#لـو_غــيّمت_دنـياي
#البارت_الواحد_والعشرون
#للكاتبة_زهراء_المظفر
___________________________________
ضغطوا على النجمة البرتقالية 🧡✨
قبل لا تبدون بالبارت لا تنسون تصلون على النبي
ـ اللهم صلِ على محمد وآل محمد 🧡"
___________________________________
سألني رافد ..جاي تسمعين صوت صريخ لو بس اني اسمع ..
عقدت حواجبي وسكتت حاولت اسمع هزيت راسي بمعنى ماكو شي وكلت اله
رافد لا تغير الموضوع احجيلي
طفر من مكانه وكال..ولج اكو وحده جاي تصرخ كومي
كمت وراه ووكفت بباب الغرفه
وسعت عيوني على كبرهن من سمعت صوت صريخ عالي وهوسه جاي من بيتنه وما نعرف مصدر الصوت منوو
ركض رافد كدامي واني وراه اركض بكل سرعتي الصوت مرعب وكأنو وحده من البنات جاي تستنجد بالصراخ مالتها ..
فات رافد قبلي للبيت وصاح بصوت عالي
ـ هااااااي شكووو شبيج ولج ؟!!
--------------- ----------------
قبل لحظات
جميلة..
ركضت لدولاب بيبي فتحته وطلعت شيشة المعجون الي مخليه بيها دهن اخذتها وركضت بيها لبيبي وما اعرف شلون ما وكعت من ايدي واني جسمي كله يتراجف
انطيت الشيشه الها بدون ما ارفع الغطى عنها غمتني وسمعت منها المقسوم ...
- خايبه دفتحيها بيا ايد الزمها ااني وانتي ولج ارويه ركضي للمطبخ جيبلي خاشوكه حتى اطلعاا للدهن بيها
راحت ارواء تركض للمطبخ جابت خاشوكه صغيره واجت
طلعت بيبي الدهن وبدت تدهن بي على جسم الطفل وتسويله حراكات يا رافعه ايده يا طابكه ايديه وحده فوك الثانيه ومسويتهن علامة x ، يا رافعه رجليه ويا منزلتهن لعبت بحال الطفل لعب وما انسه الاصوات الي تطلعهن من حلكها ويه كل حركه تسويها اله
كملت اله كلشي والولد ما فتح حلكه ابد كمطته وخلته بحظنها وبقت تدك على راسه وتخض بي حيل سطرته سطر واني اباوع عليها شلون تعامل وياه واقارن بيني وبينها شلون لازمته واني اعامله معامله الكزاز اخاف من اي حركه مني لا ينكسر بي عظم لو يتأذه
اخذته منها بعد مانام ونيمته بالمكان الي صاير مقر اله لحد مايجي علينه نوح وشوكت يجي نوح علينه محد يعرف ...
كامت بيبي وتوجهت على القبله ..رفعت ايديها وكالت ..الله أكبر .. وبدت صلاتها
بهالاثناء دخلت ميعاد للبيت ..تأفأفت من شافتنه اني خواتي متجمعات ..باوعت النه بنظرات كأنها لعبانه نفسها من عدنه
أنت تقرأ
لـو غـيمت دنيـاي
Romanzi rosa / ChickLit(لـو غــيّمت دنيـاي)* رواية كُلش عراقية (حقيقية 100%) ترجع جذورها لثمانينات القرن الماضي اب لـ( 8 ) زهور غلف مظهر بناته بأشواك حاده الملمس ليعيشن حياتهن يلعبن الدورين الذكر والانثى !! حتى اختفت عنهن مظاهر الانوثه ثمانِ اخوات وثمان قصص مختلفه اجتم...
