قام فهد وديب بخضه علي وقوف العربيه فجأه مما خلاهم يتخبطوا اتعدل هاني وقام فهد وديب يشوفوه
فهد بخضه:هاني انت كويس ايه اللي حصل
هاني:مش عارف حصل اي فجأه كدا في حاجه فرقعت
فهد نزل وديب وراه يشوف حصل ايه وسريعا بص حواليه وعرف انهم معملهم فخ
ديب:هو في اي
فهد:احنا معملنا فخ من أولها
نزل هاني:فخ ازاي يعني
فهد:الكوتش بتاع العربية فرقع وبص اللي خلاه يفرقع المسامير اللي هما حطينها
هاني:من اولها كدا لازم ناخد بالنا طيب
ديب:طب والعمل
فهد:هنغير الكوتش ي اذكي اخواتك
هاني:طيب استني هجهز الحاجة ونغيروا عشان نكمل
نور كانت نايمه وجنبها تيا وافنان قامت بفزع وخضه
نور:استغفر الله العظيم..في اي انا حاسه بخنقه ليه...انا خايفه كدا ليه
كريمه دخلت لقت نور بالحاله دي راحتلها بقلق وخوف
كريمه بصوت منخفض:نور مالك فيكي اي
نور بدموع:فهد انا عاوزه اكلم فهد
كريمه:شش وطي صوتك البنات يصحوا تعالي
خرجت نور معاها وراحوا الجنينه عشان الباقي ميقلقش
كريمه:في اي ي نور
نور بخوف:ثواني بس اكلم فهد
كريمه:ي نور اتكلمي ابني مالوا
نور بدموع:صدقيني لو اعرف هقولك انا معرفش زيي زيك
نور اتصلت بفهد اول مره مردش عليها رجعت جربت مره تانيه برضوا كان مفيش رد
نور بخضه وخوف:فهد مش بيرد عليا
كريمه بقلق:ي رب استرها ي رب...اتصلي ب هاني طيب
نور فعلا اتصلت ب هاني لكن مرد برضوا
نور بانفعال:هو في اي محدش بيرد عليا ليه
كريمه:طيب ممكن يكونوا مش سامعينوا
نور:ممكن...هجرب هاني تاني ي رب يرد بس
فون هاني كان بيرن ف العربيه وف الوقت دا كانوا خلصوا وركبوا العربيه تاني هاني لقي فونه بيرن بيشوقف لقاها نور
هاني باستغراب:فهد نور بتتصل بيا
فهد خد فونه لقاها متصله بيه كتير فعلا
هاني رد عليها:الو
نور بلهفه:هاني كويس انك رديت فين فهد
هاني:فهد جنبي اهو
نور:اديهوني لو سمحت
هاني:فهد مراتك عوزاك
خد منه الفون وبعد شويه واتكلم بخفوت:ايوه ي نور
نور بغضب:انت مبتردش عليا ليه...انت بترعبني عليك ليه ي فهد
فهد:اهدي ي نور براحه مردتش عشان كنت سايب الفون ف العربيه
نور بقلق:ليه انت فين أصلا
فهد:ف الطريق ي نور
نور:انت كويس؟؟
فهد اتنهد وقال:هقولك عشان لما بخبي عليكي بتزعلي بس بخبي عشان مقلقكيش ع حاجه حصلت
نور بخوف:في اي ي فهد انا خوفت
فهد:مفيش انا كنت سايق تلت ساعات ورا بعض ف تعبت من كتر السواقه وهاني كمل مكاني ونا ريحت مع ديب شويه وصحينا بخضه والعربيه كانت هتتقلب بينا لولا ربنا سترها
نور بخوف:ليه ي فهد حصل اي
فهد بهدوء:مفيش ي ستي كانوا عمليلنا فخ وحظنا بقي ان المسامير كانت ع الأرض وبوظت كوتش العربيه
نور بخوف:طب انت كويس كلكوا كويسين
فهد باطمئان:اهه الحمد لله متخافيش ونامي وانتي مطمنه ونا اول م اوصل هبلغك اوكي
نور ببعض القلق:حاضر
كريمه:في اي قالك اي
نور حكلتلها اللي فهد قالهولها والقلق والخوف ابتدي يتسللهم بس كريمه طمنت نفسها وطمنت نور ودخلوا يناموا بس نور معرفتش وفضلت صاحيه تصلي وتدعي لفهد وهاني وديب انه يرجعهم بالسلامه بس لسه قلقانه برضوا
أنت تقرأ
عندما يقع الفهد في الحب (الجزء التاني)
Romanceمغامرات وأحداث كتير هتحصل وشخصيات جديده هتظهر والشر هيكون حواليهم بشكل أكبر بس هل هينتصروا عليه ولا لا دا اللي هنعرفوا ف الجزء التاني من روايتنا♥️
