زمن والانتظار
مساء الخير
6
كلي روحي صيحها وتعاي
بسرعه
انه هم خفت منه
رجعت بسرعه
للبيت
دخلت من الهول على من الترك
اكو عدنا باب من وراه البيت
ودخلت للحجرا
جانت الطيفه ومبدله
وكاعده تظفر شعرها
شافتني وتعجبت ظلت تباوعلي وهي عاكده حواجبها
هن شون جواجب ثخان سود نوب تعكدهم
يصيرون مطبوكات عبالك واحد
شنو مارحتي لهسه
تقربت منها وانه مثل اشاورها
اكلج بشير
برا واكف
اي بكل برود ردت
اي
يكول خلي يوصلنا للمدرسه
يوصلنا منو احنه
انه وياج
كليله مااروح
ولج والله حمكان
يخوف والله يالطيفه انه مااروح بعد
حتى المدرسه اليوم راح اقيب منها
يااا شون مو عندج امتحان
اي جا شنو اسوي
روحي انتي مالج شقل بيه
اعيد الامتحان بقير وكت
وانه اطلع وهم يسالني عليج
ويرجعني
مليت منه
تردين انتي روحي كليله انه اخاف منه
كلما شافني بمكان وكلي لطيفه ولطيفه
على كولته
يالله كافي انه اروح احجي وياه
على شنو تخافين
شنو هو بعبع
كملت تمشيط
وعدلت كذلتها
واخذت ةكتب بيدها ولبست الجنطه وطلعتو وانه وراها
سلمت عاى رياض
ورحنا وصدك نلكي واكف
بكانه مامتحرك
بصف السياره وجكاره بحكله ونظارته الشمسيه يخبل هيبهة
اباوعله من بعيد واكول كون اخذ اخذ نظراتك
ماعرف النظارات حلوات ماعرف هو
وصلنا
اله
سلمت لطييفه السلام عليكم
اهلا هو ينزع نظارته ويخليهم بفتحته القميص
الي طالع جزء من شعره
صدره
شونج
شخبارج
الحمد الله
زين من تكرمتي واجيتي تشوفيني
طبعا يحجي بصيغه ممزوجه من العصبيه
والاستهزاءهي ساكته
اشرلنه نصعد
اباوع الطاف تنفخ والله تخوف هاي سكتتها مو هينه
شويه و انفجرت
صعدت انه كدام وهي وراه
حرك وهو التفت عليها دايره
وجها للجامه
ولاهامها شي
سالني بيش الساعه
يدك الجرص
بثنعش ونص
تمام هواي وكت كدامنا
هو يمشي سريع
يمكن هاي اول مره اروح
بسياره للمدرسه
كله تكسي قدم
بسرعه بسرعه وصلنا
بس الهدوء جان سيد الموقف
وصلنا للمدرسه
واحنه اثنينه بعدنا كاعدين
باوعليه
شنوةوانه اضحك
ماتنزلين موعندج امتحان ومراجعه
ها اي صح
بس والطاف
مالج شقل بيها
انزلي
انتي
لاخليني انه وياها
انزلي زمن خزرني
يمه
هم يخزر بعد هو يحب الطييفه
اكيد يشبها
نزلت امري لله
وانه فرحانه من وصلت من وكت
بس حرامات ماسمعتهم
شنو يحجون شنو يكولون
بلكي اتلعم كم شقله
دخلت للمدرسه
وظليت واكفه باب المدرسه اباوعلهم
ماحرك بشير ظل وكف
وانه مجتفه ايدي واباوع اجتني
الفراشه شعندج واكفه
هنا
مارديت عليها على اساس
مااخاف دخلي جوه
واكفات بنص الشارع تشوفن طولجن للولد .يمه مو بنات امصيبه
مشنترات شنتر
دخلت وهي مستمره تحجي عليه
دخلت وهم مارحت للصفي ،ظليت اباوع من السياج شفت طابوكا
وصعدت عليها والسياج ناصي
وانه طويله
يعني مسيطرا اشوف كلشي
