#لـو_غــيّمت_دنـياي
#البارت_الخامس_عشر
#للكاتبة_زهراء_المظفر
___________________________________
ضغطوا على النجمة البرتقالية اولا 🧡✨
قبل لا تبدون بالبارت لا تنسون تصلون على النبي
ـ اللهم صلِ على محمد وآل محمد 🧡"
البارت بي اكثر من مشهد مؤلم وتعبت بكتابته صراحةً ، قراءة ممتعة للجميع ❤️✨
البارت اهداء لصاحبة اكثر تفاعل
166zainab
__________________________________
بارت بعنوان
( المصائب لا تأتي فرادا)
سمعت صوت نجووى تصرخ ذبيت كلشي من ايدي ورحت اركض الها
وصلت يمها بالكوه اطفر حتى لا اخرب المحاصيل وادوس عليهن
شفتها ايديها مليانه دم وتكمز بمكانها ...
نطتت عيوني عليها بخوووف وصحتتت ...
شبيييييييججججج .....
جان واكف مقابيل نجوى ولد شاب مضروب بأيده اليمنى بمنطقة الزند والدم يجري منه لازم زنده بأيده اليسره وصاك ع سنونه بقوه ونظرة عيونه عصبيه حيل ...
صرخت بوجه نجوى ...
_ماتردين شكووووو
ونفس الشي مجاوبتني وجها شااحب صار لونه اصفر وشفايفها تزوگت وعيونها صافنات ع الولد الي بده يفتح بقطعة القماش الي رابطتها ع بطنه
لفها ع ايده وجان يحجي كلام ما مفهوم بالنسبه الي وكلمات بعمري ما سامعتها وحتى ما اتذكرهن من غرابتهن ..
لف الولد ايده بقطعة القماش وراح .... اما نجوى فجانت داخله بحاله اشبه بالصدمة
عيونها ما تحركت ولا رمشت حتى ..و لهسة صافنات ع المكان الي جان واكف بي الولد مع انو راح
ماعرفت شسوي الها احجي وياها ما تجاوبني ، ما لكيت حل غير امو افر الها وجهها براجدي ،، يصحيها على زمانها
وبالفعل من ضربتها الا انتبهت الي وبقت تبجي وتكول ماااات؟! هااا مات مووو!!!
سحبت نَفسي بقهر وزفرته بعصبيه ...عرفت انو هي الي ضاربته اختي واعرفها
ماتخاف ولا تفكر بالشي قبل لا تسويه ..
يعني لو ضاربها لو مرجع عليها الضربه ومبين هي ضاربته بالمنجل
يمكن يموتها ومحد يدري بيها بهالكاع الواسعه
ويمكن حقد عليها وراح يرجع الها الصاع صاعين ..
اوووف نجوى اووووف منج يوميه مصيبه شكل
غسلت الها وانطيتها طماطه من الزرع الي جان يمنه بس هي اقرب شي عليه اكلتها وشوي صحصحت
أنت تقرأ
لـو غـيمت دنيـاي
ChickLit(لـو غــيّمت دنيـاي)* رواية كُلش عراقية (حقيقية 100%) ترجع جذورها لثمانينات القرن الماضي اب لـ( 8 ) زهور غلف مظهر بناته بأشواك حاده الملمس ليعيشن حياتهن يلعبن الدورين الذكر والانثى !! حتى اختفت عنهن مظاهر الانوثه ثمانِ اخوات وثمان قصص مختلفه اجتم...
