#لـو_غــيّمت_دنـياي
#البارت_الثاني
#للكاتبة_زهراء_المظفر
___________________________________
ضغطوا على النجمة البرتقالية 🧡✨
الاكثر تفاعل للبارت السابق
تعالي للخاص الج تغشوشه للبارت الجاي 😁
___________________________________
قبل لا تبدون بالبارت لا تنسون تصلون على النبي
ـ اللهم صلِ على محمد وآل محمد 🧡"
___________________________________
البارت بعنوان " ذكريات الحرب البائسة "
شيرجع الطفولة وذيج الايام
رغم ذيج البساطة الراس خالي
صح الماي عدهم جان خابط
بس صافين نية صار صافي
على النسيان جانت عايشه الناس
شكثر عدهم حنان وكلب وافي
حلوين المعاني وبيض الگلوب
وهواهم من يمر للعلة شافي
حتى الكاع جانت تحظن الناس
مثل الام حظنها شكثر دافي
ابد مو من فقر حافي البشر جان
بس گاعه نظيفه ويمشي حافي
✨✨✨
شفت ردة فعلها وهي مصدومه و متفاجئه خلصتها بس غلط ومسبه ع رواء وهي تسالها ..
- منو سوه بيج هيج يا طايح حظ وصبغ
اشرت ارواء عليه ، جنت واكفه وراهن مباشرةً
هي دارت عليه وركضت واني ذبيت كلشي من ايدي وركضت
فتحت باب البيت وطلعت للشارع اركض حافيه ..
ماعرفت وين اروح وين انطي وجهي بمصيبتي الي سويتها
غميت روحي بخفاء .. من مصيبه لمصيبه خرب يومي ..
اركض واتلفت وراي ..شفت بيبي طلعت من باب البيت تركض وراي بركضتها البطيئه ولازمه عودتها وتغلط انواع واشكال من الغلط
قريتنه كلها بساتين وزرع والارض ترابيه قليل الجحار والحصو بيها ، يعني ماعندي مشكله بالركض حافيه اصلا الموضوع كلش سهل عندي
اخذتني دروبي والافرع كدام بيت خالتي سُهيله
واني بعدني مستمره بركضتي السريعه قدمت اديه ودفعت باب بيتهم الخشبي ودخلت بدون ما ابطئ شوية من حركتي السريعه
تفاجئت برجلي الي اجت بوسط وحده من بين الصواني الكبار المتروسه تمر رطب ، الكاع انملت بالتمر واختلط التمر بالتراب
خليت ايدي ع حلكي بصدمه وتجمدت بمكاني للحظات واني اكول ..
_ يااااااا طركاعه لفتني اكون مايسوى غسلهن للتمر من الصبح لهسه اجيت اني خربت كل شغلهن
أنت تقرأ
لـو غـيمت دنيـاي
ChickLit(لـو غــيّمت دنيـاي)* رواية كُلش عراقية (حقيقية 100%) ترجع جذورها لثمانينات القرن الماضي اب لـ( 8 ) زهور غلف مظهر بناته بأشواك حاده الملمس ليعيشن حياتهن يلعبن الدورين الذكر والانثى !! حتى اختفت عنهن مظاهر الانوثه ثمانِ اخوات وثمان قصص مختلفه اجتم...
