"أميرة المجهول"

PART 18

"البارت الثامن عشر

٠٠في غرفه نور تجلس بهدوء و ترقب دلف ثائر بغضب لها و هو يحمل احدي الجرائد ثم٠٠
ثائر بغضب : ايه ده
نور ببرود : ايه
ثائر : انتي مش قولتي ان مفيش ورقه من الملف هتطلع
نور : مظبوط
٠٠اشار ثائر الي الخبر ثم٠٠
ثائر : امال ايه ده
نور : حقي
ثائر: حقك؟؟
نور بملل : تقدر تقول تعويض عن عشرين سنه
ثائر : و بعدين
نور : و بعدين انت لسه واخد بالك الخبر منتشر من امبارح....و كمان مفهوش حاجه تمسك
ثائر: يعني اسكت انا
نور : بظبط بره عنك يا شبح...يلا لم عضلاتك الي فاردها عليا دي و اتكل علي الله
ثائر : تمام يا نور...تمام اوي.....
...غادر ثائر الغرفه بهدوء تيقنت نور انه ما يسمي بهدوء ما قبل العاصفه....
نور بنفسها : بركاتك يا رينا بقيت بعرف اردح

.....علي زكر رينا فبالجهه الاخري و داخل ڤيلا الشاذلي كانت بمفردها امام مائده الافطار التي تم تحضيرها تتناول كل ما يقع امامها توقف الطعام بحلقها عندما استمعت الي صوت انس فهي لم تلتقي به منذ ان افاقه غيث و اخبره ان رينا هي من كانت بالمطبخ....

انس بحده : صباح الزفت علي دماغك يا نيله
رينا بابتسامه صفراء : و علي دماغك يا حبيبي
انس بغيظ : اطفحي اطفحي علي الله نخلص من مصايبك
رينا بسماجه : مش عايز تطفح معايا....يووه قصدي تاكل
انس: مش عايز سدتي نفسي
رينا بلا مبلاه: احسن  وفرت
انس بغيظ :طب يلا يا بت غوري من هنا مانتيش واكله
رينا : غوره اما تاخدك مش متحركه انا ....مش عايز تطفح معايا انت حر اركن علي جمب اخلص اكل و ابقي تعالي اتنيل
انس بصدمه : غوره تاخدني...و اركن و اطفح و اتنيل....هو مين مزعل التاني يا بت انتي
رينا : ده الي عندي اذا كان عاجب
انس : لا يختي مش عاجب
رينا : مش مهم المهم عاجبني انا
انس : انتي يا بت محدش رباكي
...تدخل صلاح الذي نزل للتو من غرفته في الحوار...
صلاح : ايه يا انس الي بتقولوا ده... أنا فعلا معرفتش اربي
رينا : شايف يا بابا عمال يقول محدش رباكي و امك معرفتش تربيكي و ابوكي و انا اقولوا عيب يا ابيه ميصحش كده يا ابيه و مفيش فايده
انس بزهول : ابيه!!!
صلاح : هو انا عمتا قصدي ان انا مليش دعوه انا فعلا معرفتش اربيها اتكلم عن امك بقا
رينا : لاااا يا صلوحه فهمتني غلط....مش انا....مش انا الي تحدفوني لبعض لا....مش انا الي يتحفل عليها...مش كل طير يا حبيبي يتاكل لحموا
...اخرستها صفعه علي عنقها من والدها...
صلاح : اكتمي يا بت
رينا و هي تتحسس عنقها : تسلم ايدك يا سيد المعلمين......

٠٠في مكتب غيث تجلس شيرين مرتديه بدله باللون الاسود و بجانبها سيدرا ترتدي بنطال ازرق من خامه الچينز و كنزه سوداء و چاكيت ابيض و علي المكتب يجلس غيث يرتدي بدله رماديه اسفلها كنزه بيضاء٠٠
٠٠تدلف لليان من  الباب ثم ٠٠
لليان : صباح الخير
غيث : صباح النور
لليان : الملفات اهيه و في ايميلات اتبعتت و الجرايد كمان
غيث : تمام كده
لليان: عايز حاجه تاني
غيث : لا تقدري تخرجي
لليان : ماشي
٠٠خرجت لليان بينما سيدرا رفعت عينيها عن الملف الذي كان بيدها لتلمح عنوان الخبر فنتفضت ثم٠٠
سيدرا : يا نهار ازرق.....ايه ده
شيرين بفزع : في ايه
سيدرا : خدي شوفي
شيرين : ده...ده..ازاي....رحاب العطار...طب ازاي
سيدرا : اقطع دراعي ان مكان الموضوع ده وراه سندريلا
شيرين : و ايه دخل نور بس
سيدرا : خلاص نروحلها و نشوف
شيرين : تمام يلا
غيث : يلا فين
شيرين : معلش يا غيث لازم نمشي
غيث : قولتي  ايه !!!
شيرين : قولت لازم نمشي
غيث : لا قبلها
شيرين : معلش
غيث : لا لا الي في النص
شيرين : في النص؟؟..يا غيث
غيث بهيام : هي دي.....الله حلو اوي
شيرين : هو ايه
غيث : اسم......
سيدرا مقاطعه : مش وقت محن دلوقتي خالص علي فكره....يلا قدامي نمشي.....
٠٠٠داخل فيلا هارون امام السلم المؤدي للطابق العلوي يقف مروان و بجانبه شيرين و سيدرا ثم ٠٠٠
شيرين : قريت الخبر يا مروان
مروان : و في حد ما قراهوش
سيدرا : طب يلا يا جماعه نطلع لي نور اكيد عندها تفسير
٠٠في الاعلي في غرفه نور تجلس علي الاريكه  تتصفح موقع الاخبار و بجانبها يامن يضع السمعات بأذنه يستمع لحوار ثائر المسجل في الليله الماضيه٠٠
٠٠٠دلف مروان بجانبه سيدرا و شيرين ثم٠٠٠
مروان : الله الله مش ملاحظ انك اخدت علي الاوضه هنا
نور : انتوا جايين كلكوا مع بعض
شيرين: اه
مروان : اه ايه و نيله ايه بيعمل ايه هنا ده
يامن بملل : بشتغل يا حبيبي...دي شغلي
سيدرا : و الشغل مينفعش غير هنا
مروان : قوليلوا
يامن : عشان اعرف احافظ علي حاياتها
مروان : لا و الله
نور : المهم انتوا جايين ليه
سيدرا : "رحاب العطار"
نور : اه انتو هنا عشان كده
شيرين : انتي الي ورا الخبر
نور : ايوه
مروان : و الخبر صحيح
نور : أيوة
مروان : يارب يعني ام مستهتره و ظالمه و كمان مزوره
يامن : و تاجره سلاح و مخدرات و اعضاء تقدر تقول عضو في مافيا صغيره كده
شيرين : انت بتقول ايه
نور : بيقول الحقيقه
سيدرا : الحقيقه!!!
مروان : انتوا بتتكلموا بجد؟؟ امي انا بتعمل ده كلوا ايه العيله الزباله دي
يامن : ...روح اتصدم بعيد عني و خليني اسمع بقا
مروان : تسمع ايه
يامن : اسمع خالك رئيس العصابه الكبير
نور : مهو انا نسيت اقولك اصل خالك ثائر بيه البحيري سابقا و العطار حاليا ما هو راخر مٌزور هو بقا رئيس المافيا الصغيره الي امك رحاب هانم العطار عضو فيها
يامن : باختصار عيله قذرة.......

٠٠بأحدي مقاهي منطقه مصر الجديده يجلس ليث يحتسي قهوته باستمتاع شديد٠٠
٠٠٠علي الجانب الاخر من هذا المقهي تجلس لليان ترتدي بنطال قماشي بيچ و قميص ابيض و حذاء رياضي ابيض و تركت لشعرها العنان و وضعت حمره باللون الاحمر ابرزت مظهرها تجلس بين مجموعه من اصدقائها ليلمحها ليث ثم٠٠٠
لليان : طيب يا جماعه انا هروح الحمام
٠٠اتجهت لليان الي الممر المؤدي للحمام بينما لحقها ليث بصمت و قبل ان تدلف ٠٠
ليث و هو يجذبها من حقيبتها : خدي هنا
لليان بفزع : يخرب بيتك ....انت طلعت منين
ليث :حظك الاسود....ايه الي في بوقك ده
لليان: ايه !؟!
ليث  بحده : روچ احمر...احمر يا سعديه
لليان: وبعدين يعني فيها ايه
ليث : لا مافيهاش لبستي بنطلون جلد ولا لسه يا سعديه
لليان : الله وانت مالك !!
ليث : اثبتي بس كده....انا هعرفك مالي
٠٠,اخرج منديل و رقي و بدأ بمسح حمرتها ثم٠٠
ليث : كده تمام..... قدامي بقا
لليان: قدامك فين يا أخ
ليث : علي العربيه وإلا انا ممكن اخليكي تباتي عندي في الحجز عادي
لليان بهمس : مجنون و تعملها.....

٠٠مساءً في حديقه فيلا هارون تجلس نور في الهواء ليدلف عليه ثائر بجديه ثم٠٠
ثائر : الشحنه الجديده وصلت و استلموها
نور بزهول : ازاي هو مش اخر الشهر
ثائر: اخر الشهر اكبر شحنه هستلمها النهارده شحنات عاديه
نور : و مستلمتهاش بنفسك
ثائر: اكيد لا و اسألتك كتير علي فكره
نور : ما علينا نصيبي في الشحنه دي فين
ثائر: ها يتحول لي حسابك بس  هتيجي نستلم الشحنه الجايه
نور : نعم انا قلت ماليش دعوه وزيي زي رحاب
ثائر : رحاب هتكون موجوده
نور : و التسليم فين
ثائر : ملكيش في انا هبقي اخدك.....
_________

رايكم و توقعاتكم🤔🧐

وبس✨....كونوا بخير☘️❤️.....واللي اللقاء🍀❤️

Rina❣️