لـو غـيمت دنيـاي

البارت السابع

#لـو_غــيّمت_دنـياي

#الحلقة_الرمضانية_السادسة

#البارت_السابع

#للكاتبة_زهراء_المظفر

___________________________________

ضغطوا على النجمة البرتقالية 🧡✨

بسم الله الرحمن الرحيم
وَلَقَدْ زَيَّنَّا السَّمَاء الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ وَأَعْتَدْنَا لَهُمْ عَذَابَ السَّعِيرِ

وَلِلَّذِينَ كَفَرُوا بِرَبِّهِمْ عَذَابُ جَهَنَّمَ وَبِئْسَ الْمَصِيرُ
(5-6)

صدق الله العلي العظيم
___________________________________

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

البارت اهداء لصاحبة اول اجابة صحيحه

TARA_8022

الاكثر تفاعل للبارت السابق ..تعالي للخاص الج تغشوشه  من البارت مال باجر

8lo_8lo

___________________________________

البارت من 2000كلمة🧡

البارت بعنوان ( من مذكرات زينه )

ضحكت وكالت انتبهن على اخوجن ولجن اذا انجرح جرح صغير ابوجن يعلكنه من شعرنه ...

بس دخلت امي للمطبخ دارت نجوى وجها عليه وكالت ...

انتي ماكده صلاح بالحديقه شنو ما اله حسس ؟

رجف كلبي من كالت هيج ..

طلعت اركض للحديقه ماكو صلاح وماله اثر ..

طلعت بره اركض اسمعهم يكولون خطيه يمكن ماات ..

بقيت ادفع بيهم دخلت بيناتهم وشفت الي ما تمنيت اشوفه ....
صلاح ممدود بالكاع والدم يجري من راسه ..نفس المنظر ، بنفس الشكل

شعره الذهبي الي واصل لكتفه تحول لونه وصار احمر ..

السيناريو جاي يعيد نفسه ، قبل سنتين شفت حسين بهالمنظر واليوم صلاح!!

حسين ماكعد وصلاح هم ما راح يكعد ...

تيبست شفافي ..نشف ريكي ...بالي مو يمي. اصوات الناس الي متجمعه يمي ماجاي افهم منهم شي وما جاي اركز وياهم ابد ..

هواي اسئله تجمعت بعقلي ، صلاح مات ؟ !!
شنو أكول لأمي من ارجع للبيت !!
امي شنو راح تكول لأبوي من يجي ؟

ابوي شنو راح يسوي بينه !!!!!!!!!

اسئلة بالمئات تفتر بعقلي ما الهن اجابة ..اجابتهن الوقت راح يكشفها ...كل هالاسئلة اجت ببالي واني واكفه كدام صلاح