لـو غـيمت دنيـاي

البارت الاول

#لـو_غــيّمت_دنــياي

#للكاتبة_زهراء_المـظفر

#البارت_الاول

__________________________________

تعرفون فقراتنه الي هي الاكثر تفاعل بالبارت واول توقع صح هديته نشر حسابه

هالمره هالهديه تكون اما تغشوشه للبارت الجديد  او ينهدي البارت الجديد الها او تكون الها هديه من نوع اخر ما اتوقع كاتبه غيري سوتها

وهي الاستغفار بأسماها او الصلاة ع محمد وينهدي ثوابها الها

والفكرة من هالشي لان اني ما اريدكم مجرد تقرون روايه اريد يكون بيها فائده واجر الي والكم بنفس الوقت

ومثل متعرفون الي يدعي لشخص غريب يكون اله بالمثل والحسنه الوحده بعشر اضعاف ويمكم الحساب 🧡"

شنو رأيكم بالفكرة

اني كلش حابتها تخيلوا بس بيوم القيامه نتلاقه واحنه مسوين خير لغيرنه نأجر عليه وهالشي ما ياخذ غير ثواني من حياتنه

بالتوفيق للجميع

__________________________________

ملاحظه صغيره : الرواية ابطالها من الشمال واني من الجنوب والبنيه الي تسردلي الاحداث ما تعرف لهجتهم   فـ اي كلمة او مصطلح تشوفونه مو يم لهجة الشمال تغاضوا عن الموضوع  واني بحثت وشفت لهجتهم وطلعت مقاربه النه ومابيها اختلاف فـ حبيت اوصل الكم الفكره فقط حتى لا تجي انتقادات على هالموضوع .

النشر بأذن الله راح يكون بين يوم ويوم ، واليوم الي افرغ بي انزل الكم بارت هدية 🧡
__________________________________

قبل لا تبدول بالبارت لا تنسون تصلون على النبي

ـ اللهم صلِ على محمد وآل محمد 🧡"

__________________________________

بارت بعنوان " بداية طفولة "

الكل متجمع بغرفه وحده .. الخوف المستمر واصوات الصواريخ والطلق وعيت عليه وتربيت وياه من صغري

كل يوم وي المغرب نبدي نطفي اي مصدر للضوء بالبيت ، وتخيم علينه اجواء العتمه والسكون

وحتى النفس قاطعينه وما ينسمع النه اي صوت عيون الكل تراقب من الشباك عايشين برعب والخوف مسيطر علينه الجبير قبل الصغير ..

كل صوت للهاون او الصاروخ ياخذ وياه كل حيلنه .. مانعرف اذا راح يوكع فوكنه ويسوي البيت رماد فوك روسنه لو يتعدانه ونكول عدت سلامات ..

اصوات الطيارات العاليه تطرش الاذن عكس ارتفاعها الناصي وضلها المرسوم ع الگاع اذا انكعست عليها اشعة الشمس   شي مخيف بشكل ومحد يعرف هالشعور غير الي عايش بهذيج الفتره