لـو غـيمت دنيـاي

البارت السـادس عشـر 🧡

#لـو_غــيّمت_دنـياي

#البارت_السادس_عشر

#للكاتبة_زهراء_المظفر

___________________________________

ضغطوا على النجمة البرتقالية 🧡✨

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

___________________________________

زينه ..

طلعتلي ام عيسى ومن شافتني انصعقت
صاحت بوجهي ...
ياااا يمه شبيجج ولج شجرالج شو تعالي دخلي دخلي

اسندت نفسي عليها واني اشهگ بالبجي تحجي وياي وما اجاوبها بشي بس ابجي

دخلتني لبيتها غسلت الي وهي تسمي عليه ...حسيت بيها بحنان امي الي حيل افتقدتها ..

داوتني وكالت ..كومي يمه كومي اوديج بيت رجلج كلشي ينحل واني بنفسي اعاتبه شلون يمد ايده عليج وحتى لو صار خلاف بينكم مو هيج يمه

كومتني اخذتني لطريق بيت عيالي واني مستنده عليها ...

بين ما جاي نتمشى كالت ..يمه التهيت وياج وما رديت باب البيت ارده (اسده) واجيلج ما اتأخر

راحت عني مسافه قليله مو هواي ...بقيت اتمشى ببطئ انتظرها ...

وفتحت عيوني بخوف ع رافد الي جاي بأتجاهي يركض وشايل سجينه بأيده ...

صوته يرعد وعيونه حمره الشرار يطلع منهن ... وكف كدامي ملامح وجهة ما تتفسر ايده ترجف وهي ملتفه على طرف السجينه

صاح بوجهي ..لجج ساقطه ووووين جنتي وين وجايتلي هيج ..لزمني من شعري وسحبني بأتجاهه ..

راحت كل قوتي واسندت جسمي عليه رغم خوفني منه بس هو جان مصدر الامان الي حتى لو صار الامان نفسه جاي يهددني بنهاية حياتي

اول ما جسمي لمس جسمه ابتعد عني ووكعت بالكاع ما الي سند ..راح الأمان مني تجمدت دموعي بطرف عيني ...

الشهكه تگطع بأنفاسي ..احس كل هموم الدنيه تجمعت على شكد غيمة سودة ونامت على كلبي وترفض تغيثني بمطرها ..

على صوت رافد اجت ام عيسى الي جان كل ظنها انو رافد هو سبب كل الي صاير بيه ...

اما رافد فما اعرف شنو الي جان بعقله وشنو الي انحجه يمه

بأختصار الوضع جان متشابك ومحد يعرف شنو الي صاير بالضبط غير الله ..

جان كلبي يدك بنفس السرعه الي تهتز بيها ايد رافد الي شايل بيها السجينه

رافد لزمني من زندي ويرفع بجسمي الثكيل وهو يردد كولي وين جنتي وووين وام عيسى تكفلت بالجواب

ـ شووو دوخر عنها وضربت رافد كف قووي من صوته صحيت على نفسي و وكفت ع طولي بصدمه ماتوقعت منها تضرب رافد ابد