#لـو_غــيّمت_دنـياي
#البارت_العشرون
#للكاتبة_زهراء_المظفر
___________________________________
ضغطوا على النجمة البرتقالية 🧡✨
___________________________________
قبل لا تبدون بالبارت لا تنسون تصلون على النبي
ـ اللهم صلِ على محمد وآل محمد 🧡"
___________________________________
قررت انتظر خواتي يجن من الشغل ويساعدني صح تعبانات هنه بس ايد على ايد نتعاون ونكملها ...
رجعت للبيت ذبيت نفسي مستشهده بغرفة البنات كلش تعبت وجان عندي مجال للراحه ابد غفيت ما ادري بنفسي ...
ما اعرف شكد غفيت بالضبط بس كوه فتحت عيوني من حسيت اكو شي جاي يهز يكتفي يحاول يكعدني
فتحت عيوني ... شفتها جميله ملامحها تعبانه وحواجب عاقدتهن بألم فزيت من مكاني مصدومه وخايفه سألتها بسرعه ...
شنوو شبيج ولج
جميله ... عفيه زينه كعدي راح اموت من الالم جاي اتكطععع ...
كمت على حيلي فهت ملامحي ما اعرف ولا عندي خبرة بهالامور عليها سابع يعني مو مال ولادة هسة انخبصت وياها ماعرفت شسوي اشوفها تون كدامي
عفتها بالغرفة وطلعت ركض ، طلعت بره البيت ماجان كدامي غير رافد الي حاني ظهرة يسح بالغراض حتى يوديهن للغرفة
صحت بصوت عالي ..رااافد الحكني
ركضت عليه ، ملامحه انعفست بخوف من منظري جاوبني
ـ شكو شبيج يمعودة
ـ حباب اركض لأم عيسى جميلة تخربطت فدوه بسرعه
ـ ام عيسى شنو تسويلها يعني
ـ روووح رافد هي تعرف شنو تسويلها
ـ يلا روحي يمها مسافة الطريق اجيبها واجي مااتأخر
راح رافد مشيتها اشبه بالركض ، رجعت يمها
جانت جميلة تون جنها دجاجه مذبوحه ماتعرف شنو تسوي وتخفف المها مره تكعد ومره توكف وبعد ثواني تحني ظهرها وتسند نفسها على ركباتها تلزم بطنها وتشيل ايدها بنفس اللحظه تفتر واني افتر وراها متوتره اكثر منها احجي وياها وما اعتقد جانت تسمع شنو احجي
دموعها بقت تنزل على وجناتها ، ملامح وجها تعكرت وجها صار يتكلب الوان احمر على اصفر تعض على شفتها حيل وبألم بحيث طلع منها دم
حجيت وياها
ـ بس ثبتي بمكان فدوه اروحلج
ـ اااخ زينه راح اموووت احس اكو شي جاي يتكطع ببطني
ـ بس اهدي هسه تجي ام عيسى
ـ منوووو هاي ولج اكو قنبله وتريد تنفجر بداخلي بس ما جاي تنفجر خاف راح اولد
دقايق وسمعت صوت يصيح بأسمي
طلعت للهول ، رافد وام عيسى يمه
دليت ام عيسى الغرفه دخلت يمها وكالتلي ابقي هنا يم عتبة الباب بس اصيح بأسمج تعاي
أنت تقرأ
لـو غـيمت دنيـاي
ChickLit(لـو غــيّمت دنيـاي)* رواية كُلش عراقية (حقيقية 100%) ترجع جذورها لثمانينات القرن الماضي اب لـ( 8 ) زهور غلف مظهر بناته بأشواك حاده الملمس ليعيشن حياتهن يلعبن الدورين الذكر والانثى !! حتى اختفت عنهن مظاهر الانوثه ثمانِ اخوات وثمان قصص مختلفه اجتم...
