لـو غـيمت دنيـاي

البارت السـابع عشـر ❤️

#لـو_غــيّمت_دنـياي

#البارت_السابع_عشر

#للكاتبة_زهراء_المظفر

___________________________________

كثرولنه من التصويت بنات و ضغطوا على النجمة البرتقالية حتى نجذب عدد اكثر من القراء 🧡✨

البارت اهداء لصاحبة اكثر تفاعل بالبارت السابق
8lo_8lo

__________________________________

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

___________________________________

عنوان البارت (قـرية الرعـب)

زينه ..
كعدت على صوت العصافير وزقزقتهن .. متجمعات حوالين شجرة النبگ الي موجوده بطرف حديقة ام عيسى الصغيرونه ، الغيوم جانت راسمه منظر جذاب للسما .. مسويه للسما منظر يجبرك تكول سبحان الخالق وسبحان ابداعه ..

من فتحت عيوني واني احسن بألم بكل جزء موجود بجسمي تعب وارهاق جسمي كله يون عليه كل عظمه من عظام جسمي تأذيني ...

تسائلت بيني وبين نفسي .. ليش هيج متـأذيه امس وبوقت الضرب ماحسيت بنفس كمية هالارهاق هذا .. امس مشيت وتحركت جان بيه شوية حيل هسه شو كلش ماكدر اتحرك

انتبهت على ايدي وبقيت احركها بثگل كدام عيوني ..لون جلدي متغير ببعض المكانات بين البنفسجي والبُني ..اثار كدمات متوزعه على كل جسمي ... وغير الدم الي يابس بأطراف الجروح

بقيت على هالحال اتفحص جسمي لمده ماعرف جانت شكد بالضبط ...بس فتره طويله اكثر من ربع الساعه واني اتفحص ،، سمعت صوت الباب انفتح وطلعت ام عيسى من البيت ..

جانت تردد وهي ماشيه للحوض مال الماي الموجود بنص الحديقه ، ترفع بردن دشداشتها حتى تتوضه ... كالت ..
بسمِ اللهِ الذي لا يَضرُ مع اسمِه شيءٌ في الأرضِ ولا في السماءِ وهو السميعُ العليمِ
أَصْـبَحْنا وَأَصْـبَحَ المُـلْكُ لله وَالحَمدُ لله، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه، وَأَعـوذُ بِكَ مِنْ شَـرِّ ما في هـذا اليوم وَشَرِّ ما بَعْـدَه، رَبِّ أَعـوذُ بِكَ مِنَ الْكَسَـلِ وَسـوءِ الْكِـبَر، رَبِّ أَعـوذُ بِكَ مِنْ عَـذابٍ في النّـارِ وَعَـذابٍ في القَـبْر

توضت وكملت واني عيني عليها واردد يالله يالله وبيه غصه وي كل دعاء تكوله

شافتني تفاجئت كأنها جانت ناسيه وجودي لانها متعوده على الوحده لطمت على خدها وكالت

يااا يااا اعوذ بالله منك يشيطان على هالنسوه هاي جا شلون نسيتج هنا غير تكولين تحجين هسه انه نسيت انتي شمالج