"أميرة المجهول"

PART 21

"البارت الواحد و العشرون"

٠٠٠في الصباح في فيلا هارون دلف مروان غرفه نور
لي ييقظ نور و يوسف من غرفتها ثم٠٠٠
مروان : نور...بابا...نور...بابا...نووور
نور بنوم : ايييية
مروان : يلا صحي النوم....يلا يا بابا اليوم النهارده مهم
يوسف : خير
مروان : ها اخطب
نور : مالك؟؟
مروان : صباح الخير يا نانو النهارده هنروح عشان اخطب رينا
نور : و ده الي خلي اليوم مهم
مروان : ايوه
يوسف : خش نام يا اهبل
٠٠عاد يوسف للنوم بينما مال مروان يهمس لي نور٠٠
مروان : بت انتي صحي ابوكي و الا هقولوا علي يامن الي كل ما ادخل الاقي في اوضتك ده
نور : ايه ده انت ها تهددني ولا ايه
مروان : ايوه
نور : طب اخبط راسك في الحيط بابي عارف كل حاجه انا مش بعمل حاجه غلط
مروان : بقت كده
نور : ايوه و خد الباب في ايدك......
٠٠بعد ساعه استيقظت نور و ذهبت للحمام و ابدلت ملابسها الي بنطال ابيض و كنزه رماديه و حذاء ذو كعب عالي رمادي اللون و رفعت شعرها بشكل كعكه٠٠
٠٠خرجت و توجهت الي غرفه يامن لتجده مستيقظ و يتابع صور الاوراق التي اخذها بالأمس دلفت اليه ثم٠٠
نور : صباح الخير
يامن : يا صباح الجمال...الأميرة سندريلا عندي في الاوضه
نور : تاني مش كنا خلصنا من سندريلا دي
يامن : لا مخلصناش...كنتي عايزه حاجه يا جلاله الاميره
نور : ايوه ...المفروض ان مروان رايح النهارده يخطب رينا
يامن : مظبوط
نور : طب ايه
يامن : ايه؟؟
نور : ما هو السلعوه الي اسمها رحاب عرفاك و لو جت معانا مظنش ان الوضع ها يعدي علي خير
يامن : طيب
نور : طيب ايه
يامن : طيب ما تحليها يا سندريلا
نور : ازاي
يامن : ولما انا اقولك ازاي انتي الي ها تبقي حالتيها....يلا انا ماشي...سلام يا جلاله الاميرة
نور بشرود : سلام جلاله السلطان.......
٠٠٠في أحدي  شوارع منطقة مدينة نصر  و في سياره ليان تقود بتوتر و هي تحاول تجربه المكابح التي لا تعمل لي تري مجموعه من الشرطين في مواجهتها في كمين لتحاول تشغيل المكابح ولكن لا فائده حتي ضغطت بقوه و توقفت السياره قبل ان تخترق الكمين لي يحدثها أحدي  العساكر بحده٠٠٠
العسكري : ايه الي انتي عملتيه ده انتي شاربه حاجه
ليان : لو سمحت ما اسمحلكش....هي الفرامل مكانتش شغاله
العسكري : رخصك يا انسه مش ها نحكي
ليان : اتفضل الرخص اهيه
العسكري : انزليلي بقا و اقفيلي هنا لحد ما اشوف حضره الظابط ها يقول ايه
٠٠اتجه العسكري الي الظابط المسؤل عن الكمين و رفيقه الذي يقف معه ثم٠٠
العسكري : معتز باشا البت دي كانت ها تكسر اللجنه دلوقتي..و دي الرخص بتاعتها
معتز : اسحب الرخص يا محمد و تدفع الغرامه و تتكل
٠٠تحدث رفيق معتز والذي لم يكن الا فهد بعد ان رأي الرخصه الخاصه بي ليان٠٠
فهد : خلاص يا معتز الموضوع عندي
معتز :ما ينفعش يا فهد انت عارف
فهد و هو يسحب الرخصه : ما انا عارف اه...بس مرات اخوك اعمل معاها واجب
معتز : ماشي يا باشا عشان خاطرك بس...تمشي ودي
فهد : تسلم يا معتز.....
٠٠اتجه فهد الي ليان التي تقف بتوتر في انتظار العسكري ثم٠٠
فهد : مش تاخدي بالك و انتي سايقه
ليان بانتباه : فهد!!
فهد : هو انا مش قولت لو حصل اي حاجه كلميني
ليان : ما انا كنت مستنيه العسكري و كنت ها اكلمك فعلا
فهد : وانا حسيت بيكي و جيت
ليان : طب و الرخص طيب
فهد : ده الي لافت نظرك...الجمله الي فاتت ما قصرتش فيكي
ليان : بصراحه ما ركزتش
فهد : ما علينا امسكي الرخص....انتي ازاي تكسري اللجنه صحيح
ليان : و الله الفرامل مش شغاله بجد
فهد : يا ليان قولتلك بيعيها....علي العموم هبعتلك حد ياخدها للصيانه
ليان :وانا اروح الشركه ازاي
فهد : ما انا ها اوصلك يا ليان يلا....
٠٠٠داخل (Shazly engineering group )
في مكتب غيث يجلس و امامه شيرين ليدلف انس و خلفه سيدرا ثم٠٠٠
غيث : اتاخرت ليه يا انس
انس : اكلت بنتي و جيت
غيث باستغراب : بنتك مين يلا
انس : سيدرا هانم اصلي خلفتها و نسيتها
٠٠همست شيرين لي سيدرا٠٠
شيرين : انتي عملتي ايه يابت
سيدرا ببرائه : انا....ده انا نسمه
شيرين بسخريه : اه ما انا عارفه
٠٠وجه انس حديثه لي شيرين يصافحها٠٠٠
انس : اهلا مرات اخويا ازيك
شيرين بابتسامه : تمام انت عامل ايه
سيدرا بهمس : هو بيقولك مرات اخويا ليه
شيرين بعدم اهتمام : بعمل نفسي ما سمعتهوش
غيث : طيب خلونا نتحرك عشان عندنا معاد علي الغدا مع الشركه الي ها تبعت الخامات
سيدرا : ياااا....هناكل انا جعت
انس بصدمه : تاني!!!!......
٠٠اتجهوا الي المطعم الذي يبعد مسافه ربع ساعه عن مقر الشركه دلفوا الي الداخل لتتسع عين شيرين بزهول من تلك السيده ذات الشعر الاسود الطويل الذي يصل الي منتصف قدمها ترتدي فستان مخطط باللون الابيض و الاسود يصل الي ما قبل ركبتها بقليل٠٠
٠٠٠اتجهت تلك السيده الي غيث تصافحه و هي تحتضنه ثم اتجهت الي انس و كررت نفس الشئ٠٠٠
غيث : اعرفكم....شيرين مهندسه معايا في ال Team....سيدرا عضو رئيس مجلس اداره شركه هارون....و دي نادين الطوبجي مندوب الشركه الي ها تبعت لينا الخامات
شيرين مقاطعه : يمكن تبعت و يمكن نلغي التعاقد معاهم و نشوف شركه تانيه
سيدرا : انا بقول نشوف شركه تانيه
شيرين : صح كده
نادين : لا ليه يا جماعه دي حتي مش اول مره اتعامل مع الشباب و علي طول مرتاحين مع بعض
سيدرا : مالك؟؟
انس : مالهاش...انا بقول نتغدي
٠٠تقدم الجارسون ليأخذ طلباتهم ثم ٠٠
غيث : ها تطلبي ايه يا نادين
شيرين بزهول : يا راجل!
نادين : انت عارف انا بطلب ايه يا غيث
شيرين : احلفي !!
٠٠اتجهه الجارسون الي سيدرا ثم٠٠
سيدرا : انا هاخد chicken spicy mcmuffin
انس بزهول : ده دوي اسهال ده
سيدرا : بطل قرف ده ها جربوا لسه جديد
انس : لو طلع وحش انا ماليش فيه
٠٠ذهب الجارسون بينما تحدثت نادين٠٠
نادين : بس و الله و حشتوني يا شباب
غيث : و انتي كمان يا نادو....اه فيه ايه؟؟
٠٠نظر باستغراب والم الي شيرين التي نكزته بذراعه٠٠
غيث بهمس : اييه؟
شيرين بهمس : اتلم يا بتاع نادو
انس : بس انتي الي اختافيتي فجأه يا نادين
٠٠نادين و هي تبتسم و تمسك بيده٠٠
نادين : اصل انت عارف كنت في امريكا و كده ما عرفتش اشوفكوا بس خلاص رجعت
٠٠تدخلت سيدرا و هي تزيح يد نادين ٠٠
سيدرا : الأكل و جه و محتاج ايديه عشان ياكل.... ولا ايه؟؟
٠٠انهت جملتها و هي تنظر الي انس نظره ناريه جعلته يتعثلم في الحديث٠٠
انس : اكيد...معاكي حق
٠٠في هذا الوقت جاء الطعام فبدائوا بتناوله و هم يتناقشون في اسعار الخامات ثم٠٠
نادين : انت عارف يا غيث ان لو كان في اقل من السعر ده كنت ادتهولك...انت عارف انك غالي عندي
غيث : ايوه يا نادو بس ده كتير
انس : بالظبط عشان خاطرنا
سيدرا بهمس : ما تسكت انت
شيرين : انا شايفه ان ما حصلش نصيب و نشوف شركه تانيه
نادين : لا مهو غيث ما يقدرش يتعامل مع غيري اتعودنا علي التعامل مع بعض ولا ايه يا يويو
شيرين بسخريه : اممم وايه كمان يا يويو
غيث : انا بقول نحاول نخفض السعر
انس : طب نكمل اكل و نتكلم بعدين
نادين : عين العقل يا انس طول عمرك هادي
انس في نفسه: يادي النيله ما تركزيش معايا ونبي
سيدرا : انس...انس...انس
انس : يا نعم
سيدرا : هات طبقك
انس : انتي مش طلبتي برشام حموضه تاكليه
سيدرا : مهو طلع وحش اوي
انس : طيب امسكي بس ماليش في انا مادقتهوش
سيدرا : ايوه انا مالي
انس بزهول : انتي مالك...هاكل معاكي يا سيدرا اطفحي
٠٠وضح صحنه بالمنتصف وبدأ يأكل منه بينما نظرت له باستغراب ثم بدأت بتناول الطعام بجانبه٠٠
٠٠٠انهو الطعام بسلام و اتفقوا علي السعر المناسب و في النهايه قبل ان يذهبوا٠٠٠
نادين : ها يا انس انا لسه راجعه من برا مصر فا لازم تخرجوني
سيدرا بابتسامه صفراء : ليه هو متعود يخرجك
نادين : الصراحه لا.....ده غيث
غيث في نفسه: نهاري اسود
شيرين : والله بيخرجك فين بقا الاستاذ
غيث بتوتر : با اوديها اماكن عامه...هه...عامه تتمشي و احنا بنتفق
شيرين : علي العموم احنا النهارده مش فاضيين
سيدرا : الله ينور عليكي احنا مش فاضيين
نادين : لا ما انتوا لو عايزين تمشوا امشوا
٠٠نكزت شيرين غيث في ذراعه٠٠
شيرين : نمشي...ولا ايه
غيث بألم : لا ما احنا ها نمشي كلنا
نادين : ليه يا غيث بس
انس : ما هو النهارده خطوبه رينا اختي
نادين : ايه ده و ما تعزمونيش
شيرين : اصلها حاجه علي الديق
نادين : ايه ده و انتوا رايحين
٠٠ابتسم غيث بخبث٠٠
غيث : اصل شيرين خطبتي
نادين بزهول : ايه ده بجد ما كنتش اعرف...مبروك
شيرين : الله يبارك فيكي بس احنا لازم نمشي....قدامي
٠٠ختمت جملتها بنظره ناريه ناحيه غيث٠٠
سيدرا : استاذ انس ناوي تبات هنا
انس : لا ماشي وراكي علي طول
سيدرا : مش و رايا قدامي
انس : تحت امرك يا حج طُلبه......
٠٠في فيلا هارون و في غرفه نور و في الشرفه تقف و تفكر في طريقه لحل مشكله رحاب اخرجت هاتفها لتجد رساله مبعوثه من يامن مضمونها احدي صور مقالات الصحف عن رحاب و رساله اخري مكتوب بها٠٠
((ركزي يا جلاله الاميره دي مساعده مني عشان تعرفي اني بعزك)
                                                  جلاله السلطان....
٠٠ابتسمت و هي تفكر بمضمون الرساله ثم بدأت بالعبث بهاتفها و تقوم بأجراء اتصال٠٠
نور : الو...داليا ايه اخبارك
داليا : انا تمام يانور...خير كنتي عايزه حاجه
نور : اة...انا كنت عايزه كل الصاحفين المتدربين عندك في الجريده ياخدوا فرصتهم ويجوا يعملوا لقاء صحفي مع رحاب
داليا : نور انتي بتهزري...كلهم
نور : كلهم و في خلال ساعه يكونوا بي يحاوطوا الفله
٠٠اغلقت الهاتف ثم قامت باتصال اخر٠٠
نور : اونكل عبدالله ازي حضرتك
عبدالله : الحمد لله يا نور انتي عامله ايه و بابا
نور : كويسين يا اونكل الحمدلله....انا بس عايزه من حضرتك خدمه
عبد الله : خير يا نور أئمري
نور : انا بس كنت عايزه بعد نص ساعه حضرتك تكون عندنا بصفتك محامي العيله... و عايزه ورق تنازل عن جميع الممتلكات الخاصه بي رحاب البحيري
عبدالله : تمام يا نور ربع ساعه و الورق يجهز و اكون عندك
نور : في انتظارك.....
٠٠في سياره غيث يجلس بجانبه انس و في الخلف سيدرا و شيرين ثم٠٠
سيدرا بزهول : شيري هي دي ربانزل
شيرين :دي دي ما حصلتش الحصان الكان في الفيلم معاها
انس : سيبك منها دي عايشه في ديزني لاند
شيرين : عندك حق....قولي يا يويو خرجتها فين
غيث : و حياتك هي مره و ما تكررتش تاني
سيدرا بهمس : هو كان عايز يكررها ولا ايه...سيطري يا شيري
شيرين : نعم...استني انتي....و ليه تخرجها مره
غيث بخبث : ما خلاص يا خطيبتي عديها
شيرين : كتك خبطه في دماغك...ايه خطيبتك دي كمان
غيث : امال ما سمعتش صوتك هناك ليه
سيدرا : اه صحيح ما سمعناش صوتك هناك ليه
انس :ما تبطلي تولعيها
سيدرا : خليك في حالك لسه دورك جي يا سونه
انس : انا مالي هو انا الي خرجتها
سيدرا :حسابك جي اصبر....ما تقولي يا شيري اتخرستي ليه
شيرين : ما اتخرستش يا ولاعه بس بس ما حبتش احرجوا  قدامها
سيدرا : لا البت مؤدبه
غيث : ايوه يا بنتي دي ردت المباركه كمان...مش عايزه تحرجني
شيرين : والله لو ما سكت ها اجي اعضك
غيث : تعالي
انس : ايه ده!!
سيدرا : سيبك منهم و تعلالي بقا...ده انا ها ابتدي معاك من الاول....ازاي يا باشا تخليها تحضنك ده الي هو اسمه ايه
شيرين : يخرب بيتك ده انا نسيت...تعالي هنا ازاي انت كمان تخليها تحضنك
غيث : ربنا ياخدك يا سيدرا
سيدرا : هو انا الي حضنت...لا و جت عندنا ما مدتش ايديها...الحجه مش بتسلم علي رجاله ولا ايه
انس : خايفه تنقض الوضوء
سيدرا : ليك عين تهزر.....ثانياً مسكت ايدك...ازاي تسمح انها تمسك ايدك و كمان تحضنك
انس : سؤال انا حضنتها
سيدرا : لا
انس : انا الي مسكت ايديها
سيدرا : لا
انس : يبقي انا مالي
سيدرا بتفكير : صح
غيث بهمس : جدع يلا
شيرين : صح في عينك ده مامنعهاش
سيدرا بوعي : عندك حق...انت عايز تسكتني
انس : انا قلت كده
سيدرا : لا
انس : يبقي انا مالي
سيدرا : عندوا وجهه نظر
شيرين : ها اولع فيكي...فوقي يا بت ده بي ينيمك
سيدرا : صح عندك حق
غيث : انس البت دي ضايعه
انس : تلقيها هنجت عشان ما اكلتش كويس
سيدرا : تصدق انا جعانه
شيرين : ما تقلقيش هناكل عندهم في البيت
غيث : تاكلوا فين يا عنيا
شيرين : عندكوا في البيت
سيدرا : صح يا شيري احنا ها نروح مع مروان
انس : نهار ازرق انا نسيت الموضوع ده
غيث : بي يتهياقلي اننا المفروض نكون في البيت
انس : اظن كده
شيرين : طب وصلونا عند نور و روحوا......
٠٠داخل سياره فهد تجلس ليان بجانبه ثم٠٠
ليان : و ادي الشغل اتكنسل اصلا
فهد : احسن من عند ربنا
ليان و هي تعبث بدرج السيارة : ابتسم فانت ميت.....واو زوقك حلو في الكتب
فهد : دي النسخه الجديده
ليان : انت عارف اني قلبت الدنيا علي الكتاب ده و مش لقياه...ممكن اخدوا....بليز
فهد : لا
ليان بزهول : لا
فهد : مش قصدي يا بنتي...انا لسه جايوا النهارده و ما فتحتهوش فا مش ها اديهولك
ليان : ايوه يعني ممكن تقراه و تديهولي
فهد : لا
ليان : لا تاني
فهد : يادي النيله مش قصدي لا قصدي ممكن تقريه معايا
ليان : سوري ما فهمتش
فهد : افهمك..انتي شغلك اتكنسل وانا فاضي ها نقعد هنا علي النيل جو هادي لطيف و نقرا الكتاب سوا وقت ما تكوني فاضيه نكملوا
ليان : اوك يلا......
٠٠٠داخل سياره ليث يجلس و بجانبه لليان و هي ترفع من صوت مذياع الموسيقي ثم٠٠٠
لليان : ليث
ليث : نعم
لليان : عايزه غزل بنات
ليث : وده اجيبوا منين هنا
لليان : ما اعرفش اتصرف...و...و عايزه اروح الملاهي
ليث : هو في ايه
لليان : مش عارفه بس في جفاف و فراغ عاطفي عايزه حد يملاه فا بمشي نفسي بي اي حاجه
ليث : لا ما دام عاطفي......
٠٠٠ثم اردف بزهول٠٠٠
ليث : اي حاجه !!!
لليان : ما تحطش في دماغك يا لولو ده انت عسل
ليث : عارفه لو سمعت اللهجه دي فكلامك هلزقك في التابلوا
لليان : طب يلا نروح الملاهي...
٠٠٠في فيلا هارون تجلس نور وبي جانبها يوسف و  عبد الله المحامي٠٠
عبد الله : طب فين رحاب هانم عشان ننهي الأجرائات
نور : ها اروح اجبها حالا
٠٠صعدت الي غرفه رحاب ثم ٠٠
نور : يلا يا طنط
رحاب : يلا فين يا ست هانم
نور : يلا ننزل عشان اونكل عبدالله مستنيكي عشان تمضي عن التنازل
رحاب بعدم فهم : تنازل ايه
نور : تنازل عن ممتلكاتك يا طنط....يلا
رحاب : يلا فين انا مش هتنازل عن حاجه
نور : ما هو يا التنازل يا الحبس ايه رايك....مستنياكي تحت عشان اسمع قرارك
٠٠ بعد دقائق نزلت رحاب و هي تنظر الي نور بغضب ثم٠٠
عبد الله : رحاب هانم حضرتك دلوقتي ها تمضي علي تنازل عن كل املاكك و حسابك في البنك لي يوسف بيه... موافقه
رحاب بتردد : ...ااا....ايوه
عبد الله : تمام اتفضلي امضي هنا...
٠٠مرت دقائق و كانت كل الاجراءات منتهيه٠٠
٠٠٠ذهبت نور لتحتضن رحاب و هي تهمس٠٠٠
نور : قولتلك ها اخد كل حاجه
٠٠٠ثم ابتعدت وهي تبتسم لها باصفرار٠٠٠
٠٠مرت نصف ساعه و كان الجميع يخرج من الفيلا متجهين الي السيارات لكن استوقف رحاب عدد كبير من الصحفيين ثم٠٠
نور بهمس : سوري بقا يا طنط شكلك مش ها تعرفي تيجي
٠٠اتجهه الجميع الي السيارات بينما عادت رحاب الي المنزل تختبئ من عداسات الكاميرات المحيطه بها٠٠
_____
رايكم و توقعاتكم🤔🧐

وبس✨....كونوا بخير☘️❤️.....واللي اللقاء🍀❤️

Rina❣️