لـو غـيمت دنيـاي

البارت السادس

#لـو_غــيّمت_دنـياي

#الحلقة_الرمضانية_الرابعة

#البارت_السادس

#للكاتبة_زهراء_المظفر

___________________________________

ضغطوا على النجمة البرتقالية 🧡✨

بسم الله الرحمن الرحيم

ثُمَّ ارْجِعِ الْبَصَرَ كَرَّتَيْنِ يَنقَلِبْ إِلَيْكَ الْبَصَرُ خَاسِئاً وَهُوَ حَسِيرٌ (⁴)

صدق الله العلي العظيم

أستــغفر الله 🧡✨
___________________________________

البارت اهداء لصاحبة اول اجابة صح

l8_xcv

الاكثر تفاعل للبارت السابق - الكم تغشوشة

HabaYass

Qmar22_

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

___________________________________

البارت بعنوان (من مذكرات نجوى)

عمه عووفي حسين ولا تجيبنه على لسانج ليش هيج تحجين حتى الميت ما يخلص منج مو حررام تتشمتين بموتت ابني وتعايرين بناتي بي

بيد الله الموت مو بيد احد حتى تذلين بتي وتتشمتين بيها لان ماعدها سند وراح سندها

خافي الله وخليه بين عيونج حسبي الله ونعم الوكيل

هي بيبي سمعت امي هيج تحجي لو انكلبت الدنيا فوك روسنه .....

مدت بيبي لسانها السليط على امي وسمعنه منها كلام ماينلبس عليه ثوب ..

_هاي عليمن تعلين صوتج وتراددين ياعار يالعايبه اني اعلمج ولج اذا ما اخليج تعضين اصابعج ندم على الساعه الي فكرتي بيها ترفعين حسج بيها

ولج ما اطلع بت ابويه اذا ماخليته يطلكج ويشمت الي تسوه والي ماتسوه من  النسوان بيج ما اطلع اني امه ولا راضع من حليبي

واذا ما طلكج فمو غريبه على امهات السحوره مدري شمسويتله رابطه لسانه مدري عاميته عن سوالفج

وشوف حدر يا صخره ضامته لهالسحر بس وعيونه لأبني انبش الكاع وراج صخره صخره واطلع المضموم

لان هاي سكتته عنج مو طبيعيه والا وحده مثلج ولد مثل النسوان ما خلفتي اله والي خلفتيهم ماتوا ياووجه البوم يالفكر

وهذن بناتج اذا ما حرمتج منهن وخليتج مثل المخبله تفترين بالشوارع ما اطلع بت ابوي ...

رفعتني امي عن الكاع ..شالتني بدون ماترد عليها ولا بحرف .. دموعها تجري على خدها ...

دخلتني للبيت وهي شايلتني بين ايديها دخلتني لغرفه وخلتني على الفراش وطلعت ..