زمن والانتظار
مساء الخير والسرور
.......
مرت ايامي حلوه وهادئه
وامجد قامرني بحبه وحنانه
وانه مشبعته دلع وزعل
يعني فرحانه هاي الحياه الي اريدها
حصلتها
.....
رحت لاهلي وراه اسبوعين من زواجي
خطيه كلش فرحوا بيه
ابوي هم موجود ماطلع علمودي
البنات فرحانات بيه ماجنه انه
وياهم مكافش من الروس
ابد كل ساع وحده تحظني وامي محظرتلي ملابس و
اكل مثل عادتها تمر وطرشي
دبس من هاي سوالف
تقدينا والبنات كالن تباتين كتلهم
لا ارجع
ظلن يتوسلن ويكولن
خلي ابوي يحجي وياه
يبقيج وباجر ابوي
يوصلج
خب دطيرن انه اعوفه
هو انه هسةمشتاقتله
يكولن نامي عدنا
شون عيني تاخذ نوم
الله شدعوه عليج هسه
الي يسمعج يكول صارلي عمر
وياه
والج هي كلها اسبوعين
ان شاء الله يصيرون عمر
ولجن شون انام اله مايحظني
والله احلى اسبوعين بحياتي
اله تطورات زمن
ها شعبالج
الطييفه كالت عبالي مثل ايام
علول تجين مجوايه
اوووي شذكرج بي الله لارده
ولج امجد وين وهذا وين
فرق السماء عن الكاع
وظلن يتوسلن بيه احجيلهم
اسولفهن عن حياتنا
بس حبيت اخبث وياهن
ولاحجيتلهم شي
تالي نورا كالت
هسه ماتحجين مو
اي لو تموتن شنو احجيلكم هذا
شي خاص بيني وبينه
لعد انتظري
طفرت انه مااهتميت الها
راحت للدوانيه هي
تصيح على ابوي
يوباه
.....
يوباه
كلتها ا مي شنو تردين مو يمه الولد
شعدنج تلعلعين ،
اريد اكله خلي يقنع امجد يخلي زمن تبات عدنا
خطيه مشتاقتنا كلش
بس رجلها مايقبل
حبوبا يما قنعي ابوي
ويه
.....
ويه انه يمته كلت هيج
طفرت عليه وانه
اسحبها وهي دكلي ابد
ولاتحرك اله لمن يطلع ابوي
وانه اسحبها
وامي تزبر علينا
هي دكلي ولج صوتجن منا الرجال
شنو يكول شبيهم
ودفع بينا للحجرا .
رزلتني زمن هاي وصيتي الج
وانه اكلج ماريد صوت
عالي ماريد مخفه
يمه والله ماسويه شي
هي تخبث عليه
ظلت امي تزرل بينه
كوه خلصنا روحنا منها
شربنا جاي العصر ورجعنا للبيت
........
امجد بدء يشتغل يطلع الصبح هيج بسبعه بثامينه
نتريك سواه
وانه بعد ماانام اكعد
انظف البيت واقسل اماعين
وعمتي تكعد هي وحماتي
هم اسويلهم ريوك
واقسل ماعينهم
عمتي تروح للسوك انتظرها من تجي حتى ابدي بلقداء
اطبخ
