زمن والانتظار
١٧
مساء الخير والسرور
.....
كلي بسرعا يوباه بدلي
يوباه والله اخاف منه
لايوباه شبيج
على شنو تخافين
حلف اكلج على كلام الله
وثاني شي يايوباه هم
مايصير الظلم مو حلو
يعني هم حرام علينا يجوز
ينحرم من السلفه خوش مبلق منطين الدوله خلي يستفاد يجوز
مطلوب
كومي يوباه توكلي الوكت
راح يكضي علما تروحون
للمحكمه هوسه
زين يوباه انت روح وياي
شسالفه يوباه شبيج
جاي اكلج ماعليج شي
وانه هم ماكدر اعوف
الكاع وامج بلفاتحه ويه بيت ام وليد ،
صادف عدهم كرايبهم
ميت وامي رايحه ويه ام وليد
يالله كايمه ورحت بدلت
لبست تنورا وقميص
بس لبست عبايه فوكهم
وهو منتظر
من شافني فاك حلكا ويضحك
فرحان ماعرف على شنوو
طلعنا وابوي هم يوصي
لاتتاخرون رجعها قبل العصر
وكمل بسرعا وماوصيك بعد بزمن ومن هل السوالف
هو يرد اي عمي
تدلل
بطن عيني
طلع كدامي يتكلب
بمشيته مثل الاقزام
اجرنا تكسي وصعدت
وظلت تمشي بينا السياره
هو ملتهي يسولف ويه السايق
وانه اباوع عاى الشارع
بس انه لاحظت احنه
رايحين للبصرا مو للمحكمه لان ابو الخصبيب بيها محمكه
سكتت كلت يجوز هناك طالبيني
بنفس المحكمه الي عقدنا بيها
بس كلبي يلوب وارجف
من الخوف كل ظني راح ياخذني للكشافين هم يجوني
انه صح ماعرف بمناطق البصرا
هلكد ولاسمعته
من اجر ابو التكسي
بس من وصلنا للمنطقه عرفتها
هاي منتطقتهم
شون يكول رايح للمحكمه
بس نزلنا يم الشارع العام
اكو مطعم ومحلات
بعيد عن بيتهم
بس متاكده هاي منطقتهم
نزلنا وهو حاسب السايق
اشرلي امشي
مشيت جم خطوه
وكتله علول احنه وين رايحين
مارد عليه
رجعت سالته
هم مارد
وكفت بكاني
هو يمشي التفت عليه
هو يسالني شبيج ماتمشين
يالله راح تصير
ظهر
علول انت ماخذني لبيتكم
مو للمحكمه مو
امشي اكول امشي
والله هذا
طريق بيتكم رجع عليه
هو يكول امشي وانت
ساكته شنو نحجي بشارع
ماراوح امشي رجعني لاهلي
تقرب مني عتني من ايدي
عت وسلحني وهو يكلي يالله امشي بدون صوت
مااروح كتلك
سلحني قوي وظل يجر بيه
يسحول
وماجنه هذا علول القزم
شقواته
وانه اقاومه بس ماكو
فايده مايرضى يفلت ايدي
وانه اعلي بصوتي
ولك عوفني جذاب دكول للمحكمه
وتحلف على كلام الله
انت شنو ؟؟؟؟
انجبي واستكي
وامشي لااكسر لج راسج
دخلنا بلفرع واحنه هيج
هو يسحول وانه اقاومه وارد عليه بلكلام .هو يكلي انجبي
ها الخرسه طلعلج لسان
لو لان احنه بشارع
علمود العالم تشوفج
وصلنا لبيت بي عمال
يشتقلون ومواد بناء
ورمل وطابوك
جان يكول
اي شفتي هذول شباب
وطلعتي لسانج
وظل يطك بيه
ويشيل بطابوك وتطك على راسي
