لـو غـيمت دنيـاي

البـارت الحـادي عـشر💙

#لـو_غــيّمت_دنـياي

#البارت_الحادي عشر

#للكاتبة_زهراء_المظفر

___________________________________

ضغطوا على النجمة البرتقالية 🧡✨

كلش كلش اعتذر عن انقطاعي ظروفي اقوى مني ماريد اتعمق اكثر بتفاصيل حياتي لان هالرواية ما الها علاقه بحياتي الشخصيه وانتو جايين حتى تقرون قصة الابطال وحكاياهم مو قصتي

طلب مني اتمنى ما ترودوني ياريت تقرون الفاتحة لزوج خالتي وتدعوله بالرحمة

ملاحظة / راح انزل الكم اكثر من بارت باليوم لكن راح يكون البارت مو كلش طويل ولا بالطول المعتاد وهاي افضل طريقة حتى لا انقطع عنكم وتستمر احداث الرواية لان البارت الواحد ياخذ مني تقريبا اكثر من 5 ساعات وبكعده مستمره عليه لهيج قررت شوكت ما اكدر اكتب راح اكتب الكم بارت وانزله باي وقت حتى لو 5 بارتات باليوم وهالشي مؤقت ان شاء الله .اتمنى تفهمكم لهالموضوع 🧡

حاليا ماراح اذكر صاحب اعلى تفاعل والاجابة الصحيحه راح اجمعهم كلهم بالبارت التالي
__________________________________

طاحت امي من على الكرسي الخشبي الي جانت كاعده عليه وصار وجهها على الكاع

لمست وجناتها الي كلهن تجاعيد سطح الارص الخشن ..تجرح وجهها وبده الدم يسيل من مكانات الجرح ،،انرج جسمها ..ايديها صعب عليها تحركهن وتحمي وجهها من الوكعه فطاحت على وججها وانحك لحم وجناتها المتجعده بالكاع

ركضنه كلنه بأتجاهها ..نحاول نرفعها او نقلبها على الاقل على ظهرها ..ماكدرنه نحركها صارت حيل ثقيله ..

عفت خواتي يمها وركضت لداخل البيت ...صبح كلها نايمه مو مثلنه يكعدون على وقت ..

توجهت بسرعه ووكفت كدام باب غرفة خالي ...ادك بي حيل حيل واصيح خاااالووو خاااالوو تعاال

مستمره ادك بالباب لحد ما انفتح وطلعت تنفخ بوجهي ...

...........

زينه :
سلمت ودخلت يم رافد وعمتي واني مستغربه من ام رافد .. وين جانت وشبسرعه اجت ...غير تستقبل اهلي بأعتبار انو هي ام البيت .. كل هاي تساؤلات جانت تدور بعقلي

كعدت يم رافد ..كال
يلا اكلي مو تكولين استحي واني عروسه ومن هالحجي ماعنده هيج احنه انتي صرتي من وحده البيت ..

ابتسمت بوجهه ابتسامه خفيفه وخليت عيني على الصينيه بيها اشگال والاوان بس ناقصها جاي

ف سألت رافد ..تريد جاي قبل لا يجاوبني طفرت امه من يمه ..

_لعد اني شنو هنا تمثال لو صنم غير تسأليني اني اول ..

سكتت وماجاوبتها بشي لان خفت احجي جاوبها رافد ..
_على كيفج وياها يمه شكالت هسه هي ..