لـو غـيمت دنيـاي

مهم

صباح الخير على عيونكم ..

اعرف اكثركم راح يقرون هالكلام وره مايكعدون الظهر ويجوز نهاية العصر  ويمكن ويه اذان المغرب حسب وقت كعدتكم ..

الساعة يمي حاليا 8:40 دقيقة صباحا

تصدكون لحد هسه كاعده من امس الظهر لان البارت شاغل تفكيري .. اكثر مما تتصورون

بالاضافة لمحاضراتي الي ما يخلصن الا وره ال12

نرجع للبارت الي جان المفروض ينزل امس
كتبت منه الي كتبته بس كتابه سريعه وهيج مجرد سرد احداث ف  حذفت  كلشي لان ماعجبني الي كتبته بلحظات استعجال مني وبس اريد اوفي الكم بالوعد وانشر الكم البارت

بصريح العبارة (ماريد اسكتكم ببارتات ماتلوك بيكم )

بس لانو اني ماعندي وقت او ماجاي افرغ للكتابه هالشي مامسموح عندي لو انزل بارت يلوك بالقارء لو ماانزل

ف يا قارئين الرواية اليوم جيت افضفض الكم

وخجلانه كلش بس ياريت تتفهمون انو الوقت ماجاي الحك احس اريد اكثر من ال24ساعه باليوم يالله يكفيني كلشي

ف الي اريده منكم تلتمسون الي العذر بتزيل البارتات ونرجع مثل قبل البارت بيوم يوم ويوم ينزل الكم بارت طويل مرتب ومعدل

بدل ما اكتبه بيوم اقسمه على يومين هيج اكدر اضمن الكم انو الرواية تاخذ حقها

ما اكلكم اني كل ما عندي راحه وانما الكتابة يراد الها مزااج حيل عالي الكلمات ما تنزل عليه بالوحي

ارجع واكول اني حيل حيل حيل اسفه بس فعلا النفسيه تحتاج يوم استراحه حتى اتهيئ للكتابة

المهم عوفونه من هالسوالف /بنات شلونهن المواعين 🙂🔪

///

موعدنا اليوم ان شاء الله ببارت جديد ومن بعدها راح نستمر بالتنزيل بين يوم ويوم الى ان  نوصل لاخر حرف بالرواية سوه

الرواية حيل طويله راح نمتد بيها لاكثر من جيل واكثر من فكر راح نعيش بيها التطور الزمني واختلاف الافكار وتغير العادات من جيل الراديو لجيل الانترنت

دمتم بخير يارب

اختكم زهراء المظفر 😍