عندما يقع الفهد في الحب (الجزء التاني)

Part 27

نظر لها فهد وهو مصدوم ولا يصدق ما يسمعه وضع يديه على رأسه بينما كانت شمس تنظر لهُ بتوتر ودموع وتشعر بالخوف مما هو قادم تقدم منه سفيان ووضع يده على كتفه وقال:أهدى يا فهد

نظر لها مباشراً وقال بعدم تصديق:وانتِ كنتى فين من دا كله!..كنتى فين وانا بمد إيدى عليها ولأول مره فى حياتى مع أنها ملهاش ذنب...كنتى فين يا شمس لما خدت التهزيق والضرب مكانك...أزاى مفكرتيش تمنعيها أو تدافعى عنها...انا كنت بقعد مع نفسى وأقول أزاى نور بتكون حريصه جداً وهى بتشيل ورق الشغل بس عمرها مضيعته وكنت حاسس بحاجه غريبه...شيلتينى ذنبها وكلوا بسببك عشان مفكرتيش تعملى أى رد فعل..خلتينى خالفت بوعدى وكله بسببك

شمس بدموع:انا أسفه يا فهد حقك عليا انا عرفت أنى غلطانه والغلط كلوا عندى انا بس سامحنى والله كنت خايفه ومكنتش أقصد أنى أضيعه والله بس انا مكنتش أعرف أنها هتعمل كدا ولا أنها هتقف تدافع عنى انا جيت أقولك عشان ندمانه وحاسه بالذنب وهى مش هتقدر تتكلم عشان مجتش منى انا

أشار لها بيده بمعنى أن تصمت أستند على الحائط وقال:أطلعى بره

شمس بدموع:فهد

فهد بحده:بره بقول

نظرت شمس لسفيان ثم خرجت فنظر سفيان لهُ وربت على كتفه بمواساه وتركه وخرج
نهض ديب عندما رأهم يخرجان من الغرفه وتوجها لهُ فتحدث ديب وقال متعجباً:فى ايه حصل حاجه ولا ايه

رأى شمس تجفف دموعها فزفر سفيان وقال:شمس قررت توضح لفهد حاجات كتير وقررت تصالح نور وفهد ويرجعوا القصر تانى بس مش عارف ايه اللى هيحصل

ديب بقلق:ليه حصل حاجه ولا ايه؟

سفيان بقله حيله:مش عارف أول ما عرف أن شمس هى اللى كانت مضيعه الملف مش نور كأن لبسه عفريت وقالها أخرجى وشكله أتعصب

ديب بذهول:ايه دا انتِ اللى كنتى مضيعاه مش نور

أمأت شمس بنعم دون أن تتحدث فقال ديب:وبعدين!

سفيان:مش عارف قاعد جوه مش طايق نفسه وانتَ عارف فهد

ديب:طيب هنسيبه يهدى شويه وبعد كدا ندخله

كان فهد جالس ويشعر بالندم لتسرعه فى الحكم عليها ولكن يا لها من حمقاء كيف تنسب تهمه كهذه إليها وهى لا تعلم عنها شئ ماذا وإن كان تهور وقرر أن ينفصلا بسبب شئ كهذا نظر لها وهو لا يعلم كيف سيعتذر لها وهل ستسامحه أم لا

بعد مرور الوقت "فى الثانيه بعد منتصف الليل"

كان فهد نائم على الأريكه فأستيقظت نور ونظرت حولها وعلمت بأنها فى المستشفى نظرت لفهد الذى كان نائم على الأريكه حاولت النهوض ولكنها لم تستطع وتألمت نهض هو بفزع وذهب إليها وهو يقول بلهفه:نور انتِ كويسه يا حبيبتى حاجه وجعاكى