عندما يقع الفهد في الحب (الجزء التاني)

Part 2

صحي فهد بدري خد شاور وقرر يقضي اليوم كلو مع عيلتو ويعرفهم كل حاجه نزل واتجمعوا مع بعض وفطروا وقعدو يتكلمو شويه مع بعض لحد م قرر فهد انه يقولهم
فهد:بما انكم كلكوا موجودين ومتجمعين انا عاوز اقولكوا حاجه
كريمه:في اي ي فهد
نهله:خير ي ابني
فهد:كل خير بس كل اللي انا طالبوا منكوا انكوا متعترضوش وتسمعوني للآخر
قال كلامه ونور عرفت انو عليها وخافت متعرفش ليه بس قلقت
فهد:انا ماشي انهارده الساعه 10 بليل
كريمه:ع فين ي ابني كدا واشمعني 10 بليل
نهله:رايح مشوار يعني
فهد:لا...عندي مأموريه ولازم اروح
نور بخوف:متقول ع طول ي فهد انت بتنقطنا الكلام
فهد:انا عندي مأموريه وهقعد فيها شهر ي نور وهتكون الاسبوع الجاي وهسافر بليل لان خلاص انهارده الخميس وهندرب العساكر اليومين دول لان الهجوم ممكن يحصلنا ف اي وقت
نور بترقب:والمأموريه دي فين
فهد بهدوء:سينا
نور بصدمه:اييييييه...يعني اي هتروح سينا شهر وتسيبنا لا مستحيل لاااا
فهد:مش هينفع ي نور هو مش بمزاجي اروح او مروحش دا لازم مش لوحدي اللي هسيبك لوحدك ديب جاي معايا وسايب تارا وقصي ابنه
نور وقفت باعتراض وصوت متحشرج:مليش دعوه ب ديب هو انت جوزي ول هو هو لو عاوز يروح ويسيب عيلته يروح دا لو تارا مستغنيه عنه انما انا لا ي فهد
فهد وقف وفقد هدوءه واتكلم بعصبيه وصوت عالي ودي اول مره يزعقلها قدام بناتها:ونا مش بمزاجي وهروح ي نور ومتقدريش تعملي حاجه وياريت تتقبلي الامر الواقع وان دا شغلي ك ظابط مش ك رجل اعمال فوقي وياريت تجهزي شنطتي من سُكات
نور الدموع اتجمعت ف عنيها بغزاره وماسكه نفسها بالعافيه قدامهم كلهم
نور بهدوء:حاضر ي فهد مش هفتح بوقي بكلمه وهنفذ ونا ساكته حاضر
جريت من قدامهم وطلعت ع اوضتها ع طول وقفلت الباب وقعدت ع الأرض وقعدت تعيط ازاي قرر يسيبها ويسيب بناتوا ويروح سينا ازاي مفكرش فيهم ازاي هو اناني كدا فصلت تعيط جامد ومش قادره تتنفس
كريمه:هتروح سينا ي فهد وتسيبنا
نهله:مفكرتش فينا ي فهد انت راجلنا الوحيد ي ابني
لمار:افرض كفله الشر حصلك حاجه بناتك يتحرموا منك ليه
فهد بانفعال:فكرت فكرت فيكوا وفكل حاجه ف نور اللي ممكن يحصلها حاجه من بعدي وف بناتي اللي ممكن يتيتموا ف اي لحظه وف شمس اللي انا يعتبر كل حياتها حتي ف وجود جوزها فكرت فيكي ي امي وفكرت ف ماما لمار ونهله انا طول الليل بفكر فيكوا ومش عارف اعمل اي دماغي شغاله من كلوا حتي الشركه وفروعها خليت كرسم وسفيان يمسكوها لان سفيان الوحيد اللي مش هيطلع المهمه دي وهاني لسه قايلي انه طالع معانا اهو وسايب ليلي وولادوا زيي ديب كذلك اعمل اي قوليلي مش ب ايدي
كريمه:اهدي ي فهد اهدي البنات واقفه اهدي...روح طمن نور الأول ونا هطلع البنات واهديهم وابقي تعالي طمنهم
فهد:تمم
فهد طلع عشان يصالح نور دخل واتصدم من اللي شافوا لقي نور قاعده وهاريه نفسها عياط وقاعده علي الأرض راحلها وقعد قصادها علي الارض ومسحلها دموعها بحنان وحضنها هي عيطت اكتر ومش متخيله انه هيسيبها ويمشي بعد شويه هديت وخرجت من حضنوا من غير م تتكلم
فهد:خلاص هديتي
نور:ايوه
فهد:طب اي....متزعليش
نور بانفعال:مزعلش ع اي ي فهد ها زعقت فيا قدام بناتك لاول مره...جاي تقولي انا مسافر شهر سينا عشان مهمه والمفروض انا اقولك برافو ي فهد يلا روح سينا اللي احتمال بعد الشر مترجعش ولو حصلك حاجه مفكرتش هيحصل فيا اي انا وبناتك بجد انت أناني
فهد بغصب:ونتي فكرك اني مفكرتش فيكوا بالعكس انا قعدت طول الليل افكر ف كل واحد فيكوا وبفكر هقولك ازاي وهتتقبلي الفكره نفسها ازاي انا لو عليا مش عاوز اروح عشان خاطركوا انتوا وعشان خايف عليكوا لو حصلكوا حاجه هتعملوا اي وهتتصرفوا ازاي وهتعيشوا ازاي من غيري فكرت فيكي وف البنات بس دا مش بأيدي انا مجبور ع كدا ونتي عارفه كدا كويس متطلعنيش وحش ي نور واناني عشان انا مش كدا وعمري م هبقي كدا...مكنتش اعرف انك شيفاني كدا
قام ومشي سابها ف دوامه هي مش عارفه فيها حاجه وحاسه كأنها تايهه فضلت تعيط وكل مره بتحس انها بتعك الدنيا اكتر مبينهم
فهد قعد مع نفسوا شويه يهدي وبعد كدا راح اوضه بناتوا دخل لقاهم قاعدين بيلعبوا راح وقعد مبينهم علي السرير وهما فرحوا وحضنوه وبقت افنان علي يمينه وتيا علي شماله
تيا:بابي انت هتلعب معانا صح
أفنان:انا بحب بابي أوي عشان هو بيوفي بوعده
حضنهم وابتسم لانهم بمجرد حضن منهم بينسيه اي زعل حصل
فهد:جاي انهارده العب معاكوا قد كدا عشان همشي بليل عشان عندي شغل
تيا:ايدا يعني انت مش هتكمل معانا وتسهر معانا
فهد بحنان:لا ي روحي عشان بابي عنده شغل مهم ولازم يمشي
أفنان:طيب هتقعد قد اي وتيجي
فهد:شهر
أفنان بزعل ودموع:كتير أوي ي بابي هتمشي وتسيبنا
فهد حضنهم بحب وحزن:صدقوني مش بأيدي انا لو عليا مش عاوز اروح عشانكوا بس لازم امشي عشان دا شغل والظباط لازم يروحوا مهماتهم
تيا:وانت هتروح فين بقي
فهد:سينا
أفنان:وانت لما تروح هناك هتعمل اي
فهد:هقبض علي المجرمين عشان هما وحشين وبيموتوا الناس
تيا بطفوله:وبسكدا
فهد بابتسامه:وبسكدا
أفنان:هو في ناس بتموت بقي
فهد:اه في ظباط بيموتوا وعساكر وفي اللي بيتصاب ويتعالج
أفنان بدموع:بس انت مش هتتصاب ول هتموت صح
فهد حضنهم بقوه والدموع بتتكون ف عنيه ايوه خايف بس عليهم مش علي نفسه مش مستوعب ازاي هيسيبهم ويمشي ولو حصلوا حاجه نور والبنات هيتاذوا كمان
فهد:لا يقلبي هرجع كويس ومفنيش حاجه واوعدكوا كمان ان اول م ارجع هنخرج ونسافر اماكن كتير
أفنان وتيا:احنا بنحبك أوي ي بابي
فهد:ونا بحبكوا اكتر يحبايبي...يلا لاعبوني معاكوا بقي بتلعبوا اي
اندلعوا وابتدوا يقولولوا وهو اندمج معاهم مش عاوز يضيع وقت عاوز يستغل اي وقت ويقضيه معاهم ويطمنهم قبل م يمشي
نور كانت واقفه بره من غير م يحس وبتسمعهم وبتعيط بصمت ووراها كريمه بتهديها
كريمه:يلا تعالي وخليه مع البنات شويه وهو هيجي ويصالحك وهيعرف انك خايفه عليه تعالي يلا
راحت نور مع كريمه وقعدوا تحت ف الجنينه يتكلموا لحد م الوقت عدي وبقت الساعه 7 بليل لقوا ديب وتارا جم
ديب:السلام عليكم جميعاً
الكل:وعليكم السلام
تارا:مساء الخير ي جماعه
الكل:مساء النور
سلموا عليهم كلهم وقعدوا يتكلموا شويه
ديب:اومال فهد فين
كريمه:مع البنات فوق من الصبح
ديب باستغراب:من الصبح ليه هو مجهزش
كريمه:لا جهز بس مش عاوز يسيب بناتوا والبنات مش عاوزين يسيبوه
تارا:مالك ي نور...ي نور....ي بنتي
نور بانتباه:نعم
تارا:مالك في اي
نور وقفت وقالت:مفيش حاجه عن اذنكم
مشيت وتارا قامت وبصت ل ديب وهو فهم وقام معاها وت‘استاذنوا من اللي قاعدين وراحوا وراها كانت واقفه ف حته بعيده راحولها تارا وديب
تارا:مالك ي نور فيكي اي انتي مش طبيعيه ليه
نور قعدت تعيط ف حضنها وتارا بتهديها وهي مش قادره تبطل عياط فضلت كدا شويه لحد م هديت شويه
تارا:في اي مالك مخليكي تعيطي بالمنظر دا
ديب:في اي ي نور فهد مزعلك صح
اومأت نور ب نعم والدموع اتجمعت ف عنيها تاني
ديب:طب قوليلي عملك اي ونا هتفاهم معاه
نور حكتلوا علي اللي حصل كلوا واستغرب اكتر لما قالت انه سابها وسط حزنها وعياطها خوفا عليه وراح للبنات وفضل قاعد معاهم
ديب:يعني انتي عاوزه تفهميني ان فهد من ساعه م كلمك اخر مره الصبح وراح للبنات مجاش كلمك او صالحك
نور:اهه...ديب انت شايفني غلطانه حد فيكوا شايفني غلط
ديب:لا طبعا انتي مش غلط انتي واحده خايفه ع جوزها عادي ودا الطبيعي مهي تارا عملت زيك كدا وهديتها وفهمتها بهدوء من م اعمل زي م فهد عمل كدا
نور:فهذ اتغير معايا أوي ي ديب أوي انا اه متغيره اليومين دول معرفش ليه وحصل ازاي وهو مضايق من كدا طب انا اعمل اي غصب عني مش بأيدي
تارا:فهماكي انا من فتره كنت زيك كدا وعدت عادي....تعالي مش عوزاكي تزعلي واحنا هنتكلم معاه
ديب:يلا امسحي دموعك وتعالي ونا هربيه عشان ميزعلكيش تاني
خدوها وطلعوها الاوضه وقعدت تستناهم زي م هما قالولها وراحو ل فهد ديب خبط ودخل
ديب:اهلا اهلا اهلا بالقمامير الحلوين
حضنوا ديب بسعاده لانهم بيحبوه جدا ومتعلقين بيه
ديب بمرح:اي اي اي هتخنقوني
تيا وافنان:برضوا مش هنسيبك
ضحك ديب بقوه وابتسم فهد كان نفسه فعلا بناتوا يحبوه ويعتبروه ابوهم التاني ويشاء القدر ويجعلهم يحبوهم
ديب:يلا ي حلوين هتلاقوا قصي تحت سلموا عليه والعبوا مع بعض
جريوا علي تحت عشان يسلموا ع تارا ويلعبوا مع قصي ديب قفل الباب وراح قعد جنب فهد بهدوء
ديب:في اي ي فهد
فهد:مفيش حاجه يعم مانا زي الفل اهو
ديب:تؤ تؤ تؤ مش عليا لا قول في اي
فهد بضيق:مفيش ي ديب قولت
ديب:خناقتك مع نور عادي خوفها عليك وانك تزعلها منك وتشخط فيها دا عادي انك تسيبهم وتمشي وهي زعلانه منك دا عادي بالنسبالك....انك تجهز وتتخانق معاها وتيجي تقعد مع بناتك هنا طول اليوم وميهونش عليك زعلها حتي تروح تصالحها وتطيب بخاطرها بكلمه حلوه حتي...مش هي بس خلي بالك اللي عملت كدا تارا زيها بالظبط هديتها بكلمتين وطمنتها وزيي زيك اب وسايب مراتي وابني...روح صالحها وطيب خاطرها عشان هي صعبان عليها نفسها وهاريه نفسها عياط صعبت عليا بجد ومتزعلهاش تاني يعم أوكي
فهد بهدوء:تمم
ديب:لا لا فك كدا وقضي اخر ساعه معاها حلو انت هتسيبها
شهر بحاله ومتزعقلهاش تاني قدام البنات ولا حتي قدام العيله خلي الحاجه دي مبينكوا محدش يعرفها حتي بناتك دول لسه صغيرين ي فهد ومش عاوزين نحطهم ف دايره العياط والاكتئاب عشان مش هتعرف تخرجهم منها بالذات ف السن الصغير دا فك بقي وروح صالحها هتلاقيها ف الاوضه مستنياك....وكمل بمرح وقال:شوفت يعني انت اللي مزعلها وهي اللي جيالك يعني مش عارف اقول اي
فهد بابتسامه:متقولش حاجه يلا انزل انت ونا هحصلك
ديب وهو خارج وبغمزه:متتاخرش عشان بقوا اقل من ساعه
فهد بابتسامه وهو خارج وراه:طيب يخويا انزل ونا جاي
دخل فهد الاوضه بهدوء ونور وقفت وباصه ف الأرض بهدوء وقف قدامها وايدوا ف جيبوا كانت نفسها تحضنه وتعيط جامد بس متقدرش تعمل كدا فهد بصلها وعرف هي بتفكر ف اي وعاوزه تعمل اي ابتسم بهدوء وحضنها بهدوء وهي عيطت ومش قادره تسيبه يمشي فضلت تعيط كتير لحد م هداها هو ويطبطب عليها مانها بنته بالظبط
فهد وهو بيمسحلها دموعها:هديتي ول لسه
نور بخفوت:هديت خلاص
فهد:انا اسف ي نوري متزعليش مني مكنتش اقصد احرجك قدامهم وازعقلك كدا بس اتعصبت ومقدرتش امسك نفسي متزعليش مني...عاوز اسافر ونتي مسمحاني ومش زعلانه مني
نور:مش زعلانه منك ولله انا أصلا نسيت من بدري...بس خايفه عليك مش ب ايدي فكره انك تمشي شهر وتسيبني صعبه ومش عارفه اذا كنت هترجعلي تاني ول لا الفكره نفسها مرعبه ي فهد مش سهله عليا ولله انت لما سبتني يومين كنت هموت مبالك شهر كامل ي فهد
فهد بحنان:حاسس بيكي وعارف انتي حاسه ب اي ومش هلومك لاني حطيت نفسي مكانك وشايف انك معاكي حق ف اللي انتي عملتيه...ان شاء الله هرجعلك ي نور هرجعلكوا كلكوا وهكون زي الفل بس الحاجه الوحيده اللي هطلبها منك انك متنسنيش ف دعاكي ابدا وانا هبقي اتصل بيكوا اطمنكوا عليا أوكي 
نور بتماسك:حاضر هدعيلك كل شويه ومش هنساك ف دُعايا بس متنساش تطمني عليك ي فهد انا بقلق أوي عليك لما اكلمك ومتردش عليا
فهد بمرح:حاضر من عيوني للقمر
نور بدموع:بذمتك دا وقتوا هزار
فهد ضحك وخدها ف حضنه:وايه يعني هو الهزار ليه وقت...تعالي ننزل يلا قبل م الاقي ديب ناططلي هنا
نور:دا طيب اوي بجد خلوا بالكوا من بعض ي فهد وهاني معاكوا هااا
فهد:حاضر يروحي..
قاطعه صوت كلاكس عربيه هاني
فهد:هاني جه يلا ننزل عشان بيستعجلوني عشان المفروض أمشي
خدها ونزلوا تحت لقي ديب وهاني وليلي وولادهم سلم عليهم كلهم
ديب بمرح:يبني مش قولتلك متتاخرش فوق
فهد بغيظ:ملكش دعوه ي رخم ي سئيل
هاني بضحك:طالما متغاظ كدا يبقي انت رخمت عليه زي كل مره
ديب:عمري مسيبوا غير لما اغيظوا واخليه يجيب اخروا
هاني:يخويا اتنيل هيلاعبك كأنك كيس الملاكمه اسكت أحسنلك
فهد:شوفت حافظ ازاي
ديب:الحمد لله انا مجربتش ومش عاوز اجرب
فهد:طب يلا بقي عشان نتحرك ول اي
هاني:اوكي يلا بينا
ديب:هخلي عربيتي هنا أوكي
فهد:تمم ونا هوصي عم إبراهيم عليها
هاني بمرح:تمم وعربيتي انا كمان معلش مانا مش ابن البطه السوده
فهد بضحك:ي ابني بقي...ي عم إبراهيم
عم إبراهيم:نعم ي أستاذ فهد
فهد:عاوزك ي راجل ي طيب ف خلال الشهر اللي هغيبه دا تخلي بالك كويس من العربيتين دول أمانه معاك يعم إبراهيم
عم ابراهيم:عيوني ي فهد بيه ف ايد امينه
ديب:تسلم يعم إبراهيم
فهد:يلا يشباب
هاني:يلا
افنان وتيا:بابي بابي
فهد وقف ولفلهم:ونزل لمستواهم:نعم يحبايبي
أفنان بدموع:متتاخرش علينا ي بابي
تيا:احنا بنحبك أوي ومش عاوزينك تروح
فهد متحملش وحضنهم بقوه ونور عيطت وكذلك الكل
فهد بدموع:مش هتاخر ي حبايبي شهر واحد بس وهرجعلكوا
تيا:يعني كام يوم
فهد:31 يوم يروحي
تيا ببكاء:كتير اوي ي بابي
فهد:هيعدوا ولله ي روحي بسرعه متعيطوش أوكي بنات فهد المنشاوي مبيعيطوش ومش بيستسلموا
تيا:طب خدنا معاك عشان خاطري ي بابي
فهد متحملش منظرهم قداموا نور اتحركت وهي بتعيط خدت تيا وافنان اللي بيعيطوا والمنظر كان صعب جدا فهد ودعهم ومشي هو وديب وهاني تحت حزن الكل وعياط أفنان وتيا اللي زاد اول م مشي نور حضنتهم بحمايه وبكاء
كريمه بحزن:خدي البنات ي نور وطلعيهم اوضتهم واكليهم عشان يناموا ونتي ي تارا خدي قصي واطلعي اوضتكم وانتي ي ليلي خدي عيالك وروحي الاوضه اللي جنب تارا ونتي ي شمس انتي وجوزك وعيالك ع اوضتكم والولاد ف الاوضه اللي جنبكوا يلا الخدم جهزوها كلها
راح كل واحد ع اوضتوا وجواه حزن

ف اوضه أفنان وتيا
نور بتعب:خلاص بقي يحبايبي كفايه عياط
أفنان ببكاء:لا لما بابي يرجع الأول
نور:بابي لسه يحبيبتي مش جاي دلوقتي
تيا ببكاء:بابي هيوحشني أوي ي مامي انا بحبوا أوي هو زعلان مننا
نور:لا يحبيبتي بابي بس عشان ظابط عندو شغل كتير وخطير ف لازم ندعيلوا صح
أفنان وتيا:صح
نور:يلا بقي ناكل عشان تناموا والصبح نكلم بابي فيديو كول كمان أوكي
أفنان وتيا:حاضر ي مامي احنا بنحبك أوي
نور بدموع:ونا اكتر ي حبايبي

ف غرفه ليلي
ليلي:يلا يحلوين عشان تناموا
يوسف:هي خالتو نور كانت بتعيط ليه
مليكه:وافنان وتيا كمان
ليلي:عشان بباهم مسافر شغل لمده شهر وشغل خطير أوي وهما خايفين عليه
يوسف:وهو بابي معاه صح
ليلي:اه يحبيبي بس هما هيرجعوا كويسين وزي الفل ومفهمش حاجه...يلا بقي عشان ننام

عند تارا
قصي:انا بابي وحشني
تارا:وبعدين بقي ي قصي دا لسه ماشي من ساعه
قصي بزعل:مليش دعوه انا بحب بابي وعاوزو
تارا:ي رب...ي قصي يحبيبي انت المفروض كبير في ولد كبير عندو 10 سنين يعيط
قصي:مهي أفنان كمان كانت بتعيط عشان بباها سابها ومشي
تارا بحنان:متخافش بابي بطل ومش بيخاف وهيرجعلنا زي الفل هو وخالو فهد وانكل هاني
قصي:بجد
تارا:اه يحبيبي يلا بقي عشان ننام ونرتاح شويه
قصي:حاضر..ممكن انام ف حضنك
تارا:تعالي يحبيبي
نام قصي ف حضنها وهي فضلت سرحانه شويه لحد م غلبها النوم ونامت

عند فهد
ديب:فهد ممكن تهدي شويه
فهد بنفعال:شايفني متعصب
ديب بسخريه:لا خالص مفيش ف هدوءك
هاني:مالك ي فهد حاجه مضيقاك
فهد:لا انا تمم مفيش حاجه
ديب:طيب احنا مشوارنا طويل ونا عاوز اريح
فهد:نام انت وهاني ونا سايق اهو
هاني:لا يعم هقعد معاك
فهد:نام ي هاني انا صاحي اهو يعم لما اتعب هبقي أقولك ريحوا انتوا
هاني:ماشي يصحبي
مر تلات ساعات كاملين وفهد لسه سايق بدون راحه وأصبح الوقت متأخر ركن لانه تعب من السواقه هاني حس بيه وقام
هاني:قوم ريح انت ونا هكمل
فهد:طيب صحصح هاااا متودناش ورا الشمس
هاني:عيب عليك
راح فهد يريح جنب ديب اللي كان ف سابع نومه
فهد بسخريه:هه هريح شويه ي فهد جتك نيله عامل زي المقتول
هاني قعد يضحك ع كلام فهد وسريعا نام من التعب وبعد مده قام فهد وديب بخضه وفزع وفجأه

#يتبع....