لـو غـيمت دنيـاي

البارت الثامن

#لـو_غــيّمت_دنـياي

#الحلقة_الرمضانية_السابعة

#البارت_الثامن

#للكاتبة_زهراء_المظفر

___________________________________

ضغطوا على النجمة البرتقالية 🧡✨

بسم الله الرحمن الرحيم

" إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ "
(7)

صدق الله العلي العظيم

البارت اليوم اهداء لصاحبة اول اجابة صحيحة
user56947860

الاكثر تفاعل للبارت السابق الج تغشوشه 😁

HabaYass

البارت اليوم اكثر من 2370 كلمة
___________________________________

البارت بعنوان ( زواج مُـدبر )

فجأ سمعت صوت زينه الي ملى بيت كد ما عالي

جانت تستنجد بينه ...

رحنه الها ركض ..احاول افتح الباب ادفع بي مااكو مقفول ..

صرخت زينه بأعلى صوتها ...

وخرررررر عنييي عووووفني وخررر .....

طفرت من مكاني ورحت للديوان بقيت ادك على الباب حيل خواتي كلهن تجمهن يمي ..

صحت ...شبيكك شتريد منها وياها عوووفها

تلاقت اصوتنه وي صوت زينه من الطرف الثاني وره الباب وهي تصيح ..عووفني ماريد ..

جنت اسمع صوت ضرب واشياء جاي تطيح ع الكاع ..زينه جاي تنضرب بس ليش شسوت ؟

ابوي يصيح عليها ...غصبا عنج ولج والا تعرفين شنو راح اسوي ..

صاحت زينه ...كتلك ماريد شتسوي يعني ..

صار هدوء وما سمعنه شي اختفى صوت زينه .. وابوي ما انسمع اله اي حرف  ..

هدوء مريب ..مخيف ..عيون تترقب المجهول شنو صار وليش ،، شصاير شنو هالاجواء المرعبة الي عايشين بيها ..

خليت ايدي على يدة الباب احرك بيها حيل ...زييييينه احجي شبيجج زيييييينه

انفتح قفل الباب ..جان عباره عن سركي صغير وره كل باب بالبيت

طلع ابوي من الغرفه ودفعني عن طريقه لان جنت واكفه مقابيل الباب ..

كمل طريقه لبره البيت ..دخلنه نركض يم زينه ...

متمده بالكاع على بطنها ووجها صاير ع الكاع .. كلشي ما شفت منها بس جانت نايمه مثل الميته ..

تقربنه يمها لمستها من ظهرها .. ونت بصوت ناصي شبه مسموع..

اايي اييي جسمي يأذيني لحد تلمسني عوفوني .. عوفوني