"أميرة المجهول"

PART 20

''البارت العشرون "

٠٠٠في خزانه الملابس الصغيره في غرفه ثائر يقف يامن بجانبه نور و في الخارج دلف ثائر ثم٠٠٠
نور بهمس : يامن ابعد شويه عيب كده
يامن بهمس : المكان صغير اعملك ايه؟؟
نور بهمس اعلي : مليش دعوه ابعد شويه انت قريب اوي
يامن بهمس : شششش...اسكتي ها تفضحينا!!!
٠٠في الغرفه يتحدث ثائر بالهاتف وهو يبحث عن شئ ثم٠٠
ثائر: طبعا لا مش ها سيب ملفات هنا تاني
---:..........
ثائر : كل الورق المهم هاخدوا دلوقتي و اوديه للفيلا التانيه انا نسيت كام حاجه هاجبها و اجي
__:..........
ثائر : مش عايز اسئله كتير نص ساعه و هكون هناك الاقي كل الرجاله موجوده
__:..........
ثائر : ايوه الكل ها نكثف الحراسه للفيلا
٠٠٠اغلق الهاتف و اغلق حقيبته و استدار لكن لفت نظره الخزانه الشبه مفتوحه تقدم منها ثم....

٠٠٠في احدي مطاعم منطقه التجمع يجلس كل من ليث و لليان يتناولون الافطار بصمت ثم٠٠٠
لليان : هااا بقا ادينا فطرنا ممكن افهم في ايه
ليث : الاول ها تخلصي شغل امتي
لليان : ممكن...2:30 ممكن...3:00 علي حسب بقي مش عارفه
ليث : طيب لما تخلصي تتصلي بيا ها اعدي عليكي
لليان : ليه؟؟؟
ليث : قولي حاضر يا  روحي
لليان : طلعت روحك...مالك يلا مش مظبوط من الصبح
ليث بحده : قولي حاضر يا شبر و نص
لليان بخوف : حاضر يا لولو انت قفشت ليه بس
ليث : دلوقتي بقيت لولو
لليان : بس بجد في ايه
ليث : ايه مهتم
لليان : ايوه ليه!!
ليث بابتسامه : مُعجب.......
٠٠في احدي مطاعم مصر الجديده يجلس كل من انس و سيدرا يتناولون افطارهم ثم٠٠
سيدرا : انس....انس ...انس...انس
انس : ايييه!!!
سيدرا : ها تكمل طبقك
انس بزهول : نعم
سيدرا : ها تاكل
انس : ايه السؤال ده اشمعنا
سيدرا : اكلي ما طلعش حلو
انس : طيب اطلبلك غيروا
سيدرا : لا انا عايزه اكل الطبق ده
انس: اجبلك زيوا
سيدرا : لا هات لي نفسك زيوا و اديني ده
انس : سيدرا انتي سخنه اكيد
سيدرا : ليه؟؟....عايزه اكل
انس : مالك يا بت ما كونتيش كده اول مره شوفتك
٠٠سحبت الصحن من امامه ثم٠٠
سيدرا : ما كنتش اعرفكم دلوقتي اخدت عليك يا سوسو
انس : سوسو!!! عارفه لو سمعت سوسو دي تاني
سيدرا : ها تعمل ايه يعني؟؟
انس : ها ساوي وشك بالارض
سيدرا : ما تقدرش
انس : نعم!!! ليه؟؟
سيدرا بابتسامه : مش ها هون عليك........

٠٠فيلا هارون داخل غرفه ثائر لفت نظره هذه الخزانه الشبه مفتوحه تقدم منها ببطء بينما بالداخل كمم يامن فم نور حتي لا يصدر منها صوت و في الخارج نظر ثائر للخزانه للحظات ثم اغلقها باحكام و خرج من باب الغرفه و اغلق خلفه بالمفتاح بينما في الداخل تنفست نور الصعداء ثم٠٠
نور بهمس : هو كده مشي
يامن : اه
نور : و ايه الصوت ده
يامن : حظنا الاسود قفل الباب
نور بفزع : بالمفتاح
يامن بسخريه : امال بالجبنه
نور : يعني احنا كده لوحدنا في الاوضه
يامن : يا شيخ اتنيلي احنا لوحدنا في الدولاب....تعالي انزلي
نور : نزلني...طب...طب ها نخرج ازاي
يامن : هو انا في دماغي حاجه بس لازم تبقي..
نور : ابقي ايه
٠٠التفتت لها يامن بعد ان فتح باب الشرفه و نظر بعينيها ثم٠٠
يامن بابتسامه: واثقه فيا؟؟
نور : اكيد...اكتر من اي حد تاني
يامن : طيب انا ها نط من هنا و انتي ها تنطي ورايا وانا ها امسكك
نور بزهول : احلف!!!
يامن بمرح : وربنا
نور : بجد؟!!
يامن : و حياتك عندي....يلا
نور : يلا فين...استني يا عم
يامن : يلا يا جلاله الاميرة بقا مافيش وقت
نور : هو...بس انت ها تعرف تمسكني
يامن : ثقي فيا بقا
٠٠صعد يامن علي سور الشرفه و قفز برشاقه ثم نظر الي نور التي تصعد بتردد و اغمضت عينيها بخوف و هي تقفز....التقطها يامن و هو يندفع الي الخلف و سقط الاثنان علي الارض....علي الجهه الاخري دلف مروان ثم٠٠
مروان : يا حلاوه يولاد... مش شايفين ان الموضوع زاد...ادخل الائيك في اوضتها النهارده مش عارف تفسير للمنظر الغريب ده...ايه الي بيحصل هنا
يامن : اخرس ياض بقا....انتي كويسه
نور بألم : رجلي...
يامن بقلق : و جعاكي..طب استني..تعالي
٠٠٠حملها يامن بينما وقف مروان يحدق في اثره بزهول ثم٠٠٠
مروان : كابتن....طب انا منظري ايه طب....هاتها ها اشيلها انا
٠٠وضعها يامن علي احد الارائك الموجوده بالحديقه ثم٠٠
يامن : لا
مروان : نعم...لا ليه
يامن باستخفاف : بغير
مروان بزهول : مالك
يامن : الي سمعته....وريني رجلك
مروان : لا وريني انت عرض كتافك
يامن بملل : يا عم عايز ايه
مروان : لا ما انا افهم بقي......دخلت عليا سمعتني بقول شكلي بحب اختك ادتني نمره ابوك....انت دلوقتي جاي بكل بجاحه تقول بغير....ابعت اجيب مأذون و استر عليكم...ما تتلم يلا بقا
يامن : و الله نفسي بس نخلص من العك الي احنا فيه ده
نور بصدمه : انتو...انتوا بتقولوا ايه
٠٠مال يامن علي نور ثم٠٠
يامن بابتسامه و هدوء : بنقول بحبك و عايز اتجوزك بعد ما العك ده يخلص ايه رايك
نور بتوتر : انا...ابعد بس كده....انا هدخل جوا
٠٠اتجهت الي الداخل و يامن ينظر لها بابتسامه و مروان يتابعهم بسخريه ثم٠٠
مروان بسخريه : بوسها من بوقها.....لا مش بهزر كنت بوسها بجد.....بما انك مش عامل لاهل امي اعتبار
يامن بملل : يا شيخ  فصلتني غور بقا....
٠٠في الداخل دلفت نور و علي وجهها ابتسامه واسع سرعان ما اختفت و هي تسحب الي الخلف لداخل المطبخ...لتجد رحاب تحاصرها بأحد حوائط المطبخ وهي تمسك بسكين وتتحدث بهستريا ثم٠٠
رحاب : ضيعتي مني كل حاجه....ها تاخدي مني كل حاجه يا بنت هيڤين....عايزه تعملي نفسك ست بيت بعد ما كنتي خدامه
نور ببرود : جرا ايه يا انطي...انا رأي ما تتهوريش احسن...هو اونكل ثائر مألكيش ان معايا ورق يوديكوا في داهيه ولا ايه
رحاب بغضب : انتي ها تستعبطي عليا يا بت انا عمري ما مضيت علي ورق
نور بسخريه : فعلا...امال ايه دول
٠٠اشارت بعينيها الي الهاتف الذي يحمل صور اولي الصفقات الخاصه بي رحاب٠٠
رحاب و هي تنزل السكين : صدقيني مش ها ارحمك
نور : وانا مستنيه...و ها احاسبك علي كل كلمه
٠٠تركتها و صعدت الي الأعلي بشموخ والاخري جلست علي الارض بانهيار.........٠٠
٠٠داخل ( Shazly engineering group ) يجلس كل من غيث مرتدي بدله من اللون الكحلي و باسفلها قميص ابيض و حذاء رياضي ابيض امامه شيرين مرتديه بنطال ثلجي من خامه الچينز و كنزه سوداء چل فوقها چاكيت خفيف ابيض اللون و حذاء اسود مفتوح ذو كعب عالي...يقومون بصناعه تصاميم ثم٠٠
شيرين : غيث...بص شوف ده كده

٠٠نظر غيث الي التصميم و هو يبتسم بخبث و مزقه ثم٠٠
غيث ببرود : مش حلو
شيرين : طب قطعتوا ليه حرام تعبت في
غيث : مش حلو غيروا
٠٠بعد نصف ساعه٠٠
شيرين : طب شوف ده
غيث ببرود : مش مظبوط في حجات كتير مش مظبوطه...لا مش حلو
٠٠و من ثم مزقه٠٠
شيرين : ...حرام يا غيث ده كان حلو
غيث : لا...غيروا
٠٠مرت ايضا نصف ساعه ثم٠٠
شيرين : و ده
غيث بدون اهتمام : زي الي قبلهم
شيرين بغضب : ده انت بارد يا اخي
غيث بحده مصطنعه : احترمي نفسك بدل ما اقص لسانك ده....يلا كملي
٠٠مرت ساعه و ربع ثم٠٠
شيرين بتعب : غيث...شوف ده
غيث بانتباه : مظبوط...و الوانوا حلوه....كا تصميم و نظام حلو....هو ده
شيرين بتعب : اخيرا
غيث بابتسامه : طب تعالي نتعشي و نجدد طاقتك دي......
٠٠بغرفه نور جلست اعلي فراشها بعد ان بدلت ملابسها الي بيچامه قطنيه من اللون الازرق المتماشي مع لون عينيها و نظرت في الارض يشرود فا قاطعها دق علي باب الغرفه ثم٠٠
نور : ادخل
٠٠دلف يوسف٠٠
يوسف : صاحيه يا حبيبتي
نور : ايوه يا بابي في حاجه
يوسف : بصراحه في...ادخلي شويه عشان اقعد كده
نور : اتفضل
يوسف : نور انا مش عايزك تزعلي مني علي الي حصل صدقيني مكنش بي ايدي
نور : مش زعلانه يا بابا انت كنت بتنفز وصيه ماما الله يرحمها....بس ما اخترتش صح للاسف...و كمان حطيت الشغل هدف اول في حياتك...بس متقلقش كل ده ها يتصلح و هاخد حقي و حقك....
٠٠ضمها يوسف اليه بقوه ثم٠٠
يوسف : انا هنام جمبك النهارده....ينفع
نور بابتسامه : ماشي........
_____

رايكم و توقعاتكم🤔🧐

وبس✨....كونوا بخير☘️❤️.....واللي اللقاء🍀❤️

Rina❣️