"أميرة المجهول"

PART 2

"البارت الثاني"

أمام فيلا ذات طراز كلاسيكي من الخارج و حديث من الداخل تتدخل سياره سوداء تفتح لها البوابات و تستقر السياره أمام باب الفيلا ....ليفتح باب السياره و تركض منه مشاغبتنا رينا الي داخل الفيلا  عندما تدخل الي مدخل تلك للفيلا تجد الاضواء مخفضه قليلا و يعم الهدوء لتهتف بصوت مسموع :دادا امينه، يا دادا
تدخل سيده في عمر الستين ترتدي زي العمل الخاص بالمنزل و تقول : نعم يا رينا هانم
رينا:نعم الله عليكي يا دادا ايه هانم دي ده انتي مربياني ولا انا مش قد المقام
امينه:لا طبعا مش قصدي انتي بنتي و ست البنات ها قولي كنتي عاوزه ايه
رينا:فكرتيني امال فين أهل الدار العيشين معانا يكونوش طفشوا من صلوحه
امينه:يا بنتي اتلمي شويه علي العموم فريده هانم و باقي اخواتك في الجنينه بره جم كلهم و مرضوش  يتعشوا من غيركوا
رينا:فيهم الخير العيله دي برضو اطير انا اغير هدومي
امينه بتساؤل : اروح أبلغ فريده هانم انك وصلتي
رينا:لا ملوش داعي انا هبلغهم بطريقتي
و صعدت السلم المؤدي لغرفتها و علي وجهها ابتسامه خبيثه
أما في الاسفل استدارت السيده امينه متمتمه :
_ ربنا يستر ...وعندما استدارت و جدت في قابلتها صلاح يسألها نفس السؤال اين باقي العائله و اين رينا
امينه:فريده هانم و الولاد في الجنينه من بدري مستنينكم و رينا هانم طلعت تغير هدومها
اومئ لها صلاح شاكرا و اتجه الي اعلي قاصدا غرفته
لنذهب لحديقه هذه الفيلا التي تتمتع بطابع من الرقي في تنظيم و تنصيق الوانها تحتوي علي مجموعه من الزهور النادره المحيطه بالمكان و اخري أشجار التفاح و الليمون من الداخل و أشجار النخيل الملتفه حول سور الفيلا الداخلي ليتركز نظرنا علي تلك السفره الزجاجيه المحاطه بمقاعد بلاستيكيه شفافه تشغل هذه المقاعد ثلاث شباب يبدوا أنهم بالعقد الثاني من العمر  و يوجد ايضا سيده يبدوا للوهله الأولي أنها بعمرها الثلاثيني لاكن عند التدقيق يوضح أنها بعقدها الخامس رغم الوقار الطاغي علي و جهها لاكن يوجد لمحه قلق تتحدث قائله : يا ولاد حد يكلم ابوكوا الساعه بقت 10 و لسه مجاش و مش عادته ميتصلش
قلب أحدي الشباب عينيه في ملل من الطلب الذي طلبته والدته للمره الحاديه عشر علي الأغلب وقال :يا ماما زمانوا جاي الغايب حجته معاه مش اول مره يعني
السيده :برضوا مش مطمنه
دقائق و دوي صوت صراخ تلك السيده التي كانت تتحدث اثر  نزول شخص ما من الشجره القابعه أمامها اما عن الشباب فلم يرف لهم جفن  فلقد تعودوا الثلاثه علي افعال تلك  الصبيانيه التي تدعي "رينا"  تحدثت رينا بعد أن هبطت من الشجره قائله : ايه يا جماعه فين الاكل انا جعانه ،ايه ده مالك يا ماما بصالي كده ليه
السيده :انتي مش هتبطلي حركاتك الهباب دي ...
ايه المنزلك من الشجره يا قرده
...كان هذا رد والدتها علي سؤالها الأبله...
ردت رينا : خلاص خلاص ايه ده كلوا يافري المفروض تكوني اتعودتي اصلا وبعدين الشجره اقرب من السلم عشونا بقا يا جماعه انا جعت  وبعدين لو.....قطع حديثها دخول صلاح عليهم قائلا :كفايه رغي شويه
_طغي صوت الشباب علي المكان قائلين : حمد الله على السلامه يا بابا
استقامت فريده متجهه لي صلاح قائله في بعض من العتاب:ينفع كده يا صلاح بقت  عشره و ربع و متصلتش تقولي انك هتتاخر
رد معتذرا : والله يا حبيبتي اليوم كان زحمه جدا و مقعدتش دقيقه...قال اخر كلماته و هو يجلس علي أحدي مقاعد الطاوله وضعت اطباق العشاء و مع وضعها بدائت رينا في الثرثره مره قائله : فاكرين يا جماعه الحاله المسكوهاني الي جت امبارح في حدثه العربيه الي طلعت مخبوطه و الي خبطها سابها و جري،،لم تمهل أحد فرصه للرد و أكملت حديثها،،البت دي بقا فاقت النهارده بس ايه قمر شعر اصفر و عيون زرقه حاجه كده تحسها انتاج تركي بس ايه حالتها غريبه فاقت كده و اول ما شافت و شي قعدت تسأل تسأل انا مين انا فين انتي مين قمت لقطت علي طول البت فيوزتها ضربت و نسيت كل حاجه لا بس ايه كانت شعنونه كده و مش طيقاني انا مش عارفه ليه بس انا مسكتلهاش برضوا بس لما جيت ارد جوزك يا ماما سكتني و مخلنيش ارد سخنته عليا البت دي  بس البنت علي نيتها بس لو كنت رديت.........
_بااااس.....كانت هذه صرخه أحدي الشباب المقاطعه هذه الثرثره المتواصلة تابع كلامه قائلا :ايه مش ناويه تفصلي ابوكي من لما دخل مقلش غير جملتين وانتي نازله رغي ايه اسكتي
ردت عليه باستنكار : جري ايه يا اخ يامن انت هتعمل زيهم مالكوا مش طيقنلي كلمه
_كلمه !!!...صدح بها الاخ الاخر بصدمه ثم أكمل: و انتي عمرك قولتي كلمه انتي بتقولي مواضيع تعبير مش كلمه
ردت مره اخري: يوووه...في ايه يا أنس انت كمان انتوا ملكوا النهارده؟؟؟ و حضره المهندس غيث مش عايز يقلوا كلمه وانتي يا ماما هزئيني انتي كمان لا بصوا هقوم انا اقعد في اوضتي بلاها اكل نفسي اتسدت ،،ذهبت و تركتهم يحدقون في أثرها ببلاها و يوزعون نظرهم بينها و بين طبقها الفارغ تماما من أي طعام قال الولد الاكبر وهو ''غيث'' مستنكرا : نفسي اتسدت ،اومال لو متسدتش كانت هتاكل دراعي
رد عليه الأوسط "يامن" قائلا: يا سيدي احسن دماغي ورمت
ليرد "انس" وهو الابن الأصغر هذه المره : اتنيل انت و هو دي كده و اكلتها ضعيفه حتي....المهم انا همشي انا دلوقتي
ردد يامن: خدني معاك يا أنس
فريده بتساؤل : رايحين فين
رد انس : انا عن نفسي هطلع علي الشركه كان عندي كذا حاجه مخلصتهاش
تابع يامن : وانا هرجع القسم اصلا اتاخرت
تمتمت فريده في خفوت : ربنا معاكوا
• بعد ذهابهم توجه غيث الي غرفته في حال ما توجه كل من فريده و صلاح الي غرفه المعيشه تحدثت فريده بجديه :ايه حكايه البنت الي في المستشفى دي يا صلاح
رد بقليل من الشرود قائلا : الحكايه يا ستي أن في بنت جت مخبوطه من عربيه ولاد الحلال لقوها مرميه بعد الخبطها ما جري كان عندها كسر في الايد و شويه ردود و خبطه في الدماغ فقدان الذاكره ده كان شئ متوقع بسبب الخبطه الي اخدتها
ردت فريده بتفكير : طب ودي هيحصل فيها ايه
صلاح :ابدا هتقعد في المستشفي لحد ما الكسور و الردود دي تخف
فريده :ولو مفتكرتش حاجه او محدش سأل عنها
: معرفش يا فريده وقتها يحلها ربنا هي هتفك الجبس خلال أسبوعين من هنا لحد ما يخلصوا يحلها الحلال و انا عندي فكره كده بس مش هستعجل فيها
ردت فريده : طب ودي عندها كام سنه
صلاح :مش كبيره ابدا بالشكل و الحاله الصحيه ممكن تكون في بدايات العشرين
ردت فريده باقتضاب: طيب
دعونا ننهي هذا المشهد بالقاء نظره سريعه لتلك القابعه بغرفه المشفي تنام في سكون تام شعرها الذهبي منثور حولها طغت في ثبات عميق لاكن داخل عقلها احلام و تشوش بالغ فهي تري أشخاص مجهوله الملامح ولاكن أصوات واضحه فهناك صوت لشاب يتحدث : متحطيش في دماغك هي اول مره ماما تدايئك استغلي انتي أن بابا موجود و اخرجي مع صحابك
يقطع هذا المشهد و يبداء آخر ولاكن بأصوات خبيثه لرجل يتحدث: الشحنه هتتسلم بعد شهر  هندبر حادثه علي السكه الحديد عشان الحكومه تتلبخ و محدش يبقي فاضي طمن الباشا كلوا تحت السيطره
يقطع المشهد و يبداء آخر علي صوت فتاه :يا بنتي اتعودي دي مرات ابوكي ده  انتي بقالك معاها عشرين سنه ظلمها مبيتغيرش انتي بقيتي مجبوره علي حياتك دي يا سندريلا اقعدي بقا يا حلوه امسحي و استني الساحره و الأمير
تهداء الاصوات و يتحدث العقل الضائع قائلا ما هذا من هؤلاء عن ماذا يتحدثون .....من انا؟! من انا ؟! سؤال يتكرر ولا اجابه......دعوها في أحلامها لعلها تجد اجابه ....تري ما هي الاجابه؟!...........
_________
رأيكم🤔
اعملوا vote عشان تشجعوني اكمل💙
و بس🌍...كونوا بخير 🍀🌹...و إلي اللقاء ☘️❤️

Rina❣️