"أميرة المجهول"

☘️"النه‍ايه"☘️

"الاخير"

٠٠نظرت نور الي ثائر بصدمه ثم٠٠
نور : طب اطلع ها اغير هدومي و اجي
ثائر : مستنيكي قدام الباب
٠٠دلفت الي غرفه الملابس و اخذت بنطال من الچينز الكحلي و كنزه قطنيه باللون الابيض ذات فتحه رقبه مثلثه و حذاء رياضي ابيض و لم تنسي ارتداء الجوارب التي اعطها لها يامن٠٠
٠٠٠انهت ارتداء ملابسها ثم اتجهت الي الحمام و ارتدت السلسله و قامت بالضغت علي الزهره الصغيره ثم٠٠٠
نور : يامن سامعني احنا ها نتحرك دلوقتي انا و ثائر...يامن انت معايا
٠٠علي الجهه الاخري انتفض يامن و هو ييقظ ليث وفهد ثم٠٠
يامن ؛انا معاكي يا نور ما تقلقيش
٠٠ثم تابع٠٠
يامن : فهد اشتغل علي ال GPS الي مع نور و يلا ها نتحرك وراها...ليث تروح تجيب المجموعه و تقابلنا في المكان بتاع التسليم فهد ها يبعتلك
الموقع لما نثبت
٠٠تابع حديثه و هو يضغط علي احدي ازرار الساعه٠٠
يامن : نور انا معاكي ما تخافيش احنا ها نتحرك وراكوا علي طول.. نور اوعي تقلعي السلسله خليني دايما علي تواصل بيكي.....
٠٠٠خرجت نور من الغرفه و نزلت الي الاسفل مع ثائر صعدت السياره لتجد رحاب بالخلف ثم٠٠٠
رحاب : هي هتيجي معانا كمان
نور ببرود : احمدي ربنا اني شريكه في الارباح مش ها اخدها كلها
٠٠تحركت السياره بينما بالاعلي نظر فهد بالحاسوب الخاص به ثم٠٠
فهد : اتحركوا
يامن : طب يلا وراهم...ليث اتحرك
٠٠ركض ليث و فهد و يامن الي الاسفل اتجه كل من يامن و فهد الي سياره و تحركوا خلف جهاز التتبع الخاص بي نور بينما ليث ركب سيارته متجها الي المديريه٠٠٠
٠٠استقرت سياره ثائر قبل بوابه القاهره بي 10 كيلومتر امام مستودع صغير ٠٠
ثائر : انزلوا
نور : احنا فين
رحاب : ما تتحركي وانتي ساكته
نور ببرود : انا حره
ثائر : مش وقتوا...خمس دقايق و الناس توصل
٠٠في سياره يامن يجلس فهد و ينظر داخل الحاسوب٠٠
فهد : ثبتوا في مكان
يامن : فين؟؟
فهد : قبل بوابه القاهره ناحيه الكوبري الي لسه بيتبني
يامن : كلم ليث يجي علي هناك بسرعه
فهد : هاكلموا بس انت اهدي ما تتوترش
يامن : مش عارف.....انا فعلا خايف
فهد : ان شاء الله خير
٠٠٠عند ليث بساحه التدريب في مديرية الأمن٠٠٠
ليث : يلا يا رجاله هنبتدي نتحرك......
٠٠٠في فيلا هارون دلفت سيدرا غرفت نور ثم٠٠٠
سيدرا : سندريلا بقولك....ايه ده؟؟..دي راحت فين
٠٠٠عادت الي غرفتها مع شيرين ثم٠٠٠
شيرين : جبتي الشاحن يا سوو
سيدرا : لا نور مش في الاوضه اصلا
شيرين : مش في الاوضه ازاي....طب اسألي عليها يامن او ليث او فهد التلاته المفروض عينيهم عليها
سيدرا : ما هما مش موجودين برضوا عديت عليهم....و لعلمك ولا رحاب ولا ثائر موجودين
شيرين بقلق : انا مش مطمنه
سيدرا : اصحي اونكل يوسف
شيرين : لا لا...ما تقلقهوش...انا هاكلم غيث الي يوصلوا خبر عنهم الاول يبلغ التاني
سيدرا : ماشي......ربنا يستر
٠٠٠في فيلا الشاذلي و في غرفه المعيشه يجلس كل من غيث و انس ورينا٠٠٠
انس : سيبك انت تخيل اختك ها تتجوز قبلي
غيث : لا ما انا ملاحظ ان انت ها تحصلها
رينا : انا كمان لاحظت نفس الموضوع و ملاحظه اكتر ان غيث هيسبقنا احنا الاتنين
انس : اخدتي بالك
غيث : طب انتوا ايه رايكوا اخد خطوه ولا استني شويه
رينا : اظن ان وجود شئ رسمي احسن
انس : انا كده كده بقولها يا مرات اخويا عادي يعني
غيث : انت تافه يالا
٠٠في هذا الوقت صدح صوت هاتف غيث نظر الي الهاتف ليجد المتصل هي شيرين ثم٠٠
غيث : هو انا وحشتك ولا ايه
شيرين : ظريف اوي انت....غيث...يامن و نور مش هنا و مش هما بس مافيش اي حد هنا غير انا و سيدرا و اونكل يوسف و كمان مروان
غيث بقلق : ازاي يعني هيكونوا فين
شيرين : اظن كده هما هايقبضوا علي ثائر
غيث : يعني النهارده التسليم
شيرين : تقريبا...غيث لو سمحت طمني لو عرفت حاجه
غيث : ماشي يا حبيبتي اهدي.....ان شاء الله خير ما تقلقيش
شيرين : ربنا يستر...باي.......
٠٠داخل المستودع يقف كل من ثائر و خلفه رحاب و نور في موجهتة رجل اجنبي و يحيط بهم عدد كبير من الحراس ثم٠٠
ثائر : ستيڤن...الشحنه كلها و صلت ها تسلمني و تستلم فلوسك
٠٠تحدث ستيڨن بلغه عربيه متقنة٠٠
ستيڤن : زي ما تحب ثائر بيه بس الكميه كبيره ولازم تتنقل خلال ساعه  بالكتير
ثائر : ما تقلقش ستيڤن انا ها اتصرف...هات الورق
٠٠٠اخذ منه الملف و اتجه الي رحاب و نور ثم٠٠٠
ثائر : يلا عشان نمضي
نور : انا مش هامضي علي حاجه غير لما تمضي انت و هي الاول
رحاب : كده انتي بتأمني نفسك يعني...ادي امضتي اهيه
٠٠في الخارج  وقف يامن و فهد يراقبون الموقف و ينتظرون دعم ليث٠٠
يامن : الحيوان ده اتأخر ليه
فهد : اهو وصل
٠٠في هذا الوقت نزل ليث وباقي المجموعه المكونه من 100  فرد من افراد الشرطه ثم٠٠
يامن : اتأخرت ليه
ليث : ما اتأخرتش
يامن : مش مهم فهد خد نص المجموعه و حاوط المكان و اتصرف مع الحرس ليث هات النص التاني ها ندخل جوه و خليك في ضهري... ربنا يوفقنا
٠٠٠حاوط فهد و جزء من المجموعه المكان بينما تقدم يامن و ليث و باقي المجموعه الي الداخل و فور ان دخلوا حتي بدأ اطلاق النار٠٠٠
يامن بصوت عالي : نور خدي ساتر
نور بفزع : مش عارفه اتحرك
٠٠٠تقدم منها بحذر و هو لا يزال يطلق النار ثم ٠٠٠
يامن : ها تتحركي بسرعه جدا و تروحي للعمود الي هناك و انا هاغطيكي تقعدي ورا العمود و ما تتحركيش مهما حصل
نور بتشتت : مش هعرف...مش هعرف
يامن : اهدي هتعرفي...انا معاكي...انا جمبك.....يلا
٠٠٠٠ركضت نور بحذر و يامن يتحرك امامها و هو يطلق النار استقرت نور خلف العمود و بدأ يامن في التعامل مع الحراس بسرعه...سرعان ما انضم لهم فهد و مجموعته بعد ان سيطروا علي الوضع بالخارج مر القليل من الوقت و كان الوضع تحت السيطره وتم القبض علي الحراس و حاوطت افراد الشرطه رحاب ثم٠٠٠٠
رحاب و هي ترجع الي الخلف : اكيد مش ها يتقبض عليا مستحيل ده يحصل....مستحيل...مستحيل.....
ليث بفزع : حاسبي....
٠٠٠٠فات الاوان فقد اصابتها هيستريا و  هي ترجع الي الخلف بخطوات متعثره فا اصتدمت بي رافعه حديد خلفها سقطت فوقها و انتهي الأمر...فقد صعدت روحها الي خالقها لي يحاسبها علي ما ارتكبته٠٠٠٠
فهد : ابعت حد يطلعها من هنا عشان نشوف لو مروان عايز يستلم الجثه
ليث : تمام
يامن بقلق : فين نور
ثائر : هنا...
٠٠ظهر ثائر و هو يمسك بي نور و يشهر سلاحه بوجهها ثم٠٠
ثائر : انا هخرج من هنا و همشي و محدش هيمنعني
يامن : تمام هتعمل الي عايزو...بس سيبها
ثائر : لا انا مش هاخرج غير بيها نزلوا اسلحتكوا....نزلوا الاسلحه
يامن : نزلوا الاسلحه...وخلوه يمشي
٠٠تحرك ثائر و معه نور الي الخارج ثم صعد الي سيارته و بجانبه نور انطلق بها بسرعه كبيرة صاعداً احدي الكباري القريبه ثم٠٠
نور بفزع : رايح في يا ثائر هنموت...الكبري ده مش كامل يا ثائر لف و ارجع
ثائر بجنون : كده هموت و كده هموت...يبقي تموتي معايا...لازم تموتي معايا
٠٠انتفضت نور تبحث عنشئ تضربه به.....نظرت الي الاريكه الخلفيه لتجد مطفئه الحريق حملتها بصعوبه و ضربته بها علي رأسه ليقع مغشيا عليا لتفتح باب السياره و تدفعه منها و هي تبدل مكانها الي مكان السائق....حاولت الضغت علي المكابح ولاكنها لا تعمل ابدا...ضغطت علي احدي زهور السلسه بفزع ثم٠٠
نور : يامن...الحقني يا يامن الفرامل مش بتدوس  و الكبري مش كامل...يامن انا هموت...
يامن : نور اهدي.....نطي من العربيه
نور : ازاي!!!
يامن : نور افتحي الباب و نطي
نور : مش ها اعرف
يامن : نور نطي...
٠٠٠لم يستطع اكمال جملته بسبب الانفجار الذي صدح صوته بالمكان ....و قف ينظر الي السياره التي تحترق امامه بصدمه لم تختلف عن رد فعل كل من ليث و فهد....تحرك بسرعه يركض ناحيه الكوبري و ليث يحاول منعه لكنه تخطاه ظل يركض لكنه توقف فجأه علي صوتها ثم٠٠٠
نور بألم : رايح فين...انا هنا
يامن بقلق : نور انتي كويسه.....حصلك حاجه...مافكيش حاجه
نور : اهدي...انا تمام
٠٠ضمها الي صدره باطمئنان ثم٠٠
يامن : قلبي كان ها يقف...قومي
٠٠حملها يامن عأدا الي سيارته ثم و ضعها و بدأ يتفحصها ان كان بها جروح ثم٠٠٠
يامن : الحمد لله كنت ها تضيعي مني...انتي كويسه
نور : الحمد الله...مفيش حاجه
٠٠تقدم ليث و هو يحاول الاطمئنان علي نور ثم٠٠
ليث : انتي كويسه يا نور...دماغك بتوجعك..وريني ايدك
يامن بحده : ايدك ياض...انا اطمنت عليها....اسمعي بقا انتي كنتي ها تضيعي مني دلوقتي....و مش هقبل تضيعي مني تاني...تتجوزيني؟!
فهد بزهول : يا راجل و ده وقتوا
نور بصدمه : عندوا حق انا المفروض اروح مستشفي....و تتصل بي اهلي...
ليث مكملا : و تتصل بي مأذون
فهد : اه.. و تبعت تجيب الشبكه
ليث : و الشهود جاهزين
يامن : انتوا واقفين هنا ليه اصلا...ما تغور يلا ده موقف رومانسي..خلي عندكوا احساس
فهد : و نسيبكوا لوحدكوا
ليث : و الشيطان يبقي تالتكوا
فهد : انا ما اسمحش بي كده ابدا
يامن : امشي يا حيوان منك ليه من هنا...امشوا
ليث : خلاص ما تزقش
٠٠انصرف ليث و فهد بينما نظر يامن لي نور مره اخري بتساؤل٠٠
يامن : هتتجوزيني
نور بالم : والله هتجوزك بس لما اطلع من  المستشفي..ممكن نتحرك عشان حاسه ان دراعي اتكسر.....
٠٠٠في الصباح في مشفي الشاذلي تجمعت عائله الشاذلي و هارون في غرفه نور ثم٠٠٠
رينا : حمد الله على السلامه...بتلفي تلفي و ترجعي لي نقطه البدايه اهو
مروان : بس المره دي من غير فقدان ذاكره
يامن : المهم يا جماعه هتجوزوني امتي
فريده  بزهول: اجوزك مين يا ضنايا
يامن : البت الي متكسره هناك دي
يوسف بسخريه : ها الفهالك في كيس و انت ماشي...بت مين يلا و بتطلبها في المستشفي
مروان : الواد ده بيكروت...جوزوني انا الاول و بعدين فكروا فيه
غيث بسخريه : يا عسل!!......تتجوزوا قبل مني...لا يا بابا انا الي اتجوز الاول
صلاح : يخرب بيتك تتجوز مين انت كمان
غيث : شايف البت الي قاعده هناك دي
٠٠اشار بيده اتجاه شيرين التي تجلس بجانب سيدرا فنظرا الاثنتين لبعضهم بزهول ثم٠٠
انس : مين يا بابا...لا دي بتاعتي انا
غيث : يا ابني مش دي التانيه...ام عيون رصاصي
فريده : يا فرحتي بخلفتي الهباب
ليث بهمس الي لليان : طب ايه يا حج طلبه كلوا عمال يتجوز وانا ماليش نصيب
لليان بملل : اقولك علي حاجه...زي بعضوا هتجوزك و امري لله
ليث بفرحه :هيييييه
يامن باستغراب : في حاجه يا اهبل
ليث : لا بس حطوا اسمي في اللسته
غيث : لسته ايه
ليث : لسته المتزوجون دي حطوني في قايمه الافراح معاكوا
فريده : معلش بس ممكن اسم العروسه عشان نحطوا في القايمه
ليث : الحج طلبه....قصدي...انت اسمك ايه...لليان. معلش
فهد : و نبي يا طنط فريده واحد كمان في الكرسي الي ورا
فريده : مع مين يا ضنايا انت كمان
فهد : اصل عيب لليان تتجوز و اختها قاعده...انا حجزتها
فريده : كده كلوا اتحجز
مروان : ايوه خلاص مفيش مكان فاضي
انس : لا يا عم انا هركب جمب السواق حطيني معاكي يا فري
فريده : عنيا يا حبيبي بس كده مش فاضل غير سيدرا ولا اشوفلك من بره
سيدرا : بره فين حضرتك....هو هنا و اركني
شيرين بهمس : ما تتقلي شويه يا بت
صلاح : طب بالنسبه لي الميكروباص ده مين الي ها يدفع الاجره
يوسف : هو في غيري انا و انت
صلاح : انا رأي نخفض الاسعار و نعمل فرح واحد
مروان : بس يبقي الاسبوع الجي و حياة عيالك
نور : اسبوع ايه و الجبس
رينا : هيتفك بعد 15 يوم
مروان : خلاص مش مشكله يبقي الفرح بعد 16 يوم
صلاح : لا ونبي
فريده : نهايتوا....الفرح بعد 20 يوم من النهارده
٠٠٠مر 19 يوما و كان الجميع يعمل بين تجهيزات للزفاف.... فهد و ليان فا يقرئون الكتب..... و بين سيدرا و انس في التنقل بين المطاعم..... و رينا و مروان في اللهو و اللعب .....و ليث و لليان في المشاجرات و المرح....و غيث و شيرين في تجهيز الفندق و لم تخلوا من محاولات غيث باستفزاز شيرين....اما عن ابطالنا فهم يعيشون فتره من الفرحه و الحب لم تخلوا من مراسله جلاله السلطان الي جلاله الأميرة يومياً٠٠٠
٠٠اما اليوم فهو افتتاح الفندق و ايضا هو حفل زفاف ابناء عائلات : الشاذلي.هارون..الدمنهوري..الحديدي..المنياوي
اصبحت الساعه 7:30  و باقي نصف ساعه علي بدء الزفاف٠٠
٠٠٠في غرفه الشباب يقف يامن بملل امام المرأه ثم٠٠٠
يامن : انا زهقت هاروح اجبها و نتجوز ما فرقتش نص ساعه يعني
مروان : يا عم اهمد هي نص ساعه اقعد بقا
ليث : انا جعت
غيث : يا شيخ فاصلتني و خلتني اكره اليوم الي عرفتك فيه
ليث : جعان متكلمش...مش مشاعر دي
فهد : هي دي كل المشاعر الي  تعرفها في الحياه
انس : تصدق انا مطعاطف مع لليان من دلوقتي
ليث : اصمله عليك
فهد : عندك حق واخد نسخه مؤنثه منك يا ليث
يامن : الصراحه اه دي بدلت الاطباق وسطنا عادي
تخيل لوحدهم بعد الجواز.....ما خفي كان اعظم
انس : مش هاكل خالص من القر ده
مروان : يا عين امك...مش ناوي تهرب
انس : لو انت ناوي تهرب انا معاك....ما انت ها تاخد اختي ودي حاجه لازم نعملك عليها جنازه عسكريه
مروان بزهول : جنازه....هموت
يامن : اسكت بقي منك ليه...الوقت مش بيمشي انا زهقت عايز اتجوز يا جدعان
فهد : مستعجل اوي الواد ده.......
٠٠٠اما في غرفه الفتيات تتجول رينا في الغرفه بتوتر و هي تتمتم٠٠٠
رينا و هي تحدث نفسها : يعني انا مثلا لو اتجوزت دلوقتي وحبيت اطلق مش هعرف اطلق....طب...طب هو انا قد المسؤلية....فين الفرشه...عايزه اعمل شعري...بس...بس  انا لسه صغيره علي الجواز......هي الفرشه راحت فين
سيدرا بملل : يا بنتي اثبتي يا بقا خايلتيني
لليان : الصراحه اه عماله رايحه جايه...جايه رايحه...انا احوليت اقعدي في حته
رينا و هي تسحب سيدرا : طب..بصي بصي...هل انا ينفع اتجوز دلوقتي ولا لا...يعني هل هو الشخص المناسب ولا لا.....و هل لسه بدري علي اني اتجوز اصلا ولا لا...يعني انا قد المسؤوليه ولا لا
ليان : لا هو متأخر اوي ولا لا...النهارده الفرح يا امي
سيدرا : اهدي بس انتي.....تعالي هنا.....بصي......من ناحيه لسه بدري فا هو فعلا لسه بدري....و من ناحيه انتي صغيره فا هو فعلا انتي لسه صغيره...اما بقا من ناحيه انتي مش اد المسؤولية فا كلنا هنا عرفين انك مش اد المسؤوليه...فا انا من رأي اننا نفركش الجوازه دي و يلا نمشي من هنا
لليان : انا معاها في الموضوع ده
رينا : طب يلا نلم حاجتنا
سيدرا : البسي الكوتشي
رينا : فين الشراب
لليان : مش مهم يلا
ليان : شراب ايه...ايه الهبل ده
رينا : هو انتوا بتتريقوا علي ايه
لليان : علي فكره يا جماعه...انا مش هاتجوز
سيدرا : هو ده الكلام
نور وهي تسحب لليان : ايه ده...تعالي يا بت انتي هنا...بصي القلق الي انتي فيه ده طبيعي انا واحده بمر بيه دلوقتي بس ده مش معناه انوا يبوظ الجوازه
ليان و هي تسحب رينا : يعني يا حبيبتي عادي ان انتي تتوتري  بس الي مش عادي ان انتوا تعملوا الي بتقولوا ده
سيدرا : مين قالك انو مش عادي اسمعوني بس انا هاخطفلكوا المأذون ده و هربطلك الملايات دي في بعض و ننزلهم من الشباك و نهرب عليهم
رينا : مش هقع
سيدرا : لا مش هتقعي
لليان : طب يلا
نور و هي تمسك بها : يلا فين اقعدي...شيرين تعالي شوفي اختك
شيرين من الداخل : حد يجي يقفلي السوسته بتاعت الفستان دي
٠٠ذهبت لها ليان و قامت بربط سحاب فستانها ثم٠٠
ليان : تعالي بقا قولي رايك
شيرين : يا شيخه اسكتي بقا بلا جواز بلا نيله سيدرا اعملي حسابي في الملايات
سيدرا : يلا انا ربطها
٠٠دلفت فريده في هذه اللحظه٠٠
فريده : ايه يا بنات خلصتوا
سيدرا : يلا قوليلها
رينا : ماما انا...
نور مقاطعه : جهزنا يا طنط و خلصنا و كلوا تمام
سيدرا : بصي يا طنط هي الجوازه باظت و احنا مش عايزين...
ليان بتدخل : ياااا بنت اللذينه يا سيدرا....علي طول كده بتحب تهزر
نور : بقولك ايه يا طنط ما تروحي تشوفي الشباب لو جهزوا
فريده : هاروح اشوفهم
٠٠انصرفت فريده بينما حاوطت كل من نور و ليان الاربع فتيات و اجلسوهم علي الفراش ثم٠٠
نور : هتتجوزوا يعني ها تتجوزوا
ليان : ايوه و مفيش اي هبل من الي قلتوا ده....
٠٠مرت نصف ساعه و اصبحت الساعه 8:00 دلف صلاح و يوسف غرفه الفتيات ليجدهن يقفون بجانب بعض بهذه الفساتين البيضاء الرقيقه المنسابه علي جسدهم بنعومه ابتسموا لهم بإعجاب ثم٠٠
صلاح : زي القمر كلكوا
يوسف : بس احنا ها ننزل بيهم ازاي
سيدرا : بص يا اونكل لو مش عايز تنزلني انا ممكن اروح عادي
لليان : و انا كمان ابويا الله يرحموا مش موجود
نور : بابا سيبك منهم.....اونكل صلاح خد بنتك و انزل...و النقله الجايه خد لليان...عشان دول مجانين و لو نزلت احتمال تطلع ما تلقيهمش...و بعدين تطلع تاخد ليان
ليان : بالظبط...و حضرتك يا اونكل يوسف تنزل سيدرا الاول عشان دي مجهزه الملايات عشان تهرب اصلا و بعدين ابقي خد شيرين و ختامها مسك مع ام فستان منفوش دي
صلاح : ماشي كلامكوا....يلا يا رينا
رينا بفزع: لا
صلاح باستغراب : لا ايه
رينا : يلا...يلا
٠٠٠في الاسفل يقف الشباب بجانب بعضهم و كل منهم ينتظر ظهور نصفه الأخر ثم٠٠٠
فهد  : تفتكروا ها ينزلوا مين الاول
ليث : ماليش دعوه انا عايز لليان تنزل الاول
انس : عشان تلحق البوفيه اكيد
غيث : يا جماعه انا الكبير فا اكيد انا الاول
يامن : يا سلام و انا بطل الليله يا معلم و انا الي اتقدمت قبلك
مروان : لااا لو علي الي اتقدم فا انا سبقتكم كلكوا
فهد : خلاص خلونا نشوف
٠٠في هذا الوقت نزل صلاح و بيده رينا التي ترتدي فستان ناعم ديق يلتف حولها بهدوء حتي بدايه خصرها و من ثم يتسع بنعومه يغطيه طبقه من الشيفون الرقيق المنقوش عليه بهدوء ابتسم مروان بسعاده ثم٠٠
مروان : هيييه انا الي كسبت
٠٠٠تقدم منهم و امسك بيدها ثم٠٠٠
مروان : جوزهاني دلوقتي
صلاح : دلوقتي ايه...استني لما الباقي ينزل
مروان : لا دلوقتي
صلاح ؛ طب ارجع مكانك بدل ما اجوزهالك الاسبوع الجي...انا لسه هطلع و انزل تاني و صحتي علي قدي
مروان : خلاص اسبوع ايه...شوف سكتك يا حج...........تعالي انتي
٠٠صعد صلاح و نزل مره اخري و بيده لليان ترتدي فستان ابيض بدون اكمام  يلتف حولها بديق حتي نهايه قدمها و من الخلف ذيل طويل٠٠
انس بقهر : ها تلحق البوفيه يا ابن المحظوظه
٠٠تقدم ليث منها و قبل يدها ثم٠٠
ليث : اول مره اشوف الحج طلبه و هو انثي
لليان بابتسامه: والله...طب اظبط بدل ما اسيبك و امشي
ليث : لا مهو خلاص مش ها تتحركي من جمبي تاني...
٠٠٠صعد صلاح مره اخري الي الاعلي ثم نزل و بيده ليان التي ترتدي فستان طويل ذو اكمام ولاكن بدوان اكتاف٠٠٠
غيث : ايه يا جماعه بابا عمال يجوز في الناس و سايب ولادوا
٠٠اتجه فهد لها ثم قبل جبهتها و هو يهمس٠٠
فهد : طول عمرك زي القمر
٠٠٠هذه المره نزل يوسف و بيده سيدرا مرتديه فستان ابيض لامع ديق يلتف حول جسدها بنعومه حتي منتصف قدمها ثم يتسع بهدوء٠٠٠
انس : هو واضح ان هما بيبتدوا بالصغير اشوفكوا بعدين يا شباب
٠٠٠اتجه انس ناحيه سيدرا ثم٠٠
انس : وقعتي في القفص و بقيتي بتاعتي
سيدرا :انا بتاعت نفسي علي فكره....هو البوفيه ها يفتح امتي؟
انس : بوفيه اه....لا تعالي انا ها اقولك ها يفتح امتي..
٠٠٠صعد يوسف هذه المره و نزل و بيده شيرين ترتدي فستان قصير من الامام يصل الي ركبتها طويل من الخلف ذو ذيل طويل تلف حول يدها قماشه من نفس  نوع قماش الذيل٠٠٠
يامن بنفاذ صبر: و بعدين بقي مش منطق ده علي فكره
غيث : استني النقله الجايه بقي
٠٠اتجه غيث الي شيرين بسعاده و خطوات واثقه و قبل جبهتها ثم٠٠
غيث : مبروك
شيرين بثقه : مبروك عليك انا
غيث بزهول : يا ولد...لا و واثقه من نفسها اوي....تمام..كلوا هايطلع عليكي
٠٠صعد كل من يوسف و صلاح سويا و نزلوا و بيدهم تلك الأميرة....نور التي ترتدي فستان ملكي يديق حتي اعلي خصرها بقليل و يتسع بنفشه رائعه ذو لون ابيض ناعم و لامع ترفع خصلات شعرها الذهبيه و تضع تاچ فضي ملكي رائع....فهي فعلا اميرة....نظر لها يامن بحب و هو يتجه نحوها قبل يدها ثم جبهتها و عاد ينظر اليها٠٠٠
يامن بمرح : فكرتك رجعتي في كلامك
نور : لا انا كنت ماسكه اختك هي الي كانت عايزه تهرب بصراحه..
يامن بحب :....جلاله الاميرة...دقايق و هتبقي أميرتي انا و بس...
مروان : ها تطول...انا بقالي كتير واقف
يامن : انت طلعتلي امتي بس
٠٠٠ذهبوا ناحيه القاعه و تم عقد قرانهم بالترتيب من الكبير الي الصغير ٠٠٠
٠٠و ها هو معاد رقصتهم الاولي تقدم كل ثنائي الي الساحه ثم٠٠
٠٠عند ليث و لليان٠٠
ليث : اخدتي بالك انك بتهرسي رجلي
لليان :قلتلك انا مش بتاعه رقص خالص عي فكره
ليث : حبيتك زي ما انتي بقا اعمل ايه
٠٠عند مروان و رينا٠٠
رينا : ما تبعد شويه
مروان باستغراب :ليه
رينا : عشان بابا عيب
مروان بزهول : بابا....انتي مراتي يا هبله
رينا بحده : وده مبرر يعني.
مروان : لا عندك حق انا قليل الادب فعلا
٠٠عند غيث و شيرين٠٠
غيث : خلاص كده بقيتي بتاعتي رسمي و هطلع عليكي كل الي عملتيه فيا
شيرين : انا الي عملت فيك...هو انا الي كنت بقطع التصاميم...ولا الي كنت بعاكس...ولا انا بتاعه نادين
غيث : لا عمتاً نادين دي موضوع صتحي...انما المعاكسه فا محدش ينفع تبقي معاه و ما يعاكسكيش
شيرين : يا راجل
غيث : طبعا
٠٠فهد و ليان٠٠
ليان : عملتلي مكتبه في البيت
فهد : ومكتبه كبيره
ليان : و فيها كتب كتير
فهد :ايوه
ليان : كل الكتب الي بحبها
فهد : كلها.....
٠٠انس و سيدرا٠٠
سيدرا : انس انا رجلي وجعتني و جعت
انس : اكيد مش ها تفصليني دلوقتي
سيدرا : طب بعد ما نخلص ها ناكل و لا ها تخليني اكل في البوفيه
انس : شوفي حابه تاكلي ايه و انا اجيبوا
سيدرا : عايزه اجرب سوشي
انس : اه...تجربي سوشي وانا الي اكلوا في الاخر
سيدرا : يعني مش ها تجيب
انس : وانا اقدر ها اجيب طبعا
٠٠اما في المنتصف عند جلاله الأميرة و السلطان يسود الهدوء يقطعه يامن ثم٠٠
يامن بهمس : بحبك
نور : وانا كمان
يامن بصدمه : ايه!!
نور بهمس : بحبك
٠٠ابتسم يامن بساعده و هو يحملها و يدور بها بينما تعالي صوت التصفيق من حولهم٠٠
٠٠٠مر الوقت ثم٠٠٠
صلاح : يلا يا ولاد يلا عشان نتصور

٠٠٠اجتمع الكل حيث كان بالمنتصف صلاح و فريده و يوسف و علي اليمين غيث و شيرين و بجانبهم فهد و ليان و بجانبهم مروان و رينا...اما علي الناحيه الاخري نور و يامن بجانبهم انس و سيدرا بجانبهم ليث و لليان...ثم التقطت هذه الصوره٠٠٠
_______________________________________
((DONE))
"'النهارده مش ها اقول البارت خلص المره دي الروايه كلها خلصت...اتبسط جدا بالتجربه دي...و اتبسط اكتر بدعم الناس ليا سواء كانو اصحابي او كاتبات علي الواتباد و بنات حطوني في برامج الدعم الخاصه بيهم.....شكرا جدا علي مساعدتكم جميعاً...و بكده هتبقي اخر مره اقول""
كونوا....والي اللقاء☘️❤️
Rina.♥️
#اميره_المجهول