبر عليه كم دقيقه
ظلوا كاعدين يمي الى.
انه صدك اتحسنت
طلعت تلفوني وخابرت بشير
وكل عاده ماعندي رصيد
بس حك الترميش رمشت على بشير
منو عندي قيرا ومنو يوكفلي اله هو
رمشت اكثر من مرا دكه زقيرا واسده
وهيج كررتها
حدما رد
هو هم مشقول خطيه
جريت نقس وبعد.السلام كلتله
السالفه بلمختصر
واسمع يطك.على شي يمه مكتب او شي قوي
سالني انتي هسه وين كتله بشارع بس جانت صعبه عليه كوه طلعت مني
والعبرا خانكتني بس على اساي اسوي نفسي قويه
كدام جهالي
رد عليه انه جايليج
ماطول بس مسافه الطريق
بس انه ماقبلت
حلفته وهو حمكان ويزبر
بزهورا مايجي علينا
كوه قنع وكال تمام راح
ادز عليكم سايق تجون وياه
هو فهم انه مالمك اجره اجي. بيها.
انه
وجهالي
بس انه كتله ماريد اجي احسه صعبه عليه والدنيا. ليل.
اخر شي كلي انطيني ساجد.حجى ويه
وهو يوصي عليه يدير باله
تالي كله احفظ هذا الرقم ومن يدك عليكم يعني هذا السايق الي انه دزيته وغيرا ممنوع تصعدون
انت وامك واخواتك.
رد الرقم لساجد وسلم عليه وهو يكله انه هم اتصل عليكم
وكل ساع يرجع يوصيه بيه وباخوانه
ظلينه كاعدين بكانه وحالتنا حاله المهجرين
واللاجئين هيج حالنه
وبشير كل ربع ساعه او اقل يدك علينا ويطمن
الى ان اجه السايق وكال انه من طرف استاذ بشير
سياره حديثه كلش وجبيرا
وسلم على ساجد.وظل يفتح الباب النه وتفظلي ست
