"أميرة المجهول"

PART 17

"السابع عشر"

٠٠نظرت نور داخل هاتفها بصدمه لم تدم و تحولت الي زهول و تشكلت ابتسامه بلهاء علي و جهها و هي   تجري اتصال ثم٠٠
نور : ايوه يا داليا انتي لحقتي تعملي كل ده امتي
داليا : عيب يا نور بس ايه رايك....رحاب صاحبه بيت الموضه الشهير لعائله البحيري ليست ابنة تلك العائله تري من اهلها انتظروا الخبر في مقال الغد..... جريده "دقه قلب"
نور بابتسامة : صايعه....ده الخبر منور مواقع السوشيال ميديا
داليا : و من الفجر هيكون عندك اول طبعه قدام الباب انا خلصت المقال اصلا
نور : لا فعلا مش سهله...في انتظارك
داليا : سلام.....

٠٠صباح اليوم التالي داخل سياره ليان تقود بهدوء و هي تحدث شقيقتها بالهاتف ثم٠٠
ليان : المهم انك رجعتي الشيك
لليان : الحمدلله انا كان هيحصلي حاجه
ليان : بعد الشر....المهم فكريني أخد العربيه اوديها الصيانه عشان تعبت شويه
لليان : انتي مش ناويه تغيري زوبه دي بقا
ليان: اخرسي..زوبه في عينك دي نيسان...و بعدين دي اول عربيه جبتها من مرتبي يعني انسي مش هتخلي عنها....
٠٠قاطعها اهتزاز السياره و توقفها المفاجئ٠٠
ليان : ايه ده ايه ده ما انا لسه بشكر فيكي اهو
لليان : عطلت منك صح...تستاهلي
ليان : اكيد لا اكيد معطلتش الساعه 6:30 الصبح لا
لليان :طب اسيبك انا تاخدي راحتك مع زوبه بتاعتك
ليان بغيظ : غوري يا بنت ال...
لليان بتحذير : ال ايه بن ايه
ليان : غوري يا لليان

٠٠علي الجانب الاخر يقود سيارته بهدوء و توقف علي سياره تقف في منتصف الطريق ثم٠٠
فهد من داخل سيارته : مش...انتي ليان مش كده
ليان و هي تلتفت له : ااا...فهد صح
فهد وهو ينزل من سيارته : بالظبط...ايه الي حاصل معاكي
ليان بأحباط : عطلت...بتفهم في الميكانيكا
فهد : كلابي كده...انتي و حظك يا هتشتغل يا اما مش هتتحرك تاني خالص
ليان : وانا المفروض اخليك تقرب منها بعد الكلام ده
فهد : متخافيش وريني كده......

٠٠داخل فيلا هارون امام غرفه رحاب بعد ان استيقظت من النوم علي صوت طرق الباب فتحت بكسل ولم تجد احد نظرت بالأسفل لتجد ثلاثه من الصحف امام الباب اولهم بعنوان "رحاب البحيري،ام،رحاب العطار"
و اخري بعنوان "ليست ابنة عائله البحيري اذن ابنه من؟!"
و اخري بعنوان "من هي رحاب البحيري و من هي رحاب العطار"
رفعت عينيها التي اتسعت بصدمه لتتقابل مع تلك الأميرة التي تقف امامها بهدوء ثم ابتسمت باصفرار و هي تذهب من امامها بابتسامه منتصره٠٠
٠٠في الاسفل علي طاوله الطعام جلس ليث و يامن و مروان بانتظار الباقي ثم٠٠
مروان : يامن انا اتصلت بباباك و هقابلوا النهارده الضهر
يامن : يابني راجع نفسك يابني
مروان : يا سيدي انا عايز البس
ليث باستغراب : لا انا مش فاهم
يامن : مروان بعيد عنك عايز يكلم بابا في انوا يخطب رينا
ليث بصدمه : رينا مين....اختك!!....يا حبيبي ده انت لسه في عز شبابك
مروان : القلب و ما يريد بقا
نور و هي تدلف : انتوا ظالمين البت دي عسل
يامن : ما بلاش انتي
نور : هي بتتكلم كتير شويه
ليث : شويه !؟
نور : اه..و بعفويه حبه
ليث : حبه ؟!
نور : و بعدين بقا !!!!
ليث :خلاص انا ماشي اصلا
مروان : انا جي معاك
يامن: وانا قاعد محدش يبصلي
نور: مروان هو بابا فين
مروان: نزل من بدري يا نانو
نور: تمام...