لـو غـيمت دنيـاي

البارت التاسع

#لـو_غــيّمت_دنـياي

#الحلقة_الرمضانية_الثامنة

#البارت_التاسع

#للكاتبة_زهراء_المظفر

___________________________________

ضغطوا على النجمة البرتقالية 🧡✨

بسم الله الرحمن الرحيم

تَكَادُ تَمَيَّزُ مِنَ الْغَيْظِ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ

قَالُوا بَلَى قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِن شَيْءٍ إِنْ أَنتُمْ إِلاَّ فِي ضَلالٍ كَبِيرٍ

(8-9)
صدق الله العلي العظيم
---------------------------------------------------

البارت اهداء لصاحبة اول اجابة صحيحة ✨❤️

user93775355

الاكثر تفاعل للبارت السابق ❤️✨

ooor25a

كلش اسفه على عدم النشر خلال هاليومين ظروفي ماجانت تسمحلي اكعد اكتب الكم البارت

فرحوني بتفاعلكم الحلو ✨❤️

___________________________________

قبل لا تبدون بالبارت لا تنسون تصلون على النبي

ـ اللهم صلِ على محمد وآل محمد 🧡"

___________________________________

صار العصر واحنه بس نشتغل اكثر شي اني ونجوى اما زينه ف البنيه الي اجت اخذت الاوتي مال كوي الملابس كامت تحميه على نار الجوله وتكوي بي شعر زينه لان انطفت الكهرباء وما كدرت تشغل الشسوار مالتها الاحمر ..

شويه وطلعت زينه من الغرفه ..اول ما شفناها كلنه انصدمنه .....

طلعت البنيه الي اجت تمكيج زينه مبتسمه وطلعت وراها زينه ..

استغربنه حيل من شكلها ... طالعه مثل الاميره

نفنوفها الحليبي جان كيموني .. ومخليه على اكتافها شال ابيض تور  مغطيه بي اكتافها والي مبين من صدرها ..

شعرها مكصوص ..كصه مشهوره حيل بوقتنه اسمها دالاس ..يصير الشعر قصير للكتف ومتدرج بالطول من الكذلة لحد ما نوصل لأخر خصله واطولهن الي هي طولها للكتف

مكياجها جان عبارة عن كحل اسود بداخل عينها وبالبوده صايره بيييييضه حيل جنها گطنه ..

واكو لمع  وردي  فاتح على عيونها بس خفيف مخليته الها بس بنص العين يادوب ينطي لمعه
والحمره الحمره الي كل العرايس يحطن منها بنفس اللون والدرجه واحمر الخدود واضح على وجناتها بارز جمال شكلها ..