زمن. والانتظار
مساء الخير والسرور
،،،،،،،،،
وهي تعت بشعري ودفع بيه
كوه خلصوني منها البنات
وتقط عليه بانواع الافشار
حتى. لساني نربط ماعرف شنو
ارد عليها
الي. يسمعها. يكول انه الي مشتكيه
عليه او انه السبب
ورجعت للبيت وجهالي واري
خطيه هم مقهورين عليه
كعدت بلكاع واجر النفس
حال الضيم الضيم حالي
من من ضربها ومنا الخبر هم بلسجن
وانه احس
التاريخ يعيد نفسه ويه منتصر
هم قبل انسجن
وهسه هم واكيد انه السبب بنظرهم
جابتلي زينه وشربت منه وقسلت بلباقي
والبنات. الزقار
يعدلون بشعري ويدخلوا جوا الشال
والثانيه
تنكت بملابسي. من التراب
وانه صافنه بزماني وبلجاي
يصيرلي يوميه سالفه
ويوميه مشكله
شبي هل الرجال يوميه شقله
مو هذول.اخوانه عين. الله عليهم
ماشين بدربهم
لايوم صارت ويه واحد مشكله ولايوم واحد.
انسجن. او شي
بس حظي المصخم
ماعدهم. قير. نسوانهم وعوائلهم
خليت. ايدي على خدي واسال
هو ليش انحبس وشنو مسوي؟؟؟
الله يعلم شنو بايك هل المرا
وانسجن واكيد ينسجن اله هو يصرف صرف مو طبيعي
لا ويكول من خير مرتي
وانه ازوجتها
علمود فلوسها
وجاي. اصرف. منهم
ظليت كاعده واحلل ويه نفسي
بحدي منو يمي ومنو يحجلي
حتى. من اسال يكولون مانعرف
او يسكتون
وانه افكر اجت زينه لزمتني من جتفي. وهي دكلي. اشربي
اباوع الها بيدها حبايه راس
كلاص مي
حركت راسي ورمشت عيوني
مثل الي وعيت
ماعرف شكد جنت صافنه
مااريد
لاماما. عفيه
شوفي نفسج شون تعبانه
شربتها.
واحس راسي صار طبل
ماعرف من الخبر ماعرف من طك خالتي وتمشعها
هسه. انه شموديني الها
كاعده وساكته بيتي مو. احسن
والله انه اتقهرت عليها
من سمعتها. تصرخ
واكول مرا جبيرا
واله جان شوفتها زمن شنو
بس سكتت
هم. عيب. مهما تكون خالتي
وبيبيت
جهالي
واحنه مامتعودين على. التجاوز
او العرك
عشنا طول عمرنا. مسالمين.
لانحب. المشاكل لانحب.الطلايب
شتان مابين. الاثنان
وين عشيتنا. احنه باابو الخصيب
وين هذول. استغفر.الله
كل شي قذر وصخ عدهم
