عندما يقع الفهد في الحب (الجزء التاني)

Part 14

ناريمان:شايف الورق اللي ف ايدي دا...عارف الورق دا بتاع اي؟؟دا ورق التنازل عن كل املاكك
فهد ببرود:وبعدين!!!
ناريمان بابتسامه خبيثه:يعني بما انك دلوقتي يعيني مصدوم عشان صاحب عمرك واللي كنت مأمنله غدر بيك انا عرضت عليه يشتغل معايا واديلوا مبلغ كبير وهو طبعا وافق ف عشان كدا انا عارفه ان الصدمه وحشه وبما انك دلوقتي مش عارف تعمل اي ف احسنلك امضي علي التنازل بكل هدوء وتتفضلوا كلكوا بره
كريمه باندفاع:انتي واحده حيوانه ومش متربيه
ناريمان بغضب:احترمي نفسك يوليه انتي بدل م ازعلك
كريمه:تزعلي مين ي...
فهد بصوت عالي:خلااااااص...اسكتييييي
ناريمان:ودلوقتي امضي
فهد:ولو قولتلك مش ماضي
ناريمان:بسيطه مراتك والبيبي وبنتك الصغيره هيكونوا غرقانين ف دمهم قدامك وانت اللي هتكون خسران مش انا
ناريمان بصت للراجل اللي ماسك نور وهو فهم نظرتها وشد الزناد وحط المسدس علي راس نور اللي بقت هتموت من الرعب وبتبص ل فهد بخوف شديد فهد بصلهم وبيفكر هيتصرف ازاي بس مش عارف يعمل اي واخيرا خد قراره
فهد بهدوء:هاتي الورق
ناريمان ادتهولوا بابتسامه نصر وفرحه وسفيان بكل برود خد القلم وشال الغطا واداه لفهد اللي كان بيبصلوا بحزن وصدمه وهو بصلوا ببرود كأنه ميعرفهوش فهد خد القلم ولسه متردد وبيقرأ الورق وكان فعلا هو ورق التنازل
ناريمان:امضي ي فهدي امضي...امضي عشان محسركش علي بنتك اللي ف ايدك
فهد بحده:متقدريش تعمللها حاجه
ناريمان:ولو قولتلك اني اقدر
افنان حضنت فهد جامد بخوف ومسكت التيشرت بتاعه بقوه عشان محدش ياخدها منوا تاني وهو حس بيها وبيبص ل ناريمان بشر وهي بتبصلوا بخبث
فهد مضي علي التنازل قدام فرحه ناريمان وسفيان وحزن نور وشمس العيله
ناريمان خدت الورق بفرحه وسعاده وبصتلهم تاني وقالت بتكبر:
يلا دلوقتي تطلعوا تاخدوا حاجتكوا وتطلعوا برا قصري
العصابه سابتهم وفهد طلع علي الاوضه ووراه نور وتيا والكل عشان يلموا حاجتهم ويمشوا
دخلت نور لقت فهد ف الفراندا وافنان بتلعب علي فون فهد حطت تيا جنبها ودخلت ل فهد وهي مصدومه
نور بعدم تصديق:احنا كدا خلاص..هنترمي ف الشارع
فهد مردش عليها وهي لسه مش مصدقه
نور:رد عليا ي فهد ساكت ليه...مضيت وطاوعتها ليه..خوفت منها
فهد باندفاع:مخوفتش منها ي نور مخوفتش...مش علي اخر الزمن فهد المنشاوي يخاف من واحده زي دي مش فهد ي نور...انا كان لازم امضي
نور:وتمضي ليه ي فهد تضيع شقي عمرك كلوا كدا فجأه
فهد بحزن:وانتي فاكره انه كان سهل بالنسبالي...لما تهددني بيكي انتي وتيا يبقي لازم امضي...مش هخسركوا ي نور عشان خاطر قصر ولا شركات ولا حتي فلوس انتوا اهم منهم...مبقاش راجل لو فضلت دول عنكوا..بس انا كنت مضطر ي نور لاني مكنش عندي استعداد اني اخسرك او حتي اخسر تيا وانتي عارفه انكو اهم حاجه ف حياتي
دموعها نزلت وحضنتوا بحزن وهو مصدق وحضنها بقوه ودموعه خانته وعيط عيط بحرقه
فهد بيكاء وقهر:حتي سفيان ي نور حتي سفيان بقي معاها...ضحكت عليه بكلمتين وهو صدقها ي نور...مبقاش سفيان صحبي اللي اعرفوا...باعني عشان خاطرها وعشان خاطر الفلوس ي نور...صاحب عمري خاني وطعني ي نور
نور بدموع ومواساه:اهدي ي فهد عشان خاطري هيحصلك حاجه اهدي
فهد ببكاء:ي ريت يحصلي ي نور عشان ارتاح من العذاب اللي انا فيه دا
نور باندفاع:بعد الشر عليك اوعي تقول كدا تاني ي فهد ان شالله اللي يكرهك...انا مقدرش اعيش من غيرك ي فهد انت سندي ف الدنيا بعد ربنا عشان خاطري اهدي مبحبش اشوفك ضعيف كدا...مش دا فهد اللي انا اعرفوا...فهد اللي انا اعرفوا قوي ومبيستسلمش بسهوله..صح
خرج من حضنها وعيونه حمراء من كتر العياط والدموع مغرقه وشوا مسحتلوا دموعوا بحب وحنان
نور:مش عاوزه اشوفك ضعيف كدا...مش دا فهد اللي انا اعرفوا فهد اللي انا اعرفوا قوي ومبيوقعش بسهوله وبيواجهه اي حاجه مش كدا
فهد:عندك حق...كمل بدموع:بس مصدوم من سفيان...كنت اخر حاجه اتوقعها منوا...انا من الصدمه مش قادر حقيقي
نور بمواساه:اهدي عشان خاطري وعشان البنات اهدي
نور مسحتلوا دموعوا بحزن وبتفكر هيعملوا اي وهيروحوا فين هدتوا
فهد:خشي يلا جهزي الشنط...متنسيش حاجه
نور بهدوء:حاضر
دخلت تجهز الشنط وبناتها وهو فضل مكانوا حزين مش قادر يصدق الباب خبط نور راحت تفتح كان ديب
ديب:اومال فهد فين!!!
نور بحزن:فهد هتلاقيه ف الفراندا
ديب دخل وراح سلم علي تيا وافنان وقعد يهزر معاهم شويه
ديب بخفوت:في اي حصل حاجه ولا اي
نور:ديب...انا خايفه علي فهد يحصلوا حاجه من اللي هو فيه
ديب:مالوا طيب في اي
نور:عمال يعيط ومنظروا صعب مش دا فهد اللي انا اعرفوا فهد مصدوم ونا خايفه من الحزن يحصلوا حاجه
ديب بتفهم:متقلقيش انا هتكلم معاه دلوقتي وهخرجوا من اللي هو فيه
اومأت نور بتفهم وهو دخل لقاه ساند بأيده علي السور ومبيتكلمش سرحان وبس راح وقف جنبوا وطبطب عليه بمواساه فهد حاول يتحكم ف نفسه علي قد م يقدر
ديب:عارف انك مصدوم دلوقتي...وعارف انك مدمر بس هل هتفضل علي الحال دا كتير!!! بتهيقلي لا لان انا عارفك وحافظك وعارف سفيان عندك ايه...ليك حق تزعل بصراحه وتضايق...بس احنا لازم نفكر هنعمل اي وهنروح فين احنا اربع رجاله معانا حريم كتير واطفال...لازم نشوف هنعمل اي ي فهد ولازم تفوق ي صحبي عشان خاطر مامتك واختك اللي محتاجه اللي يواسيها ومراتك وبناتك لازم نفوق ونشوف هنعمل ايه...مش عاوز اشوفك ضعيف ي صحبي
فهد بتماسك:انا خدت الضربه القاضيه ي ديب....ومن مين!!صحبي وجوز اختي...صعبان عليا نفسي ي ديب وعلي اللي كنت بعملوا معاه ويشهد ربنا اني مقصرتش معاه ولا مع اي حد فيكوا...ف الاخر يكون دا رد الجميل ي ديب...يحط ايدو ف ايد الكلبه دي...مش عارف هواسي شمس ازاي ولا هقولها اي
ديب:هون عليها هي مصدومه اكتر مننا كلنا...بس هنعمل اي مفيش حاجه نعملها
فهد بحسره:خلاص بقيت علي الحديده...القصر راح والشركه راحت والعربيات راحت والفلوس راحت...شقي عمري كلوا راح ف لحظه...تعب السنين اللي استحملتوا عشان اكون حاجه راح
ديب:اهدي ووحد الله قدر الله وماشاء فعل...ربنا هيجبر بخاطرك وهيعوضك خير ان الله لا يضيع اجر من احسن عملا
فهد:ونعم بالله...الحمد لله انا راضي وعارف ان ربنا هيعوضني خير
ديب:فك بقي يعم
ابتسم فهد بخفه وديب حضنه وهو مصدق خفف عنه شويه سمعوا صوت نور وهي بتزعق جامد
دخل فهد وديب وكانت نور حاطه ايديها علي راسها بتعب
فهد:مالك في اي بتزعقي كدا ليه...مش قولنا غلط عليكي العصبيه دي ي نور
نور بانفعال:اتفضل شوف الست تيا عامله ايه ف اختها عشان خاطر الفون وبترد عليا شوف
بصلهم كانت تيا ضاربه افنان وواخده منها الفون وافنان بتعيط
ديب:دانتي قادره ومفتريه صحيح
فهد راح وخد افنان ف حضنوا يطبطب عليها ويهديها
ديب:هروح اشوف تارا خلصت ولا لسه اعبال م انتوا تخلصوا
اومأ فهد وديب مشي بص ل افنان ومسحلها دموعها وباس خدها
فهد بحنان:الجميل بيعيط ليه
افنان بدموع:شوف ي بابي ضرباني ازاي ومعوراني
فهد:قلب وروح بابي حقك عليا انا متزعليش...اقولك كلمه سر
اومأت افنان بحماس وطفوله وهو ابتسم لها
فهد بهمس:انا جايبلك مخصوص هديه حلوه
افنان بحماس:بجد ايه هي
فهد:لا هديهالك لما الحيزبونه دي تنام
ضحكت افنان علي كلام فهد وهو ضحك معاها وباس خدها
فهد:يخربيت ضحكتك اللي بحبها دي
نور الغيره سيطرت عليها وراحت وقفت بغضب ف الفراندا وفهد لمحها وعرف انها غيرانه
فهد:هروح اشوف مامي لانها هتولع فيا دلوقتي وترميني انا وانتي من الفراندا
قام عشان يشوفها ويراضيها