ألتفتت لها نور وهى تنظر لها بعينان مليئتان بالدموع وكانت تشعر بالغضب منها أقتربت منها شمس وهى تقول:لازم أعمل كدا عشان أقعدك وتسمعينى يعنى؟
نظرت لها نور بغضب شديد وزفرت بغضب ونظرت للجهه الأخرى فتحدثت كريمة وقالت:طب يا ولاد أطلعوا ألعبوا برا فى الجنينه...يلا يا كرم خد الولاد وأطلعوا يلا
أخذهم كرم جميعاً ولكن نظرت أفنان لفهد وفهم نظراتها فقال بهدوء:أطلعوا معاهم
أخذت أفنان شقيقتها الصغرى وخرجا معهم وبعدما خرجوا نظرت شمس لنور التى سقطت دموعها رغماً عنها وقالت:انا جايه عشان أصلح اللى أتكسر يا نور وأعتذرلك...بس لازم تسمعينى
نظرت لها نور بعينين دامعتين وحمراوتين وقالت:أسمعك بصفتك ايه؟
شمس:أختك يا نور
نور بتهكم:أختى...هو فى أخت تعمل فى أختها كدا...تطلعها بصوره وحشه قدام أهل جوزها وتقول عليها خرابه بيوت بجد فى أخت تعمل فى أختها كدا؟
شمس:بس انا أتسرعت يا نور وكنت فى وقت عصبيه
نور بدموع:ولما روحتى لفهد وعماله تزعقى وتشتمى فيا ونور واحده مش كويسه...نور حربايه دا كان ايه انتِ عملتى معايا مواقف كتير خلتنى أقفل منك يا شمس ومكونش طيقاكى...انا كرهتك بجد...عارفه يعنى ايه كرهتك انا عملت معاكى كل حاجه كويسه ممكن تتخيليها ومن حبى فيكى...أضربت من جوزى بسببك...بسبب أهمالك وفضولك اللى كان مش سايبك تعرفى الورق دا فيه ايه...وبالرغم من دا كلوا انا طلعت بردوا وحشه فى الأخر...نور بقى فيها كل حاجه وحشه...بقت طماعه وغيوره أوى لما عرفت أن شمس مش أخت فهد...طب ما هو طبيعى ايه اللى زعلك؟...انتِ بجد فاكره أن انا ممكن أنسى أى حاجه عملتيها كانت سبب فى وجعى...انا منستش لما حاولتى تسقطينى وانا حامل فأول طفل ليا...بجد فاكره أن انا ممكن أنسى كل دا بمجرد كلمه حلوه منك أو ندم...مستحيل يا شمس...مهما تعملى انا مش هسامحك يا شمس...مش هسامحك على كل لحظه وجع عشتها بسببك
شمس:بس يا نور انتِ لازم تسمعينى الأول متحكميش عليا بالسرعه دى أسمعى وأحكمى
نور ببكاء ورجاء:مش عاوزه أسمع حاجه...نور تعبت سيبوها فى حالها بقى...حرام عليكوا انا تعبت خلاص ومبقتش متحمله...أبوس إيدك يا شيخه لتبعدى عنى وسبينى عايشه براحتى...انا كل اللى طلباه منك تبعدى عنى وسيبينى عايشه لوحدى أنسى أنك تعرفى واحده أسمها نور...انتِ مبقتيش مهمه بالنسبالى انا خلاص أتعلمت من غلطى ومش هكرره تانى سيبينى عايشه وسط بناتى وجوزى براحتى ومتحاوليش تتواصلى معايا انا تعبت والله وعاوزه أرتاح كفايه عشان خاطرى كفايه
تقدمت منها ليلى والدموع بعينيها أحتضنت نور التى بكت بقوه وربتت على ظهرها بمواساه وحاولت تهدئتها بينما زفر فهد ووقف بعيداً عنهم
ليلى بحزن ودموع:عشان خاطرى ما تعيطى كفايه عليكى لحد كدا يا نور
نور ببكاء:انا تعبت يا ليلى بجد انا عاوزه أعيش مرتاحه
أنت تقرأ
عندما يقع الفهد في الحب (الجزء التاني)
Romanceمغامرات وأحداث كتير هتحصل وشخصيات جديده هتظهر والشر هيكون حواليهم بشكل أكبر بس هل هينتصروا عليه ولا لا دا اللي هنعرفوا ف الجزء التاني من روايتنا♥️
