''البارت الثالث''
اصوات حاده في عقلها مشاجرات و مشاحنات احداث غريبه ولا شئ واضح ...صوت جديد يتحدث بحده : انتي يا زفته اتأخرتي ليه بقي في عمايل الفطار خلصي وانجري خدي الغسيل و بعديها تستحمي و تغيري هدومك عشان ابوكي زمانوا جي و مش هقولك اوعي تفتحي بؤك لأنك اصلا متقدريش غوري من وشي انتي لسه واقفه تعرفي لو..... انخفض الصوت و اختفي تماما
فتحت أعينها الزرقاء لتنتهي من صراعات الماضي المجهول و تلتقي بي كابوس الحاضر كما أسمته فهي رأت رينا أمامها تنظر و تبتسم
رينا بهدوء: صباح الخير يا قموره قوليلي انتي كويسه النهارده
اومئت بهدوء لتقابل صراخ تلك المجنونه : ايوه بقا
حيث كده ادخلي اغسلي و شك و تعالي الففك في المكان عشان انتي مطوله معانا بسرعه يلااااا
قالت كلمتها بحماس و صراخ واضح تحركت أثره الأخري بي منتهي الهدوء الي حمام الغرفه لم تستغرق الكثير من الوقت خرجت و لم تجد رينا في الغرفه حمدت ربها علي ذالك لم تكمل سيرها الي خارج الغرفه وإذا بألم رأسها يعود من جديد أغمضت عينيها لتري.....
امطار غزيره صوت أرجلها الصغيره وهي تتخبط في مياه الأرض و هي تركض و تركض نباح لكلاب يأتي من الخلف اصوات مبهمه تقول : بسرعه وراها زمنها مبعدتش الباشا عايزها حيه
:مفيش فايده كأنها اختفت
:لازم نلاقيها الورق المعاها يودينا كلنا ورا الشمس دوروا في كل مكان
و هي تركض و تركض و تنظر خلفها خرجت من هاذا الطريق الي طريق عمومي ولاكن فجأه .................
لحظه لقد انقطع المشهد ما الذي يحدث ولما يحدث لي ؟! قطعت فقره الاسئله المعتاده منها علي فتح الباب من قبل رينا التي قالت : ها خلصتي؟؟
ردت باقتضاب :ايوه
رينا : يادي النيله مالك عملا زي الي وكلا فسيخ علي الصبح كده لا خليكي حركه كدا احنا قاعدين مع بعض كتير
: انا مقولتش حاجه غير ايوه
رينا : ما هي دي المشكله يا اسمك ايه...مبحبش الرد علي قد الرد كده....اتلحلحي معايا كده امين؟
: ماشي يا ستي خلينا نخلص ممكن
رينا :حيث كده بقا خلينا نبتدي بجنينه المستشفي هتحبيها اوي يلا قدامي
ذهبتا سويا الي حديقه المشفي الواسعه موزع بها مقاعد فرديه مثل مقاعد الحدائق العامه و في ركن يوجد طاولات و مقاعد يبدوا أنه مقهي المشفي و زهور الياسمين و العود التي تنتشر رائحتها في المكان •
رينا:هنا ممكن تقعدي من اول ما تصحي لحد الساعه 11 بعد كده بتتقفل الركن الهناك ده كفتريا بس للمرضي أما بقا بتاعتنا احنا كا دكاتره و ممرضين و زوار موجوده جوه المستشفي حلو المكان صح
ردت هي :جدا
رينا : تعالي اوريكي الطريق من هنا لاوضتك عشان تحفظي و نكمل لف
ذهبوا الي داخل مبني المشفي مره اخري لم تكن مزدحمه ولاكنها كبيره جدا
رينا :بصي يا ستي ده الرسبشن ده عادتآ مش بيبقي فاضي كده بس حظك عشان تعرفي تركزي من هنا بقا تقدري تروحي الاسانسير قدام الاسانسير زي ما انتي شايفه مكتب الاستعلامات وفي الممر ده العيادات و اوض كشف الطوارئ علي اليمين هناك الكافتيريا الداخليه ابقي افرجهالك بالتفصيل بعدين تعالي نطلع الدور الاول
صعدوا الي الطابق العلوي و بدأت رينا بالتحدث مره اخري : هنا بقا اول حاجه هتشوفيها الصيدليه زي ما انتي شايفه هنا مكتب الحسابات و مركز الاشعه و التحاليل نطلع الدور التاني
اومئت لها مره اخري في صمت
صعدوا مره اخرى بالمصعد و بدأت رينا في التحدث: هنا بقا الدنيا أبسط اوض العمليات و الحضانات و العنايه المركزه
أكملت و هي تتجه للمصعد مره اخري الباقي بقا بين مكاتب الدكاتره الاخصائيين أو اوض المرضي أو عنابر الطوارئ أو مكاتب الاشراف اوض التمريض و الذي منه
خرجوا من المصعد في الطابق الثالث فتحدثت رينا مره اخري : قصاد الاسانسير علي طول اوضتك رقم 307 اخر الطرقه دي اوضه مكتب للدكتور صلاح الشاذلي بابا زي ما قولتلك و المسؤل عن حالتك بردوا لو احتاجتيني و ملقتنيش تقدري تروحيلوا بس لو صلوحه عاكسك قوليلي أما قوضتي انا فهي مع باقي الممرضين في الدور 7 هوريهالك بكره عشان متتعبيش أنهت الحديث و كانوا قد و صلوا لغرفتها و دخلوا و فسألت رينا : مش ناويه تتكلمي
:اقول ايه،،انا معرفش حاجه عني عشان اقولها
ردت رينا : امممم يعني بتسمعي بس
:ممكن
ردت رينا بحماس : حيث كده بقا اصدعك براحتي بس وانا بسرحلك شعرك القمر ده عشان انتي مش هتعرفي بايدك دي
بدأت في طمشيت شعرها وهي تقول : انا من عيله الشاذلي دي عيله كبيره جدا علي فكره اصلها من الصعيد بابا و ماما ولاد عم ليا تلت اخوات ولاد اكبر مني الكبير و الصغير مهندسين و ماسكيين شركات بابا و الوسطاني ظابط في العمليات الخاصه
انا خلصت هخرج اشوف ورايا ايه باي يا عسل
:باي .........يلهوي دماغي أخيرا....انا هسمع اه بس كده علي اخر الاسبوع هموت منها انا انام قبل ما ترجع تاني
....اغمضت عينيها و اراحت رأسها و سحبت الغطاء و سألت السؤال المعتاد تري من انا؟! ........و غطت في ثبات تبحث فيه عن الماضي ........
_________
اعملوا vote عشان تشجعوني اكمل✨💙
رايكم🤔
وبس✨🧁....كونوا بخير ☘️❤️.....و الي اللقاء☘️🌹
Rina❣️
أنت تقرأ
"أميرة المجهول"
عاطفيةقادمه من مجهول ذاهبه الي المجهول.....اقف بين الماضي و الحاضر ولاكني اتطلع الي المستقبل......
