عندما يقع الفهد في الحب (الجزء التاني)

Part 15

فهد:نور انا اسف
نور بضيق:سبني دلوقتي ي فهد
سابته وخرجت وهو فضل قاعد مكانه ومتعصب لانه مكنش يقصد انه يزعلها للدرجادي دخلوا ديب وقعد جنبه
ديب:مالك ي فهد
فهد بتعب:مش عارف اعمل اي بجد..انا تعبت ي ديب مش عارف الاقيها منين ولا منين
ديب بمواساه:حصل اي بس ل دا كلوا
فهد:نور زعلت مني لما شخطت فيها وقلبت عليا
ديب بضحكه خفيفه:صحبي دي هرمونات حمل عادي انما حته ان نور تزعل منك ع سبب اهبل زي دا ف معتقدش دي بتعشقك يعم انت من كلمه حلوه منك بتنسي انها كانت زعلانه منك
فهد:علي رايك...هرمونات الحمل دي مبتطلعش علي حد غيري
ديب:استحمل يجدع...متزعلش احنا كلنا دلوقتي ف ظرف صعب لازم نستحمل بعض
فهد:قصدك انا وعيلتي
ديب:اومال انا اي كيس جوافه يلا!!!!
فهد:لا مش القصد بس انت علي الاقل ربنا ساترها معاك مش متشحطط ف الشارع وعلي الحديده زيي
ديب:لا انا كدا بجد هزعل منك جامد...متنساش انك اخويا شقتي هي شقتك وفلوسي هي فلوسك احنا الاتنين واحد
فهد بتعب:مش عارف اقولك اي بجد...ربنا يخليك ليا
ديب بابتسامه:ويخليك ليا ي فهد...قوم معايا بقي عشان ناكل تارا خلصت تحضير الاكل
فهد:مش عاوز اكل حاجه ي ديب
ديب:دا اللي هو ازاي يعني قوم ي فهد اخلص انت من الصبح مكلتش حاجه
فهد برفض:مش عاوز ي ديب مش عاوز اطلع اتعشي انت والباقي
ديب:ي ابني...
فهد بمقاطعه:سبني لوحدي ي ديب لو سمحت
ديب:اللي تشوفوا ي صحبي
قام ديب خرج وقفل الباب وراه وفهد كأنه مصدق دموعه نزلت غصب عنه مش قادر حاسس بتعب حاسس انه مخنوق جواه كم حزن كافي انه يقضي عليه كان واقف قدام باب البلكونه وباصص للسماء
دخلت نور ومعاها اكل بعد م عرفت من ديب انه رافض ياكل اي حاجه هو مكنش حاسس بيها كان ف عالم تاني حطت صنيه الاكل وراحت قعدت قداموا ومسحتلوا دموعوا بحزن وهو حس بيها دموعه زادت وبقي بيتنفس بسرعه كبيره وفجأه اتحول لعياط هيستيري حضنتوا وبتحاول تهديه وهتموت من الخوف عليه خايفه يحصلوا حاجه فهد مقدرش ووقع بيها علي الارض وعياطه زاد وبيشدد ف حضنوا ليها وهي تهديه بكل الطرق
نور:اهدي عشان خاطري كدا غلط
فهد ابتدي ينهج بطريقه مرعبه وحاسس انه دايخ ومش قادر
كان بيحضنها بقوه لعل الدوخه تروح ويرتاح شويه
فهد بعد عنها بهدوء وراح علي السرير ونام من غير ولا كلمه وهي ابتدت تخاف عليه ومش عارفه تتصرف ازاي

صباحاً
عند ليلي
الكل صحي وفطروا وقعدوا يتكلموا شويه
كريمه:مش عارفه اتصرف ازاي مع فهد
هاني:نور اتصلت امبارح علي الساعه واحده ونص كدا
نهله بتعجب:ليه حصل حاجه ولا اي
هاني:بتقولي فهد مدمر ومكلش وكل اللي بيعملوا انو يعيط وبس قولتلها اني هجيلها بكرا
كريمه بخوف:ربنا يسترها عليك ي ابني منه لله اللي كان السبب ف حزنك وقهرتك دي
ليلي:مهو برودا ي طنط عندو حق يعني واحد تعب السنين دي كلها وداق عذاب الدنيا كلوا عشان خاطر يبقي حاجه كبيره وبعد م يبقي تيجي كل حاجه تروح ف ثانيه تعب السنين دي كلها مش سهل بردوا انك تخسريه ف ثانيه
نهله:ليلي عندها حق صعب علي اي حد اينعم فهد من ساعه م نور حكتلي عنوا اول مره من اول مقابله ليهم عرفت انه شخص شديد ومن الصعب انه ينهار
كريمه:كفايه عليه ماضيه ي قلب امو الدنيا جايه عليه اوي
لمار:فرج ربنا قريب ي كريمه ان الله لا يضيع اجر من احسن عملا...دا اختبار من ربنا ليه
كريمه:ونعم بالله