#لـو_غــيّمت_دنـياي
#البارت_التاسع_عشر
#للكاتبة_زهراء_المظفر
___________________________________
ضغطوا على النجمة البرتقالية 🧡✨
الاكثر تفاعل للبارت السابق هالحلوات البارت هذا اهداء الكم
___________________________________
قبل لا تبدون بالبارت لا تنسون تصلون على النبي
ـ اللهم صلِ على محمد وآل محمد 🧡"
___________________________________
رافد ... استغفر الله منك يلساني ولج يمممه كافي اشو انتي ماتعرفين تحجين عمي الله يساعدها البنيه عليج ماينعاش وياج
هي سمعته هيج وكامت تدفع بي وتكله ..اطلع اطللع مالك كعده هنا بعد انته وهاي الحيه اي وياك على موتي تدخلون بعد هنا حالك حال اخوانك حرامات رباي بيكم
هسه تلمون خيستكم وتطلعون ماتبقون هنا بعد ولا دقيقه وحده
رافد باوعلي وصاح بوجهي بعصبيه وصوته يصدح ...
ركضي لمييي غراضج بسررعه لا تخلين شي هناا
طلع رافد من البيت واني طلعت وراه اركض صاح بوجهي
ـ اني شكلت الج لو ماسمعتي ...
ـ سمعت والله بس غراضنه قطعه لو قطعتين اجيبهن هسه وين اوديهن اخليهن بالشارع زين الغرفة والاخشاب هم من غراضنه قابل اشيلها ع راسي وافتر بيها هسه نحصل مكان وناخذ كلشي ،، وين رايح ياعيني شنو اضل اركض وراك لاتمشي سريع انتظر ...
جان يمشي واني امشي وراه ... اول مره اشوف هيج حيره بعين رافد
احس كأنوا ضاع بكاع الله الواسعه وما كدر يلكه نفسه
الله لا يحير عبد من عباده بهيج حيره احس بي دايخ وباله مو يمه ماعرفت شنو احجي وياه وشلون اكدر اخفف عنه وشلون اساعده ولا وين راح نروح صفينه بلا بيت ..والبيت وطن
بقه بالنص ساعه وهو يمشي للمجهول واني امشي وراه مانعرف وين رايحين وصلنه للشارع العام ، الدنيا ظهر
كعدت على الرصيف كعدت يمه احس رجليه تكسرت من المشي هو جان يركض بالمشي مالته حرام ينكال عنه مشي حيل سريع واني اركض وراه اني ودشاشتي طلعنه بالهدوم الي علينه كلشي ما اخذنه ويانه ورافد ما بجيبه ولا فلس واحد
كعد وكعدت بصفه ... نفسي انكطع وعطشت حيل ... الشمس واشعتنه عموديه فوك راسنه
حجيت وياه بنفس مكطوع ..كوم رافد كوم نروح يم اهلي ماكو غير حل
مارد عليه ولا بحرف ... رجعت حجيت بعصبيه وياه
مو جاي احجي وياك شنو شو حاگرني عاجبتك الكعده هنا كوم يلا خلي نروح يم اهلي نكعد عدهم فتره لحد ما الله يفرجها وتحصل شغل ونطلع بيت وحدنه حالنه حال الي كونوا روحهم شويه شويه
أنت تقرأ
لـو غـيمت دنيـاي
Chick-Lit(لـو غــيّمت دنيـاي)* رواية كُلش عراقية (حقيقية 100%) ترجع جذورها لثمانينات القرن الماضي اب لـ( 8 ) زهور غلف مظهر بناته بأشواك حاده الملمس ليعيشن حياتهن يلعبن الدورين الذكر والانثى !! حتى اختفت عنهن مظاهر الانوثه ثمانِ اخوات وثمان قصص مختلفه اجتم...
