لـو غـيمت دنيـاي

البـارت الـثـالـث عشـر 🧡

#لـو_غــيّمت_دنـياي

#البارت_الثالث_عشر

#للكاتبة_زهراء_المظفر

___________________________________

ضغطوا على النجمة البرتقالية 🧡✨

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

_________________________________

البارت بعنوان ( خُلِقت قصةَ حُب)*

ارتعبت عمتي من صوت رافد ..جان واكف بنص الغرفه ويتنظر يسمع منها جواب ..

تمشت وطلعت من الغرفه وهي تكول ... عمي انته بلوه حتى الي يريد ينصح ما تخلي بعد فوكاها غير افهمها شلون تفتح قطع القماش بدون ما تأذي روحها ..

سدت باب الغرفه وهي طالعه .. اذاناتي ماتصدك الي تسمعه ... شنو هالقدره على التأليف الفضيعه

شلون تكدر تسويلها سالفه واحداث وحجي ما مگيول ... عجيب

عمري كله ماشفت هيج ولا راح اشوف .. الله يسترني من جذبها ..

اتوقع رافد يعرفها ويعرف سوالفها وحافظها لهيج ما ناقشها وجان مبين على ملامحه عدم التصديق ..

تقرب مني رافد وكال .. ها زينه شتكولين لو اصعدج على الجربايه افضل الج وهم بنفس الوقت اسهل الج بالكومه والكعده خاف تحتاجين تروحين الحمام شي شيكومج من الكاع صعبه عليج ..

سألته .. والعلاج راح تكدر تخلي الي واني متمدده هناك على الجربايه ..

جاوبني وهو يرفعني .. اي يابه شنو تره اني شاب بعدني لا يغرج هالكم شيبه الي بلحيتي بله ام موسى ماتكدر تبقى واكفه فتره طويله اني شنو عجوز بعينج وما اكدر ...

بده ينزلني شوي شوي على الجربايه ..متألمه حيل بس يبقى اهون بشوي من مساع .. لافه ايدي حوالين رقبة رافد ..

عقدت حواجبي وصكيت على اسناني حيل بتألم واصدت صوت خفيف يوحي بأني جاي اتألم .. عفيه رافد على كيفك نزلني جسمي كله يأذيني

جاوبني وهو يخلي جوه راسي المخده ... اكيد على كيفي يا عيني هو غير أ أذي روحي من أأذيج ...ها كوليلي مرتاحه هيج لو لا ..

هزيت راسي بهدوء بمعنى ايي .. مرتاحه

احنى ظهره وتقرب مني باسني على راسي وكال ..

اسف والله ماردي هيج راح يصير وياج لو ادري ما جان خليتج تروحين والله وجاي احلفلج وهو هم الصووج مني اخخخخ شلون هيج أمنت ادزج للمطبخ وانتي بعدج كلشي ما تندلين بالبيت ونوب الجاي راح عن بالي مخلص ..

مجاوبته بشي لان ماعرف شنو لازم اجاوبه ..

ثنى رجليه وكعد بالكاع .. لازم ايدي القريبه عليه بأثنين اديه