خلصوا ولموا شنطهم وفهد خد نور وبناتوا وشمس وولادها ومشيوا
رجعوا تاني القصر ونور مش مصدقه حاسه انها بتحلم طلعت هي وفهد عشان يرتاحوا وافنان وتيا بيلعبوا مع الاطفال تحت طلعوا وفهد حط الشنطه لقي نور رايحه تفضيها وقفها
فهد:رايحه فين
نور:هفضي الشنط والهدوم اللي مش نضيفه هغسلها
فهد:ولله...في خدم يعملوا كدا
نور:يغسلوا اهه انما يرصوا الهدوم ف الدولاب لا
فهد:نور ابوس ايدك انا تعبان ومش حمل مناهده دلوقتي
نور:ونا لسه عند كلمتي
فهد:طب خلاص تعالي نرتاح دلوقتي وبكرا نبقي نتكلم مع بعض ونشوف حل اوكي
نور:ماشي
خدها ومن كتر التعب ناموا
بالاسفل....
كريمه:تعالي ي افنان
افنان:نعم ي نانا
خدتها كريمه ف حضنها وباست خدها بحب
كريمه:عامله اي دلوقتي
افنان:كويسه
كريمه:يعني مش حاسه بوجع
افنان:لا لما بحس بقول لمامي وبابي
كريمه:الحمد لله ي حبيبتي
بعد اسبوعين
رجعت كل حاجه زي م كانت ف الاول فهد رجع شغلوا ك ظابط تاني مع ديب وهاني وسفيان وابتدي شغلوا ورجع الشركه تاني ومشاها زي م كانت الاول ويمكن احسن ورجع تاني فهد المنشاوي اللي الكل بيخاف منه وبيعمله حساب
ف يوم كان فهد راجع من شغلوا ودخل لقي نور بتلعب مع افنان وتيا غير اتجاهوا وراحلهم قعد معاهم
فهد بابتسامه:بتعملوا اي
نور:طلبوا مني اجي العب معاهم شويه روحت قعدت معاهم شويه
فهد:طب خلي بالك من نفسك وبلاش مجهود كتير اتفقنا
نور:اتفقنا...جعان
فهد:انا جاي مفرهد ف كتر خيرك يعني لو جبتيلي اكل
نور بابتسامه:حاضر
نور راحت تجيب الغداء لفهد وهو كمل لعب معاهم راحت نور المطبخ لقت الخادمه بتجهز الغداء
نور:فاضلك كتير ي منه
منه:لا ي هانم قربت اخلص
نور:ماشي خلصي وحطوه ع السفره بس بسرعه عشان فهد راجع جعان
منه:حاضر ي هانم
نور مشيت راحت ع اوضتهم ودخلت تجهزلوا هدوم فجأه حست بتعب ووجع بسيط مقدرتش تتحرك سندت علي الشباك وبتحاول تاخد نفسها
فهد كان داخل الاوضه لقي نور بالحاله دي جري عليها وهو قلقان عليها
فهد بقلق:مالك ي نور في اي
نور بوجع:مش عارفه بطني وجعاني اوي ومش قادره اتنفس
فهد:احنا بقالنا شهر مروحناش للدكتوره...طب تعالي اقعدي اعبال م اغير واجي اخدك للدكتوره
نور بوجع:لا مش قادره اتحرك من مكاني الوجع شديد اوي
فهد:طب استني هروح اغير بسرعه واجيلك
اومأت نور بتعب وجري عشان يغير ويوديها للدكتوره دخلت شمس وليلي لما لقوا الباب مفتوح ونور بالحاله دي وهما قلقانين عليها
شمس:مالك ي نور في اي
ليلي:انتي تعبانه
نور بوجع:مش قادره حاسه ان روحي هتطلع
شمس:ليه طيب حصل اي اتخبطتي ف اي حاجه طيب
نور بدموع:لا لوحدي فجأه
ليلي:انا هقولك ي حلوه من المجهود اللي عملتيه الفتره اللي فاتت وطالعه نازله ولا كأنك حامل وطبعا عارفه ان اول شهور الحمل لازم راحه واكيد انتي مجربه وعارفه يعني مش محتاج حد يقولك ي هانم
نور بحده ودموع:وقت تقطيم فيا يعني انتي مش شايفه انا عامله ازاي
شمس:خلاص ي ليلي ممكن يكون بسبب حاجه تانيه
نور:مش فاهمه حاجه وحشه قصدك
شمس:لا حاجه حلوه
نور:طب قولي
شمس:لا لما ترجعي واشوف الدكتوره هتقولك اي الاول
فهد:يلا ي نور انا خلصت
فهد شالها بحذر ونزل بيها جري والكل قلق لما شافها كدا
كريمه:في اي ي فهد نور مالها
نهله بخضه:ي فهد رد علينا متقلقنيش
فهد:مش عارف ي ماما ولله انا زيي زيكوا....هوديها للدكتوره واجي
ليلي:طب استني اجي معاك
فهد:بسرعه طيب
مشيوا والكل قعد قلقان
كريمه:كانت لسه كويسه وبتلعب مع بناتها
شمس:انا شاكه ف حاجه
نهله:ايه!!
شمس:حامل ف تؤام
كريمه:قولي ولله
شمس:شاكه مش متاكده لاني كنت زيها لما كنت حامل ف كرم وكريم
كريمه:يسمع من بوقك ربنا
شمس:يعيني هتربي ف تلاته مع بعض
نهله:قولي انتي بس ي رب ي شمس
شمس:ي رب تبقي فرحه فهد الكبيره
كريمه:كفايه اللي شافوه ف حياتهم من اول جوازهم ي شمس...خليهم يرتاحوا ويعيشوا حياتهم مبسوطين
شمس:عندك حق...ي رب يرجع وهو مبسوط ومجبور الخاطر
أنت تقرأ
عندما يقع الفهد في الحب (الجزء التاني)
Romanceمغامرات وأحداث كتير هتحصل وشخصيات جديده هتظهر والشر هيكون حواليهم بشكل أكبر بس هل هينتصروا عليه ولا لا دا اللي هنعرفوا ف الجزء التاني من روايتنا♥️
