"أميرة المجهول"

PART 13

"البارت الثالث عشر"

.......ها هي تقف داخل عقلها مره اخري و لكن تلك الأوراق الممزقه تتجمع و تتجمع مكونه كتاب كامل صدمه انتابتها و هي تري محتويات هذا الكتاب...و للمره الاولي تجد اجابه عن سؤالها....من انا؟
- انا.... نور

٠٠مستقليه علي الأريكه فاقده للوعي و الجميع ملتف حولها ثم٠٠
يامن: انتوا تعرفوها
مروان: اكيد طبعا
غيث : تعرفوها منين
شيرين : حد يفوقها الاول و بعدين نتكلم
انس: رينا انتي بتعملي ايه عندك تعالي فوقيها
رينا و هي تمضغ الطعام : ايدي مش فاضيه باكل
يامن : قومي يا بنت الجزمه
فريده بصدمه : يامن !
يامن : مش انتي يا امي
رينا : منغير تهزيق لو الجماعه يعرفوها يبقي حصلها صدمه في هقلها الباطن و  احتمال ترجعلها الذاكره....انتوا مبتتفرجوش علي افلام ولا ايه
مروان : بمعني ؟؟
رينا : بمعني  هي هتفوق بالتدريج و انا هحاول اساعدها
انس: بابا انا حاسس ان البت دي بتفتي
سيدرا : وانا كمان
صلاح: للاسف كلامها صح
يوسف : يعني ده طبيعى
صلاح: بالظبط
٠٠في هذا الوقت دلف كل من ليث و فهد ثم٠٠
ليث: ياااااامن.....جبتلك البينات بتاعت السندريلا
فهد : وطي صوتك يا حيوان
يامن : بعد ايه يخويا
ليث: ده الي هو ايه مش فاهم ؟؟
يامن : الجماعه دول طلعوا يعرفوها
لليان : ثانيه واحده النخله ده بيعمل ايه هنا
ليث: انتي الي بتعملي ايه هنا يا اوزعه
يامن : ممكن افهم في ايه
ليث : الأوزعه دي خبطتني بالعربيه
لليان : شايف بيقول ايه
يامن : ممكن نأجل الموضوع ده لحد ما البني ادمه دي تفوق
٠٠عند رينا يقترب منها مروان ثم٠٠
مروان : يعني هي كانت فاقده الذاكره
رينا : اسم الله عليك و دي عرفتها لوحدك ولا حد غششك
مروان : بغض النظر هي لما تصحي هتفتكرنا
رينا : بص يااا
مروان: مروان
رينا : طيب يا مروان انا ممرضه مش بنجم ولا بقراء الكف عشان اعرف
٠٠في هذا الوقت تفتح تلك العينين الزرقواتين بهدوء و هي تري صوره مشوشه ثم٠٠
نور: بابي!!
يوسف : نوري حمد الله على السلامه
٠٠يضمها اليه بحمايه فقد اشتاق الي صغيرته الأميرة٠٠
يامن : كفايه احضان يا جماعه
مروان : حمد الله على السلامه يا نانو
نور: مارو وحشتني
مروان : و انتي كمان
يامن :ما كفايه احضان بقا
يوسف باستغراب: في ايه؟
سيدرا : مالو ده
نور : سيبك منوا دلوقتي
شيرين : استنوا شويه بقا نانو ايه الحصل معاكي
سيدرا : بالظبط يا سندريلا انا من شهر معرفتش الي حصلك ولا عرفت اوصل لي شهاب ايه الي حصل اخدتي الورق
يوسف : ورق ايه
انس : و شهاب مين
نور بدموع: شهاب مات يا سيدرا
شهقت سيدرا بفزع و هي تقول : مات ازاي؟؟
نور بشحوب : اتقتل
يامن من الخلف : نهار ابوكي اسود مين ده الي اتقتل يا مصيبه
نور : مش وقتوا  خلينا نتحرك و هفهمك في الطريق  تعالي معايا يلا
يامن : اجي معاكي فين
نور : مش مهم هات مفتاح العربيه و يلا..........
مروان : هو ايه الي بيحصل
شيرين : مش عارفه
سيدرا : طب احنا المفروض نعمل ايه
انس : اظن الاحسن تستنوها هنا
سيدرا : عندك حق
فريده : طب اتفضلوا جوه
٠٠اما في سياره يامن تقود نور السياره بسرعه فائقه
و بجنبها يامن ينظر لها بخوف٠٠
يامن : الله يخرب بيتك هدي السرعه هنموت
نور : مفيش وقت
يامن : و قت ايه يا حماره هنموت
نور بجمود : مبقتش تفرق معايا
يامن : و انا مال امي انا مالي انا عايز اعيش و ربنا  و عايزك تعيشي علي فكره
٠٠ ارتدوا الي الامام بقوه عندما توقفت السياره بعد ضغط نور علي المكابح بكامل قوتها ثم ترجلت منها٠٠
يامن : خدي هنا رايحه فين يا بت
٠٠جلست نور تحت شجره مميزه الاوراق و بدأت بالحفر بالأرض٠٠
يامن بقرف : هو ايه القرف ده بقا.....بتعملي ايه يا معفنه انتي
نور: اسكت شويه لو سمحت
يامن باشمئزاز : اما نشوف....ايه ده معلش!!!
نور و هي تمسك بملف : الباشا شايف ايه
يامن : وريني الملف ده
نور.: مش هنا في المديريه
يامن : تمام هكلم الشباب اركبي العربيه و انا الي هسوق مش عايز اموت قبل ما اتجوزك انا
نور بزهول : قبل ايه حضرتك
يامن: مطحتيش في دماغك و  اركبي
٠٠٠داخل فيلا الشاذلي و في غرفة المعيشة ٠٠٠
لليان : متقعدش جمبي
ليث : مش من سواد عيونك جي الزق فيكي مفيش مكان غير هنا
لليان : مليش دعوه قوم ياض
ليث : ياض...فهد دي بتقولي ياض
فهد : هاتها من شعرها يا حبيبي
ليان: ايه الي انت بتقولوا ده
فهد : معلش منا لو مخلف عيل مكنش هيبقي تنح زي ليث و زي اختك
ليان : لو سمحت انا اختي مش تنحه
فهد : امال
ليان : انا اختي عصبيه و دبش ووو تصدق تنحه
٠٠قهقه فهد بخفه علي حديثها و كاد يتحدث... قاطعه رنين هاتفه٠٠
فهد : ايوه يا يامن انت فين
يامن :  هات ليث و حصلني علي المديريه
فهد باستغراب: دلوقتي
يامن : لا الخميس الجي..اخلص يا فهد بسرعه
فهد : تمام هتوصل تلاقينا موجودين
٠٠اغلق فهد الهاتف ثم٠٠
فهد : ليث يلا بينا
ليث : يلا بينا فين
فهد : هفهمك في السكه
٠٠بعد ربع ساعه في مديريه امن القاهره اجتمع الفريق و معهم نور ثم٠٠
يامن: ممكن افهم بقي جبتينا هنا ليه و ايه الملف ده و ليه مدفون في الارض كده
نور : هحكيلك الاول و بعدين تشوف الملف
٠٠قصت عليه كل ما حدث منذ ان رأت الملف٠٠
يامن : و الملف ده فيه ايه
نور و هي تعطيه الملف : أسامي الناس الشغاله معاهم و اسامي الناس الي بياخدوا الحجات دي جوه و برا مصر و تفاصيل الصفقات
فهد : دول ليهم علاقه بي امجد
يامن : حبيب قلبي
ليث : يعني و صلنا لي الي وراهم
يامن : و بعدين يا شهرزاد انتي كملي
نور : سخافتك في العالي مشاء الله....
٠٠ثم أكملت تفاصيل المكالمه التي سمعتها وهي تهرب٠٠
يامن : و العمليه بتاعت اخر الشهر دي المفروض الايام دي... هنعرف معادها بالظبط ازاي
نور : لازم ارجع البيت
ليث : حلاوتك ايه الي قولتيه ده يا ماما
فهد : بصي يا نور رجوعك فيه خطر علي حياتك
نور بقوه و شرود : يا روح ما بعدك روح بقا
يامن : يادي النيله....بصي بس عشان نجيب من الاخر...مفيش الكلام ده... انا هشيل الملف عندي ه.....
نور مقاطعه : استني
٠٠سحبت و رقه من و سط الملف ثم قامت بتصويرها عن طريق الهاتف الذي جلبه يامن لها٠٠
يامن بهدوء: ايه ده
نور : ده حقي
يامن : مش فاهم
نور : هتشوف... يلا لازم نتحرك
يامن : ربنا يستر....ليث شيل الملف في الخزنه و يتقفل عليه بالمفتاح
ليث بجديه : اعتبروا حصل
٠٠بعد دقائق داخل سياره يامن تجلس نور و هي تجري اتصال ثم٠٠
نور : سبق صحفي بي مليون جنيه هقابلك بعد ربع ساعه في الكافيه الي في المهندسين لو مجتيش براحتك ضيعتي خبر  الموسم على نفسك
٠٠بعد ربع ساعه في احدي كافيهات المهندسين يجلس يامن و نور و فتاه اخري بعمر الثلاثين ثم ٠٠
الفتاه : اقدر اعرف ايه هو الخبر و عن مين
نور : رحاب البحيري
فتاه : حلو مالها
نور : بصي يا داليا باختصار رحاب البحيري مش بنت عيله البحيري اصلا
داليا بصدمه : نعم ازاي
نور : زي ما سمعتي رحاب نسبت نفسها لي عيله البحيري عشان تورث بيت الموضه
داليا : طب مين أهلها
نور : موظف حكومي بسيط حسين العطار
داليا : اقدر اعرف ايه اثبات الكلام ده
٠٠اخرجت نور هاتفها علي صورة لي شهاده ميلاد رسميه باسم رحاب و الاب حسين سيد العطار و الام فريال سليمان صبحي و صوره بطاقه شخصيه بنفس الاسم٠٠
نور : بس الخبر مش هيتنشر دلوقتي خاااالص
داليا : امال امتي
نور : هبقي اقولك وقتها هاا ؟؟
داليا : موافقه طبعا انا همشي سلام
٠٠٠ذهبت داليا لي يقول يامن٠٠٠
يامن : انتي ناويه علي ايه
نور : هرجع حق 20 سنه
يامن: نور انا خايف عليكي
نور : ماتخفش انا احساسي مات من زمان و الي جي ها يدمرهم...اوعدك.......
____________

رايكم و توقعاتكم🤔

وبس✨....كونوا بخير☘️❤️.....واللي اللقاء🍀❤️

Rina❣️