"البارت الثاني و العشرون" *قبل الاخير* ٠٠٠في فيلا الشاذلي في غرفه رينا دلفت فريدة لتجد رينا تقف امام المرأه مرتديه فستان من اللون الفيروزي و تنظر الي انعكاسها بهدوء ثم٠٠٠ فريده : مالك يا رينا واقفه كده ليه رينا : سيبيني دلوقتي يا ماما باحاول اتقمص الشخصيه الهاديه فريده : هاديه مين يا ماما مش بيليق عليكي الكلام ده رينا : تصدقي عندك حق....اهم حاجه المصدقيه....انا دي طبيعتي...و هو لازم يتقبلها...مهو لو متقبلهاش انا الف من يتمناني فريده باستنكار : الف!!! الا ما لقينالك نخله جايه تتف في وشك رينا : ماما ما توترنيش...انا حلوه و زي الفل انا مزه و عاجبه الكل....و لو مش عاجبه يخبط دماغه في الحيط ولا يهمني........ فريده :ربنا ما يحرمك من العبط...
٠٠٠في مدينه الملاهي يقف كل من لليان و ليث بعد ان قامو بلعب معظم الألعاب الموجوده ثم٠٠٠ لليان : اسندني يا ليث و حياه امك الكعب ده رخم اوي ليث : تعالي يا خالتي لليان : انا جعانه علي فكره ليث : جايب بنت اختي معايا....بصي في مطعم قريب بتاع واحد صاحبي هو لسه مافتحش بس كان عايزني اروح اجرب..تيجي لليان : ما دام قريب و هناكل بسرعه يبقي يلا ٠٠بعد ساعه في المطعم٠٠ لليان : بص هو الطبق ده حلو....الي فات بقا الي خلتني اجربوا ده زفت ليث : بس...ايه بتزعقي زفت كده في نص المكان عيب يا ماما ألفاظك لليان : في ايه يا ليث هاتشتغلني انت مش جايبني هنا عشان اجرب و واخدني كا فار تجارب...وبعدين فين الاكل من ساعه ما جينا و انت عمال تجيب في مقبلات مقبلات مقبلات...فين يا ابني المحشي الفراخ فين ده ليث : يا وليه وطي صوتك احنا في نص المكان و بعدين انا الي مفكر نفسي لما اجيبك اقدملك حجات صغيره و appraisal وكده اني بثبتك ...كتك نيله في لسانك لليان : انا عاجبه نفسي كده ليث : انتي عارفه فين المشكله لليان : خير!! ليث : انو عاجبني انا كمان لليان : ونبي انت فاضي...اسكت بقا عشان الكعب مدايقني و مش بتاعي اصلا بتاع ليان و ليان رجلها اصغر مني و الحاله زفت ليث : انا مالي...يعني انتي شايفه ان ده رد مناسب علي الي قلتوا ٠٠في هذا الوقت دلف الجارسون و هو يحمل اطباق الطعام ثم٠٠٠ لليان : ايوه حطلي دول هنا بقي و خد مقبلاتك دي معاك ليث : كلي ياختي....المهم كده احنا بقالنا تلت ايام بوصلك كل يوم و شغال سواق و راعي تغذيه و في التلت ايام دول عرفنا كل حاجه عن بعض بنحب ايه ما بتحبيش ايه...مش ده الوقت اننا ناخد خطوه كمان بقا لليان وهي تاكل الطعام : الملح من جمبك كده الله يكرمك ليث بصدمه : وحياه خالتك لليان : بص يا ليث ها اكلمك بالعقل احنا مانعرفش اننا في التلت ايام دول حبتني؟! ليث : و متقنعنيش انتي كمان ان معندكيش اي مشاعر نحيتي لليان : يادي النيله...بص يا بابا انت صاحب يامن يامن ده ابن صاحب بابا متربيين مع بعض تفتكر لا قدر الله لو ارتبطنا ليث بسخريه : لا قدر الله لليان : ايوه طبعا لو ارتبطنا و حصل مشاكل و سبنا بعض اخسر يامن و العيله عشان سواد عينيك مثلا...وبعدين اقسملك بالله انا شخصيه لا تطاق مش عارفه انت معجب بيا علي ايه... ليث : طب أولاً افصليني عن يامن عشان سواء كنا مع بعض او لا يامن هيفضل جزء من عيلتك و انا هفضل قريب منك لو احتاجتيني...فا الفاصل دلوقتي اننا نكون مبينا شئ رسمي و نكون مع بعض بجد بشكل فعلي لليان باستغراب : ايه يا ليث الكلام الغريب ده...فعل ايه و اسم ايه....ليث بقولك انا جعانه...و مبعرفش افكر وانا جعانه...سيبني مش هتبقي انت و الكعب عليا ليث : كلي يا اخره صبري...... ٠٠٠علي النيل عند فهد و ليان يجلسون و كل منهم يمسك بجزء من الكتاب و يقرئون بانسجام ثم٠٠ ليان بزهول : فهد احنا خلصنا الكتاب كلوا فهد :انا مأخدتش بالي من الوقت الساعه 9:00 ليان : نهارك ابيض انا اتاخرت جدا فهد :خلاص قومي ها اوصلك ليان : يلا...فهد صحيح عندك كتب تاني فهد: كتير اشمعني ليان : طب ابقي ابعتل اسامي الكتب دي يمكن اخد منك حاجه فهد :تؤتؤ...اسمها نقرأها سوا ليان : ما علينا خلينا ننقي كتاب فهد : خلاص ها ابعتلك واتساب و نظبط الكتاب و المعاد....احنا وصلنا ليان : تمام...باي ٠٠٠فيلا الشاذلي في الصالون وصل كل من مروان و يوسف و نور و سيدرا و شيرين يجلسون مع باقي عائله الشاذلي ثم٠٠٠ مروان : طيب يا جماعه مش ها نطول يوسف بهمس : استني شويه مروان بهمس : لا ٠٠ثم تابع٠٠ مروان : انا يشرفني اني اطلب ايد المجنونه...احم اقصد الانسه رينا تضحيتاً مني عشان احافظ علي استقرار البيت ده و هدؤه...و من ناحيه تانيه نقدي علي البشريه رينا: تقدي علي البشريه...انت جاي تتجوز مبيد حشري صلاح : و الله يا ابني مش ها الاقي غيرك ياخدها...اقصد يبقي احق بيها مروان : طيب يبقي اخر الاسبوع الجي انشاء الله الخطوبه وكتب الكتاب رينا : ايه يا عم هو سلق بيض مروان : جعفر اهدي شويه رينا : جعفر!!..طب مش موافقه انس : اهدي بس انتي...انا موافق يوسف : يبقي نقرا الفاتحه ٠٠بعد ان انتهوا اتجهوا ليتناولوا العشاء ثم٠٠ سيدرا بهمس : انس...انس انس : خير سيدرا : هات طبقك انس بزهول : نعم!! احنا كلنا بناكل نفس الحاجه سيدرا : ما اعرفش بقيت احس ان حظك احسن مني انس و هو يبدل الاطباق: امسكي كلي و انتي ساكته ٠٠بينما نظر لهم يامن بخبث ثم٠٠ يامن : الا قولي يا استاذ انس طبقك كان ناقص ملح ولا ايه انس : لا تمام بس "و يؤثرون علي انفسهم ولو كان بهم خصاصه" يامن : يا واد يا مؤمن انس : الثواب يا اخي انه الثواب غيث : مالك يا معلم انس : لا اندمجت مش اكتر ٠٠نكزته سيدرا في ذراعه٠٠ سيدرا : بقا انا بشحت منك انس : مش عاجبك هاتي طبقي سيدرا : لا طبعا..شحاته شحاته... ٠٠انتهوا من تناول الطعام و جلسوا بالحديقه ثم٠٠ مروان : استأذنكم يا جماعه اخد خطيبتي علي جمب..اصلنا لسه بنتعرف ٠٠اتجه مروان و رينا الي احدي اركان الحديقه بينما مال يامن علي نور هامساً٠٠ يامن : تعالي ورايا نور : فين يامن : تعالي وانتي ساكته ٠٠بينما علي الجانب الاخر عند مروان و رينا٠٠ رينا : علي فكره العيله دي مش مقدره قدراتي انما انا فله اصلا مروان : انا بقول كده بردوا انتي مالكيش عيش في البيت ده تاني ..انا ابعت اجيب مأذون و تروحي معانا رينا : مروان مروان : عيونه رينا : انت اهبل يلا مروان : اهبل!!!ربنا ينتقم منك يا شيخه فصلتي ام اللحظه رينا : تصدق ام اللحظه....ام اللحظه بجد مش بهزر....ايه ده تعالي ....تعالي بسرعه مروان : في ايه ياما رينا : نور و يامن دخلوا الفيلا و طالعين فوق و فضولي بيقولي لازم اعرف بيقولوا ايه.... ٠٠في الاعلي في غرفه يامن دلفت نور ثم٠٠ نور : ها جايبني هنا ليه يامن : هقول كام كلمه و ها ننزل....بصي...هو انا اول مره شوفتك مش هقولك حبيتك...بس توهت في عينك...و اتعودت عليكي...و مع الوقت...بقيت معجب...و شويه بي شويه....بقيت بحبك...انا مش عايز رد دلوقتي ...دلوقتي انا بس عايزك تلبسي دي ٠٠قالها و هو يخرج سلسله ذهبيه اللون في اخرها زهره ماسيه فوقها زهره اصغر من اللون البيچ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يامن بتساؤل : ها تلبسيها نور بابتسامه : ها البسها يامن : طيب بصي السلسه دي بتربط ما بين الساعه الي في ايدي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يامن : يعني اقدر اسمعك لو حبيتي تكلميني و انتي كمان تقدري تسمعيني نور : تمام يامن : طيب دلوقتي اقلعي ال... نور بحده : نعم عايز ايه يامن : اقلعي الجزمه يا حيوانه ماتقطعنيش نور : ده ليه ده يامن : اخلصي و الشراب كمان.....اقلعي يا امي انجزي ٠٠دلف مروان في هذه اللحظه و خلفه رينا٠٠ مروان بزهول : تقلع ايه و تلبس ايه....هو ايه الي بيحصل هنا يامن : قلعت الجزمه يا جزمه.....البس ياما الشراب ده نور بتعجب : شراب يامن : ها افهمك...الشراب ده الحاجه الوحيده الي لو ثائر اخدك في اي مكان و عايز يخلص من اي اشتباه لي gps او جهاز تتبع مش ها يخليكي تقلعي الشراب و مش هيجي في باله رينا : ثانيه واحده عشان انا غبيه هو انت حاطط GPS في الشراب مروان : حويط اخوكي ده اوي يامن : ما تطلعوا بره مروان : ما احنا ها نطلع يلا يا نور يامن : يلا فين لسه في حاجه انا عايز اقولها مروان : يا عم انا سايبك من بدري و عمال شغل سلسله و ساعه و تهت في عنيكي و انا ساكتلك...كفايه عليك كده...قال اختك تحت بتقولي ام اللحظه...وانت فوق بتعترف بحبك...وانا ما عارف اقول كلمه مع بهاء الي جمبي ده رينا : مع مين حضرتك؟؟؟ مروان : لا ولا حاجه يا وحش خدي راحتك يامن : لا مسيطر نور : طب ينفع ننزل عشان شكلنا وحش قدامهم تحت ٠٠انصرف الجميع الي بيته٠٠ ٠٠في فيلا هارون و في غرفه نور تجلس و بجانبها سيدرا وشيرين ثم٠٠ شيرين : بنات...غيث باعتلي علي الواتساب بيقولي شكلك كان حلو اوي النهارده...اقلوا ربنا يخليك شكرا سيدرا : لا قوليلوا الله يعزك تسلم نور : طب ما تقوليلوا الله يكرمك ....احسن شيرين : حلوه دي... الله يكرمك....لطيفه نور : والله طب قومي انتي و هي من هنا انتوا رايحين تشحتوا شيرين : خلاص يا سندريلا هانم قايمه بتطردينا من الجنه يعني ٠٠قذفتها نور بالوساده٠٠ نور : يا شيخه غوري بقا ٠٠انصرفت كل من سيدرا و شيرين ليدلف ثائر ثم٠٠ ثائر : قومي البسي نور : انت ازاي تدخل كده ثائر : قولت قومي البسي نور : ليه ثائر : معاد تسليم الشحنه النهارده......... ____
