لـو غـيمت دنيـاي

عتب

السلام عليكم متابعين رواية لو غيمت دنياي ..

بالبداية رمضان كريم عليكم وربي يتقبل منكم صالح الاعمال ويجعلكم من الفائزين بهذا الشهر

جيت اليوم حتى اعاتبكم بصراحه وتعرفون العتب على قدر المحبه ..

اني والحمد لله مامقصره وياكم بالتنزيل  ، صح جاي انشر متأخر والبارت البعض يكول عنه قصير هو بالفعل مو كلش طويل البارت

واني اكيد عندي تبرير لهالشي ، اني جاي انزل الكم البارت يوميا يعني اكتب البارت وانشره مباشرةً لا جاي اكتب بي يومين ولا جاي اضمه عنكم فتره طويله حتى يطلع الكم بارت طويل مثل الي تكتبه اي كاتبه خلال يومين

وامهات البيوت يعرفن الوقت بايام رمضان شلون يركض ركض الصبح محاضرات عندي لان اني طالبة وانام الظهر على ما اخلص كل محاضراتي وره صلاة الظهر واكعد نهاية العصر هم اكيد اكو شغل بالبيت والفطور وبعدها المطبخ والمواعين ووراها اكعد لل1 وال2 اكتب الكم البارت وانشره يعني ماكو راحه الي ورغم هالشي اني ما مشتكيه الكتابة احبها والرواية كلش حابتها ومفرغة وكت طويل من يومي الها

مع ذلك جاي انزل الكم بارت مرتب سواء فقرات البارت الرمضانية وترتيب الاحداث وتوصيل الفكره للقارى بأبسط سرد وماكو تعقيد عليكم

لحد هسه متفقين انو التقصير مني ماكو ان شاء الله

بس اكو تقصير منكم يعني اني من انزل البارت شنو انتظر بعد تعب لساعات طويله بكعده مستمره؟

اكيد اريد اشوف تعليقاتكم و تفاعلكم وتصويتكم للرواية بما انو انتو حابينها ومستمرين تقروها

تفاعل قليل صراحه ومايسوي واهس هم كم شخص معدودين على الاصابع الي يتفاعلون واعرفهم لان اقره كل تعلياتكم واجاوب عليكم

لذلك اريد تفاعلكم يصير احسن من قبل مثل ما انتو ماتحبون اقصر وياكم بالبارتات والتنزيل انتو هم لاتقصرون بالتصويت للرواية والتفاعل وي احداثها

التصويت يوصل الرواية لعدد اكثر من الناس والتفاعل وي الرواية يفرحني شخصيا

ان شاء الله يقوى تفاعلكم وابقه اخصص بارت كامل لعرض تعليقاتكم نتناقش بأحداث الرواية سوة ونجاوب اسألتكم وتدللون بس شدو حيلكم شوي هههههه

اتمنى الكم يوم سعيد واسفه على الاطاله بس حبيت اعاتبكم شوي 😁

اشوفكم بخير باجر بالبارت التاسع ان شاء الله واوعدوني اشوف تفاعلكم القوي

اختكم زهراء المظفر 🧡✨