عندما يقع الفهد في الحب (الجزء التاني)

Part 6

ف مبني المخابرات
عسكري:سياده الرائد المقدم سفيان عاوز سعتك
الرائد حسام:دخلوا ي ابني
سفيان باحترام:ازي حضرتك ي حسام بيه
حسام:الحمد لله اقعد ي سفيان....خير
سفيان:كل خير سعتك انا هطلب من حضرتك طلب وياريت توافق
حسام:خير ي سفيان
سفيان:انا عاوز اطلع مأموريه سينا
حسام:مش هينفع ي سفيان
سفيان:يعني اي مش هينفع ي فندم انا لازم اطلعها فورا
حسام:جرا اي ي سياده المقدم هتمشي كلامك عليا ولا ايه
سفيان:العفو ي فندم مش قصدي بس انا مش هقدر اقعد هنا لوحدي وهما كلهم هناك انا مش اقل منهم ف حاجه ي فندم وحضرتك عارف اني ظابط شاطر
حسام:عارف ي سفيان بس انت محدش طلبك انك تطلع
سفيان:ارجوك ي فندم انا لازم اطلعها
حسام:في خطر عليك وعلي فهد انتوا الاتنين بالذات
سفيان:متقلقش ي فندم قد المسؤليه وبعدين انا تلميذك
حسام بتنهيده:تمم ي سياده المقدم استعد عشان تطلع مأموريه سينا
سفيان وقف باحترام:تمم ي فندم

ف القصر.....
الساعه 3 العصر
طلعت شمس اوضه نور لقيتها لسه نايمه
شمس بقلق:البت دي مالها عامله زي المقتولين كدا ليه
فون نور رن كان فهد بيتصل للمره ال20 راحت خدته وردت عليه
شمس:الو
فهد:شمس؟؟عامله اي
شمس:الحمد لله ي حبيبي طمني عليك
فهد:انا زي الفل ي حبيبتي
شمس:سلامتك ي فهد
فهد بحب:الله يسلمك...أومال نور مش بترد عليا ليه
شمس:نور؟؟؟انت ربنا يعينك
فهد:ليه في اي
شمس:دي مقتوله يابا
فهد بضحك:خلاص سيبيها
شمس:اسيبها؟؟؟حضرتك هتصحي امتي دي
فهد:خليها وقت م تصحي تصحي ي شمس
شمس:دلع فيها ي خويا انت
فهد:اهدي هتولعي من الغيرة
شمس:لما ترجع بص هعورك
فهد لسه هيرد عليها لقي محمد جاي عليه وبينهج
محمد:الحجنا ي فهد بيه هجموا علينا دلوجتي فجأه
فهد بسرعه:اقفلي ي شمس
قفل وطلع يجري معاه علي بره
فهد:ايه اللي حصل ي محمد
محمد:كنا جاعدين عادي فجأه طلعوا علينا من كل حته
فهد:تعالي ورايا
جريوا يستخبوا ورا المدرعه
فهد بصراخ:الظباط فين
علي العسكري:راحوا قدام يتعاملوا ي فندم ومعاهم عساكر
فهد:ي رب انصرنا عليهم
محمد:ايدا هما وجفوا ضرب النار ليه
فهد بقلق:اوعي تتحرك اي خطوه هتتعمل هتبقي تمنها حياه حد مننا متتحركش
عدي 5 دقايق والدنيا هاديه
محمد:ممكن يكونوا مشيوا
فهد:او عاملين فخ
محمد:فهد باشا انا عارف انه مش وجتوا بس لازم حضرتك تعرف اللي بيحصل من ورا ضهرك
فهد باهتمام:في اي
محمد:انا كنت معدي صدفه امبارح لجيت محمود بيتصنت علي حضرتك وبعديها جري واني راجبته وكان بيكلم واحد اسمو داغر بينجلوا كل اللي حضرتك جلتوا بالنص وكمان جالوا علي نجل مرات سعتك وبناتك لمكان تاني عشان سفيان باشا عارف انه هيهجم عليهم...وكل حاجه متسجله صوت اهي
محمد كان مسجل المكالمه اللي م بين داغر ومحمود وسمعها ل فهد اللي اتصدم وحس انه بيضيع وخصوصا انه مراقبهم واكيد هيوصلهم
ديب راحلوا وهو بينهج ومستغرب فهد
ديب:مالك ي فهد
فهد:.......
ديب:مالك ي فهد في اي...حصل اي ي محمد
محمد:مش عارف ي ديب باشا من ساعه م سمع المكالمه وهو أجده
ديب:فهد حصل اي رد عليا
فهد بهدوء:انا مش مطمن
ديب:متفهمني ي ابني في اي
هاني:مالكوا في اي
ديب:مش عارف يعم شوف فهد مبيتكلمش
هاني:في اي ي فهد
فهد بخوف:داغر هيوصل ل نور والبنات انا حاسس