"البارت الحادي عشر"
٠٠في صباح اليوم التالي داخل غرفه المعيشه يجلس غيث و رينا و انس ثم٠٠
انس : انا بعت لي لليان عشان تكون هنا من بدري و هخليها تحضر الورق احطياتي
غيث: انت صح انا هكلم ليان و اشوف بعتت العنوان لي شيرين ولا لسه
رينا : هي مش شيرين دي لسه جديده ليه تحضر اجتماع المفروض انو مهم كده
غيث : عشان مفيش غيرها و اصلا هي بنت كويسه يعني قد المسؤليه و جدعه
رينا : و حلوه
غيث بهيام : اوي...ايه ده....و انتي مالك
انس : هي الي مالها شكلك وقعت يا كبير
غيث : اخرس ياض انت
انس : يا سيدي خرست اهو
٠٠ اما بالأعلي داخل غرفه تلك الاميرة داخل الحمام قد انتهت من اخذ حمامها و بدائت في ارتداء قميص ابيض و أدخلته بداخل البنطال الازرق من خامه الچينز ارتدت حذاء رياضي ابيض به خطوت ذرقاء جففت شعرها و تركته منسدلا ثم خرجت لتجد يامن يجلس علي السرير بكل ارياحيه و يعبث بهاتفه ٠٠
_: لا ده انت اخدت علي الموضوع بقا
يامن: كل ده تأخير كل ده ساعه عشان تلبسي
_: نعم وانت مالك
يامن: يا صبر ايوب نفسي افهم ايه الوش الخشب ده
_: خلص قول عايز ايه
يامن: مش عاوز كنت جاي اشوف انتي منزلتيش علي الغدي ليه
_: مش جعانه انا ممكن اسائلك مش بتروح شغلك ليه و قاعدلي هنا
يامن: قاعدلك!! مزاجي سلااام يا سندريلا
_: سلااام
٠٠ خرج من الغرفه لتجلس هي علي الاريكه و تنظر الي النافذه يصدح صوت الهاتف من جانبها فتجدها رساله من رقم غير مسجل عندها٠٠
((الطقم شاكلوا حلو عليكي مش الازرق بس الي بيحليكي انتي حلوه في كل حالاتك))
جلاله السلطان😉
٠٠ابتسمت بهدوء ثم فتحت التلفاز تبحث عن شئ تشاهده٠٠
٠٠داخل سياره سوداء تجلس ليان و بجانبها لليان تقود السياره باتجاه فيلا الشاذلي ٠٠
ليان : لليان متاكده انك جايبه كل الورق
لليان : يا بنتي اه كل الورق انا مجهز اه بس يعني يا رب يوافقوا اصلا..... يا نهار اسود
ليان: في ايه !!
لليان : بصي كده شوفي انا جايبه تصميم الارض اللي في النص ولا نسيته
ليان : فين ده مش لاقيه حاجه
لليان : يا بت في السوسته اللي في النص بصي
ليان :مش لاقيه حاجه
لليان: وريني كده
٠٠ التفتت لها تنظر داخل الحقيبه و من حيث لا تدري تصتدم بسياره رماديه اللون ينزل منها شاب ثم ٠٠
ليان : حاسبي يخرب بيتك
الشاب : ده انتوا نهاركم كحلي انزلي ياختي
لليان : لو سمحت مسمحلكش تتكلم كده
الشاب: و انتي لسه هتسمحي و تمنعي العربيه اتخرشمت
لليان: اتخرشمت الفاظك بيئه اويي
الشاب بسخريه : بيجاااد...بيئه لا مكنتش اعرف...خدي هنا...مادام مبتعرفيش تسوقي بتركبي عربيه ليه
لليان : و انت مالك
٠٠نزلت ليان لفك الاشتباك فهي تعلم شقيقتها لن تصمت ابدا٠٠
ليان : خلاص يا استاذ احنا اسفين
لليان: و انتي بتعتزري ليه انتي كمان هو الي حيوان
الشاب: يا بت مش عايز اغلط فيكي
٠٠ينزل شاب اخر من السياره ثم٠٠
الشاب : خلاص يا ليث بقا حصل خير
ليث: مش هتحرك غير لما ام لسان مبرد دي تعتذر يا فهد
لليان : مبرد في عينك يا حيوان
ليان: لليان لمي الدور انتي الي غلطانه
ليث: اهو كلمه الحق ظهرت
فهد بهمس : انتي كده ولعتيها علي فكره
ليان : اخدت بالي
لليان : كتك كسر حقك
ليان: طب بقول ايه يا لليان الاجتماع ضاع هنفضل هنا طول اليوم
لليان : انا همشي بس عشان ورايا حجات مهمه لكن اقسم بالله انا كان ممكن اغسلك هنا
ليث : غوري يا بت و انتي شبر و نص كده....يلا يا اوزعه من هنا
لليان : اهو انت الي نخله
٠٠ امام فيلا الشاذلي استقرت سياره زرقاء و نزلت منها شيرين ذات العيون الرماديه و هي ترتدي بنطال ازرق من خامه الچينز و كنزه قطنيه باللون الرمادي بنصف كم فوقها چاكت رسمي باللون الابيض و ترفع شعرها البني علي هيئه ذيل حصان و ترتدي حذاء شفاف ذو كعب عالي دلفت الي الداخل و ارشدتها امينه الي غرفه المعيشه حيث ينتظرها الجميع ثم٠٠
شيرين : احم..مساء الخير
غيث: مساء العسل
شيرين بعدم اهتمام : بغض النظر
غيث : احم اعرفك والدي صلاح الشاذلي و الدتي فريده الشاذلي اخواتي رينا الصغيره انس قبل منها يامن قبل منوا و اخيرا انا الكبير
شيرين : تشرفنا
رينا : الشرف لينا يا جميل
شيرين باستغراب : فعلا اخوات
٠٠في هذا الوقت دلفت كل من لليان و ليان و ثم ٠٠
ليان : ادخلي بقا فضحتينا
انس : يا اهلا بالاختين الحلوين
ليان : غيث خد سكرتيرتك دي تعبتني
غيث : لا ياختي خليهالك
لليان : انتوا بتلعبوا بيا
رينا : طب ايه لسه كتير علي ما ناكل
يامن: البت دي متتكلمش تاني خالص
فريده : العشي جهز يا ولاد لسه كتير
انس : منعرفش ياماما
٠٠ دلفت امينه و هي تقول٠٠
امينه: غيث في واحد بره اسموا يوسف هارون و ابنوا مروان و معاهم بنوته كمان
غيث: دخليهم الصالون و نبي يا دادا و شوفيهم يشربوا ايه......ليان و لليان سيبوا الورق هنا ويلا....يلا يا انس....يامن معلش تبقي معانا....شيري يلا بينا
٠٠دلفوا الي الصالون ليصافحوا بعضهم ثم٠٠
سيدرا : عشت و شوفتك في شغلك يا شيري
مروان : شوفتي الزمن
شيرين : اه دلوقتي هيفكروني عميل سري و جسوسه من شركه هارون
لليان : انا اسفه بس عندي فضول افهم الي بيحصل
شرين: دي سيدرا الشافعي اختي الصغيره اونكل يوسف صاحب بابا من زمان و بحكم ده مروان كان صاحبنا و بس
لليان : تمااام
غيث : ندخل في المفيد مروان بيه
مروان ببلاهه : الله يكرم اصلك
غيث : نعم
مروان بابتسامه غريبه : لا اصل مش عادي ان حد يحترمني و بيه و كده لا انا قولي يا حيوان عادي
انس بهمس : انا شايف نسخه مذكرة من اختك
غيث : و ده مذكر ده انا ذات نفسي هعاكسوا
انس : احم يوسف بيه احنا جايبين حضرتك عشان موضوع الاراضي التلاته
غيث: بالظبط المساحه دي تعتبر مهدوره حاليا بالنسبالك و بنسبالي انا طالب من حضرتك تدخل معايا في مشروع بالقطعين الارض و انا بالقطعه الي في النص
انس : و نعمل اوتيل زراعي علي كامل المساحه دي و طبعا الحدائق هتبقي مسؤله عنها الانسه شيرين
شيرين : بصراحه يا اونكل فكره زي دي لو اتعملت علي المساحه دي كلها هتجيب مكسب حلو جدا لو كنتوا بعتوا الاوتيل او استخدمتوا كا شغل خاص بيكم
سيدرا بعلميه : انا شايفه ان الموضوع مربح بس بردوا محتاجين نتكلم في النسب
انس بتساؤل : بصي يا انسه.....
سيدرا : سيدرا و تقدر تشيل الالقاب عادي يا انس
انس : طيب يا سيدرا موضوع النسب هو حاجه مش هنختلف احنا دلوقتي عايزين موافقه مبدئيه
سيدرا : تمام بس هنراعي ان نسبه الارض الاكبر معانا
انس بابتسامه جذابه : اكيد يا سوسو
سيدرا و هي تضحك : سوسو !!
شيرين بهمس : لا مطحتيش في بالك ده شكلوا و الله اعلم مرض في العيله
مروان بعفويه : جماعه هو مش في عشي و كده...هو فين انا جعت
٠٠ دلفت رينا ثم٠٠
رينا : العشي جاهز
مروان : بنت حلال و جت في و قتها
يوسف بهمس : ما تجرب تسكت
مروان : مقدرش
٠٠دلفوا الي الحديقه حيث طاوله الطعام و عندما جلسوا ينتظرون الطعام دلفت اميرتنا ثم٠٠
يوسف : انا بس كنت حابب اطلب طلب صغير
غيث : طبعا اتفضل
مروان بصدمه : نور
يوسف : ايوه انا هتكلم اهو
مروان: نووور
يوسف : ايوه هقول استني
سيدرا : يا اونكل نور
يوسف : ايوه انا هتكلم
شيرين: يا اونكل فتح مخك بنقولك نور
يوسف وهو يلتفت : يوووه.....نووور!!؟
٠٠٠بينما الاخري تقف تنظر لهم بصدمه تهاجمها مشاهد متفرقه٠٠٠
الشاب: سندريلا حياتي صاحيه.........الفتاه: انتي بقيتي مجبوره علي حياتك يا سندريلا....فتاه عبر الهاتف: انتي مش خايفه من الي بتقوليه ده.....رجل : حبيبه بابي عامله ايه النهارده
٠٠٠٠٠٠٠استسلمت لتلك السحابه السوداء التي احاطت بها لتقع مغشيا عليها٠٠٠٠٠٠٠
_____
البارت صغير بس نقطه تحول في الروايه و هيفتح باب لحكايه طويله اوي هنعيشها سوا خطوه خطوه🍂🌷
رايكم و توقعاتكم🤔🧐
وبس❤️....كونوا بخير ☘️💋.....و الي اللقاء 🍀🌹
Rina❣️
أنت تقرأ
"أميرة المجهول"
Romanceقادمه من مجهول ذاهبه الي المجهول.....اقف بين الماضي و الحاضر ولاكني اتطلع الي المستقبل......
