لـو غـيمت دنيـاي

البارت الثـامن عشـر

#لـو_غــيّمت_دنـياي

#البارت_الثامن_عشر

#للكاتبة_زهراء_المظفر

___________________________________

ضغطوا على النجمة البرتقالية 🧡✨

الاكثر تفاعل للبارت السابق البارت اهداء الها

_ Mahdiya313

___________________________________

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

___________________________________

البارت بعنوان ( حياة وهمية)

كلت الثالثه ثابته بس الثالثه ثبتت حظي الفكر وهم طلعت صغيره لميت غريضاتي ورجعت للبيت خالي مختلي لا مني ولا من صيدي

طبيت للبيت واسمع الهام تصيح بأعلى صوتها كأنها غركانه وشافت الي راح ينقذها والجهال يبجون...

ـ نوووح الحك عليه نووووح

ذبيت كلشي من ايدي ورحت اركض اشوف شبيها صوتها جان مو طبيعي وصرختها رجفت كلبي

دخلت للغرفه وجان منظر ما اعرف ابجي لو اضحك عليه

امي ومرتي وحده لازمه الثانيه من شعرها ومتذابحات بيناتهن وامي لازمه ايد الهام وتعض بيها وهاي الثانيه تصيح وتدفع بأمي عنها

ركضت عليهن وباعدت بيناتهن وامي تصيح ..
_يالعاكر يالعوبه يالي مابيج من البنات شي حتى الخلفه مادبرتي خايبه البزازين تحبل وانتي لا من جيره بفركج وفرك الخلفتج

حاولت اهديها ...يمه شنو هالـ حجي ترديلج سالفه حتى تتعاركين عليها ياعاكر شبيج شنو الموضوع فهموني شجاجنج تخبلتن بهالمغربيه هاي

والهام ترد عليها ..
_احترمي نفسج لا تشوفيني ساكته عنج مو زين مني تحملت العيشه وياكم منو تتحمل تعيش وياج يوم واحد عيشتكم تگصر العمر ولو بيتكم الي مليان جن وعفاريت طكت روحي لا رجل بي خير ولا عمه الي تكول كلمة حق شوو دوخروا عني امدامي اذا رجعت الكم بعد

راحت لمت غراضها هي والجهال اخذتهم وياها وراحت لأهلها قريب علينه وابني الجبير وياها فما يبقه بالي عليها اخته الوسط 4 سنوات والصغيره عمرها 3 سنوات راحوا  واني واكف على نفس وكفتي متعود على عرايكهن كل اسبوع عدنه عرس من هاي النوعيه

خليت امي تدردم وحدها وتصيح تزوج عليها وليش صابر والحجي الي ينعاد كل مره حفظته على كلبي من كد ما اسمعه ذبيت نفسي على الفراش وفتحت الراديو ..جانت الاذاعه تبث اغنية ياحريمة لحسين نعمة ... من اكثر الاغاني الي احبها واستمتع واني اسمعها .. جان يكول بيها حسين نعمة