"أميرة المجهول"

PART 19

"البارت التاسع عشر

٠٠٠في الصباح اليوم التالي في فيلا الشاذلي علي طاوله الافطار تجلس فريده بجانبها صلاح و امامها غيث و انس يتناولون الفطار دلفت رينا ثم٠٠٠
فريده : اهلا بي عروستنا
انس : عروستنا الموكوسه
غيث : طبعا يا ابني
رينا : انتوا مش اخواتي
يامن : ولا يهمك يا رينو
انس :بس عروسه ايه دي يا بت الي امك بتقول عليها
فريده: امك!!!!
رينا بتمثيل: بس بقي ما تكسفونيش
غيث : لا و نبي البت وش كسوف
صلاح : بس منك ليه....الهبله ها تتخطب
انس : و مين الي اموا داعيه عليه
رينا : داعيه عليه يا انس.....دي دعياله و باب السما مفتوح
غيث : أشُك...ما علينا مين عريس الغفله
يامن : مروان اخو نور
انس : نور مين؟؟
رينا : ما تفتح مخك معانا يا سوسو نور السندريلا
انس : هو انا مسمعتش اي حاجه بعد سوسو!!
غيث : بقيت سوسو يا انس افرح يا حج صلاح خلفت سوسو
انس : عارف لو سمعتك انت و هي بتقولوا سوسو دي انا هعمل فيكم ايه
رينا : ماشي يا سوسو....بس خير الأخ يامن عندنا في البيت و الاميرة سندريلا
يامن : لا يا خفه انا جيت اسأل بابا عن رأيوا في موضوع مروان و راجع تاني لي أميرتي
غيث : أميرتك!!!!
يامن : اه
انس : يا حنين........
٠٠في منزل بمنطقه الزمالك يتميز بالطابع العصري  جدران بيضاء و في مواجهه الباب اريكتان بي احجام مختلفه و مقعدين جميعهم بالون الكراميلي علي الجانب الايمن طاوله طعام فخمه من الزجاج و الخشب المنحوت يحيط بها سته مقاعد قماشيه من اللون الخشبي علي اليسار ممر يؤدي الي ثلاثه غرف....الغرفه الاولي ذات الحائط الابيض السرير ذو اللون اللبني الحمام الابيض الرخامي غرفه الملابس الزجاجيه.... داخل هذا الفراش لليان تنام بعمق ليقطعها رنين الهاتف ثم٠٠٠

لليان بنوم : يا حلوف يالي بتتصل انا نايمه اتكلم وقت تاني يا تنح

٠٠علي الجهه الاخري يجلس ليث في سيارته و يتحدث بالهاتف ثم٠٠
ليث : اصحي يا بت مش ها استني كتير....كتك القرف في الفاظك علي الصبح
لليان : بت!!....ايه ده انت مين
ليث : فوقي يا شبر و نص بقا
لليان بنوم : نخلة
ليث : يا حبيبتي عرفتيني لوحدك.....يلا قومي بقا
لليان : انت...انت مين
ليث : يادي النيله عليا انتي فقدتي الذاكره ولا ايه
لليان : ليث!!!
ليث : صباح الخير
لليان : جبت نمرتي منين
ليث : انا شايف ان عيب تسألي السؤال ده لي ظابط
لليان : عايز ايه
ليث : نص ساعه تكوني غيرتي هدومك و نزلتي انا تحت البيت
لليان : تحت البيت ليه؟؟
ليث : من غير اسئله لو النص ساعه عدت هطلع اجيبك بنفسي....ما تبصيش من الشباك انا تحت فعلا...ادخلي جوا ايه الي انتي لبساه  ده
٠٠٠علي الجهه الاخري اغلقت النافذه وتراجعت ثم اتجهت للحمام و بدلت ملابسها  الي سلوبيت چينز اسفله كنزه باللون النبيتي و حذاء ذو كعب عالي شفاف اللون و جمعت شعرها بشكل ذيل حصان و نزلت الي اسفل ثم٠٠٠
ليث : تلت دقايق كمان و كنت هطلعلك
لليان : ليث الساعه 7 عايز مني ايه
ليث : ابدا قولت اعطف عليكي و نفطر مع بعض و اوصلك الشغل
لليان : انت عبيط حضرتك
ليث : اخرسي يا شبر و نص و بعدين يا حبيبتي عيب عيب لما تكلمي زوجك قره عينك بالطريقه دي
لليان : حبك برص
ليث : نبقي نتكلم في الموضوع ده بعدين.....نفطر
لليان بابتسامه : نفطر.......
٠٠٠٠في ( Shazly Technology Group ) ب مكتب انس يجلس و امامه سيدرا يراجعون بعض الاعمال ثم٠٠٠٠
سيدرا : كده انتوا محتاجين تدعموا المشروع بالاجهزه فا هتجهز لينا عرض الأسعار و Team كبير يشتغل في تجهيز الفندق طبعا تحت ادارتنا و كمان هنحتاج انك تجيب طقم مهندسين يعاين المكان
انس بسخريه : و اجيب امي و نيجي نمسحلك البيت اتنين و خميس....سؤال بس الثقه دي منين؟؟
٠٠اجابت و هي تضع قدم فوق الاخري٠٠
سيدرا : والله دي طريقه شغلي و زي ما انتو بتعملوا احنا هنعمل و لينا دورنا
انس : يا رب بس وشي ما يكونش مدايق جزمه حضرتك
سيدرا : ده الي عندي شاري اشطا مش شاري في غيرك يشتري يا عمنا
انس : اشطا و عمنا !!! لا يا حج طُلبه احنا تحت امرك
سيدرا : طب يلا
انس : يلا ايه؟؟
سيدرا : يلا نتغدي...غديني...ولا مش ناوي...انا جعانه
انس : جعانه قدامي ياختي قدامي...ربنا علي الظالم.

٠٠٠في فيلا هارون داخل غرفه يامن تجلس نور و يامن خلف النافذه يراقبون مدخل الفيلا ثم٠٠٠
نور : يامن ثائر نزل
يامن : طب يلا
٠٠٠اتجهوا الي غرفه ثائر و بدئوا بي تفتيشها و تصوير اي ورقه يجدونها ثم٠٠٠
نور : بصيت تحت السرير
يامن: بصيت....بصيتي انتي هنا؟؟
نور :فين!!
يامن: هنا؟؟
٠٠قاطعهم صوت بوق سياره ثائر الذي صدح بالأسفل ثم٠٠
نور بفزع : ايه ده
يامن: لا يا قلبي ده صوت عربيه ثائر بس
نور :طب و بعدين
يامن :تعالي بسرعه
٠٠اختبئوا بأحدي خزائن الغرفه و اغلقوا بابها و علي الجهه الاخري دلف ثائر ثم.......
______
رايكم و توقعاتكم🤔

وبس✨....كونوا بخير☘️❤️.....واللي اللقاء🍀❤️

Rina❣️