"أميرة المجهول"

PART 6

"البارت السادس"

مرت ايام ولا جديد صلاح ورينا و فريده يقومون بروتينهم الطبيعي انس و غيث في منافسه مستمره مع شركه يوسف هارون....يامن ذاهب في مؤموريه ما.... أما عن أميرتنا فانقطعت المشاهد التي تراها...

.....مر الاسبوعين تستيقظ علي صوت فوضه من حولها....تفتح عينيها وتري رينا تجلس علي الأريكه البنفسجيه وحولها كومه من الأكياس الفارغه و علب المشروبات الغازيه و التلفاز مفتوح و النافذه أيضا مفتوحه...له تتعجب ففي الفتره الاخيره قد تعودت علي هذا الحال اعتدلت وهي تتحدث : أدخلي صحيني علي طول بدل الفرح الي بتعمليه ده
رينا: صباح الخير كل ده نوم أنا كنت هبعت اجيب فطار
ردت بصدمه :فطار كل ده و فطار اقولك علي حاجه أنا هدخل الحمام انتي اطلبي فطار عن اذنك
....توجهت الي الحمام و رينا تنظر لها باستغراب ثم خرجت لم يمر الكثير من الوقت و كانت اميرتنا تتجه الي المصعد بعد أن رتبت تلك الفوضه اتجهت ناحيه المقهي الداخلي للمشفي لتجد رينا تجلس علي أحدي الطاولات فهم أصبحوا يلطقون هنا صباحا بعد فقره الفوضي التي تقوم بها رينا بغرفه تلك المسكينة تذهب لها و تقول :هتفضلي تاكلي وترمي في نفس المكان كده علي طول علي فكره انا بقرف جدا
رينا بانتباه : ايش عرفك افتكرتي حاجه 
ردت الأخري:علي فكره مش لازم افتكر القرف ده احساس عادي
تنهدت رينا: طيب يا سندريلا قومي بقا عشان نروح نعملنا اي مصيبه
_:انتي هتفضلي مسكالي سندريلا دي كتير ...
....قالتها و هن يتجهن الي احدي غرف المراقبه الفارغع التي تحتوي علي شاشات عرض لكميرات مراقبه للمستشفي و ميكرفون متصل بمكبرات الصوت الخاصه بالمستشفى.....
رينا: واحنا لقينا اسم تاني حد ندهك بيه و قلنا لا...صحيح انتي مبتشوفيش حاجه من ايام زمان تاني
_:لا كلوا اختفي مسمعتش اي حاجه تاني
رينا:يبقي الكلام آلي بابا قالوا صحيح و أن ده من تأثير الحادثه و هيروح مع الوقت.......يلا ندخل
_:استني بس ندخل فين احنا جينا هنا ليه اصلا
رينا بمكر : اسمعي بقا....المايك ده متوصل بال sound system بتاع المستشفي
_: ايوه فأيه يعني مش فاهمه
رينا ببرائه : ابدا هنشغلهم اغنيه لطيفه كده نفرفش بيها العيانين
_: لاااا انتي عايزه ابوكي يولع فينا
رينا : جمدي قلبك شويه متبقيش جبانه هي اغنيه واحده بس يلا
....انهت جملتها و هي توصل هاتفها بالميكرفون لتمر ثواني قبل ان يصدح صوت اغنيه (ده عينوا مني) في ارجاء المستشفي...
....بعض المرضي ينظر باستغراب اما الأطباء فيضحكون و بعض الممرضات تحاول عدم الرقص و رينا تراقب كل ذالك عبر الكاميرات بينما الاخري تتابعها بخوف....

_:كفايه الله يخرب بيتك ابوكي هيشقنا نصين
رينا : بطلي نكد بقي....بصي البت صباح الممرضه عملالي فيها شريفه و هي هتموت و ترقص
...انهت جملتها و هي تنحني للميكرفون و تتحدث بصوت يسمعه الجميع.....
رينا : هزيها يختي منك ليها متكتميهاش
رددت الاخري بهمس :نهار اسود هيولعوا فينا...منك لله يا انثي القرد انتي