"أميرة المجهول"

PART 14

"البارت الرابع عشر"

٠٠٠بعد ما يقارب الثلاث ساعات من الزمن امام فيلا الشاذلي تتوقف سياره كل من فهد و يامن انام بابا الفيلا لينزل منها كل من ليث و فهد و خلفهم يامن و نور يتجهون الي غرفه المعيشه حيث يجلس الجميع ثم٠٠٠

يوسف : اتاخرتوا كده ليه؟؟ و ايه الي حصل معاكوا و ورق ايه الي بيتكلموا عليه
ردت نور بهدوء: براحه يا بابا و انا هقولك كل حاجه
٠٠٠ بدائت تقص كل ما حدث بينها و بين ثائر مع مراعاه عدم تحدثها عن رحاب باي شئ٠٠٠
يوسف : خلاص يا نور خلينا نروح و نكمل كلامنا في البيت
٠٠انتفض يامن و قال بتسرع٠٠
يامن : نور تروح مينفعش طبعا
مروان باستغراب : و ده ليه
رينا بهمس لغيث : عشان عايز يشقطها....هو مش باين
غيث بهمس مماثل : اتخرسي الله يفضحك
يامن : عشان ببساطه ثائر عايز نور عشان معاها الورق خلوها هنا
يوسف : طيب هنمشي احنا و نتكلم تاني بعدين
صلاح متدخلاً : مينفعش طبعا يا جماعه انتوا هتباتوا هنا النهارده و بكره تبقوا تروحوا خصوصاً انتوا معاكوا بنات مينفعش تمشوا دلوقتي
٠٠٠صعد كل شخص الي غرفته و داخل غرفه نور تجلس في الشرفه تنظر الي القمر بشرود يقطاعها دلوف يامن من الباب ثم٠٠٠
يامن : ايه الي مسهرك بعد الساعه 12 يا سندريلا
نور : بطل سخافه شويه...بس شويه منغير خفه دمك دي...يعني  اظن ان اسمي نور و اتعرف
٠٠٠ اقترب يامن منها بخطوات ثابته حتي التصقت نور بسور الشرفه و هي تتراجع باستغراب من هذا الاقتراب الغريب المهلك ثم ٠٠٠
يامن : اياً كان هتفضلي بنسبالي سندريلا....تصبحي علي خير يا اميرتي
نور بتوتر : مالك يا معلم !!!
٠٠٠رما لها نظره اشمئزاز ثم انصرف  بهدوء كما دخل تارك خلفه نور تنظر في اثره باستغراب و تفكير٠٠٠
نور بشرود : هو...هو مالو؟؟....يكونش ب !! ....لا لا لا مستحيل....ايه الهبل ده يا نور ركزي في انتقامك......بس الواد موز برضوا...موز باللوز....كتوا القرف في حالوتوا
٠٠٠ في اليوم التالي خرج انس من غرفته في نفس الوقت الذي خرجت فيه سيدرا من الغرفه التي امامه ثم ٠٠٠
انس بابتسامه : صباح الخير
سيدرا: صباح النور
...ظهرت لليان من احدي الممرات....
لليان : انس يلا عشان الفطار عشان تلحق توصلنا عشان الكونتيسا ليان عربيتها عطلانه و علي رجلها نقش الحنه مش عايزه تصلحها
انس بقرف : يا ساتر يارب.....الناس تصحي تقول تقول صباح الخير...انتي باكبورت اتفتح في وشي
لليان : يا عم صباح العسل...انجز عشان نتكل
انس : تمام تمام....تحبي اوصلك يا سوو
سيدرا بذهول : سوو ! لا انتوا عيله مش طبيعيه....يا اما بتاخدوا علي الناس بسرعه..
انس : بناخد علي الناس بسرعه عشان قولتلك يا سوو....باشا احنا لسه عارفنكوا امبارح و بايتين عندنا
سيدرا : تصدق وجهه نظر

٠٠٠في الحديقه و حول طاوله الافطار التي يجلس عليها المعظم تحدثت رينا ثم٠٠٠
رينا : هو فين الفطار
مروان : هو احنا مش هناكل ولا ايه انا جعان
غيث : انت تقوم تمشي و تاخد البت دي في ايدك
شيرين : اه و الله لايقين علي بعض
مروان بابتسامه : تصدق فكره....

٠٠٠علي الجانب الاخر دلف ليث من باب الحديقه ليجد لليان تجلس علي مقعده الذي اعتاد ان يجلس عليه تقدم منها ثم ٠٠٠
ليث : انتي ايه الي مقعدك هنا
لليان : افندم
ليث : ده مكاني
لليان : ما شوفتش اسمك عليه
ليث : انا لما باجي بحب اقعد علي الكرسي ده
٠٠٠ تدخلت ليان في الحديث ثم٠٠٠
ليان : لمي الدور يا لليان الكراسي كتير
لليان : مش قايمه خلي يقعد هو الكراسي كتير انتي قولتيها
ليث: بص بتعمل ازاي فهد اتصرف قومها
فهد : معلش يا لليان خليكي انتي الكبيره
لليان : انا مش كبيره لو هو عيل انا اعيل منوا
ليث : طب بالعند هقعد جمبك علي نفس الكرسي
ليان : يا جدعان شغل تالته ابتدائس ده
فهد : عوض عليا يارب عوض الصابرين
٠٠٠ بينما جلس ليث بجانبها و ظلوا يتدافعون لمده قصيره حتي سقطت لليان....
ليث بضحك : انا الي كسبت
.... تأفأفت لليان بضيق ثم ذهبت لتجلس علي الكرسي المقابل٠٠٠

٠٠٠في الاعلي تقف السيده امينه امام باب غرفه نور و تطرق الباب في هدف ايقاظها ولاكن لا رد خرج يامن من غرفته و توجه الي امينه ثم٠٠٠
يامن : في حاجه يا داده
امينه : بحاول اصحي نور بس شكلها مش عايزه تقوم
يامن : خلاص روحي انتي  و انا هتصرف
امينه :براحتك يا ابني
٠٠٠ذهبت امينه بينما يامن طرق علي الباب بهدوء فلم يجد رد دلف الي الداخل بحذر و توجه ناحيه الفراش الذي تغط عليه نور في ثبات عميق امسك كوب الماء من علي الطاوله و سكبه بالكامل علي و جهها....
نور بفزع : ينهار اسود الحقوني بغرق....
...استفاقت لتنظر الي ذالك الذي ارتمي علي الفراش يمسك بمعدته و يضحك بصخب.....
نور بغضب : ايه التخلف ده في حد يصحي بني ادم كده
يامن ببرود : انا
نور : انت ازاي تدخل اوضتي اصلا
يامن بنفس البرود : مزاجي.....بس ايه الحلاوه دي علي الصبح جيباها منين
نور باستخفاف : اقولك منين و متزعلش
٠٠٠بدأ يقترب منها بخطوات ثابته و انحني امام و جهاها بينما الاخري التصقت بظهر الفراش ثم٠٠٠
نور بتعثلم : في..هو...في ايه ؟؟
يامن بهمس و هو يبتعد : الفطار جاهز جلاله الاميرة
تنفست نور براحه و هي تقول : هنزل وراك علي طول....

٠٠٠بعد ربع ساعه كان الجميع قد انتهوا من تناول الافطار ثم٠٠٠

يوسف بشكر : انا فعلا حابب اشكرك يا استاذ صلاح علي الي عملتوا مع نور الفتره الي فاتت
صلاح بعتاب : ايه الي انت بتقولوا ده نور في الفتره الي قعدت فيها معاناه بقت بنتي واكتر
يوسف : متشكر جدا احنا لازم نمشي ...نور جهزتي شنطتك
يامن بهدوء ظاهري : تجهزها ليه انا قلت امبارح ان نور هتقعد معانا
فهد : ايوه يا يامن بس نور لازم ترجع البيت عشان نعرف معاد الصفقه بالظبط
فريده : طب ما تروح انت تقعد معاهم يا يامن كا حمايه يعني
مروان : هو مفيش حد يحميها في البيت يعني 
فريده : مش ده قصدي بس ده شغلوا
يامن :انا هحضر شنطتي و انزل...........
_______
تفتكروا ايه الي هيحصل بعد كده🤔

رايكم و توقعاتكم 🍂💙

وبس✨....كونوا بخير☘️❤️.....واللي اللقاء🍀❤️

Rina❣️