عندما يقع الفهد في الحب (الجزء التاني)

Part 30

قبل ما أبدء فى البارت حابه أقول أن دا أخر بارت وحقيقى انا بزعل لما أخلص روايه حباها ومتعلقه بيها ومبقاش عاوزه أخلصها بس أن شاء الله ليها جزء تالت❤

.............................................
أقترب منها فهد ووقف خلفها ووضع يده على كتفها ولم يتحدث شعرت نور بيده فرفعت رأسها ونظرت لهُ بعينين دامعتين وبكت فجأه بقوه وحرقه أنهضها فهد وأحتضنها بحب وحنان وهو يربت على ظهرها ورأسها بحنان ويهدئها وهى تبكى وتُمسك قميصه بقوه من الخلف شعر بقلبه يتمزق وهو يراها بكل ذلك الحزن

فهد بحنان وهدوء:بس يا نور كفايه يا حبيبتى

حاول أبعادها ولكنها تمسكت به بقوه وهى ترفض تركه زفر بقله حيله فقال:طب عشان خاطرى يا نور لو بتحبينى بطلى عياط انا مبحبش أشوفك بتعيطى وخصوصاً بالشكل دا

نور ببكاء:انا عاوزه أعيط يا فهد انا جوايا كبت مش طبيعى ومحتاجه أخرجه

فهم فهد مقصدها ففضل تركها حتى تتوقف وتشعر بأنها بحاله أحسن...مرت الدقائق وبعدها توقفت نور عن البكاء وهى تشهق شهقات صغيره متتاليه ومازالت ممسكه بقميص فهد وهو مستند على الجدار ويضمها لأحضانه ويربت على ظهرها بحنان رفعت رأسها ونظرت لهُ بعينين منتفختان والدموع بهما بينما نظر هو لها وقد تأثر كثيراً بنظرتها تلك أرجع خصلات شعرها للخلف ونظر لعينيها ومسح دموعها ثم قبل جبينها وقال:هديتى؟

أمأت نور بلا والدموع تتكون مرى أخرى بعينيها وشعورها بالأختناق يسيطر عليها سقطت دموعها الساخنه على خديها بحزن فقال هو:عشان خاطرى كفايه انتِ عيطتى عياط مش طبيعى يا نور عشان خاطرى كفايه

نور بصوتٍ باكِ وندم:انا أسفه يا فهد..انا عارفه أنك مليت وكمان انا غلطت أوى النهارده ورديت عليك مع أن انا الغلطانه...انا عملت حاجه كبيره أوى يا فهد عارفه أن ربنا مش هيسامحنى عليها...انا خايفه أوى يا فهد...خايفه من أن ربنا ميسامحنيش على اللى كنت هعمله دا بس انا مكنتش دريانه بنفسى ومستحيل أعمل كدا انا مش عارفه انا أزاى بجد قدرت أعمل حاجه زى دى...انا مستنياهم بفارغ الصبر وبحبهم والله وبحب بناتنا...انا مكنش فى نيتى أعمل حاجه  زى كدا والله...ومكنتش قاصده أرد عليك ولا أقول الكلام اللى قولته دا انا ندمانه بجد...ندمانه وحسيت بغلطى وبتمنى أن ربنا يسامحنى بجد...انا عملت ذنب كبير أوى يا فهد صعب أنه يتغفر بس والله غصب عنى وندمانه انا بحبك وانتَ عارف دا كويس وعارف أن انا مبعملش أى حاجه غير لما أكون معرفاك بيها الأول وبحب بناتنا والله انا قاعده من الصبح بدعى ربنا يغفرلى لأن انا حاسه أنى أرتكبت جريمه صعب تتغفر...انا عاوزه بس ربنا يسامحنى ويغفرلى أكيد ربنا عارف انا كنت عامله أزاى وقتها وعارف أن انا مكنش فى نيتى أنى أنزلهم صح...هيغفرلى يا فهد صح انا خايفه أوى ومش عارفه أنام من كتر الخوف والتفكير فى اللى حصل يا فهد عشان خاطرى قولى أن ربنا هيسامحنى وهيغفرلى