شمس بعدم أستيعاب:يعنى ايه..فهد انتَ صدقت الهبل دا
فهد:أيوه مصدق يا شمس..مصدق على قد ان الصدمه وحشه عليا بس صدقت
شمس بدموع:لا يا فهد لا إحنا أخوات غصب عن عين أى حد مهما حصل انتَ أخويا وهفضل أختك وهفضل أحبك ومحدش هيقدر يبعدنى عنك أبداً حتى لو كانت مراتك
ليلى:نور ملهاش دعوه ياريت متعمليش مشاكل وتعملى حاجز بينك وبينهم عشان نفضل عايشين كويسين مع بعض
شمس:لا يا ليلى نور لعبت فدماغ فهد عشان تبعده عنى لما عرفت انى مش أخته، بعدتيه عنى ليه
قالت جملتها الأخيره بصراخ انتفضت نور مكانها وهى تنظر لها بحزن وشفقه وأيضاً غيره
فهد:نور مبعدتنيش عنك يا شمس..نور عمرها مفرقت بينى وبينك بالعكس نور كانت دايما بتصلح بينا وبترجعنا لبعض
شمس:وهى قادره دلوقتى تصلح اللى عملتوا وترجعنا لبعض لو عاوزنى أصفالها
أخذ فهد نفس عميق ثم زفره بغضب من عنادها وعدم تقبلها للأمر ورفضها الشديد بعدم الأعتراف بذلك
نور:شمس ممكن تسمعينى..انا ولله ما أعرف بالموضوع دا انا زيى زيك بالظبط
شمس بغضب:كدابه انتِ السبب وانا عارفه انك بتنكرى وعارفه أنك عقربه وبتبانى ملاك بس قدام فهد بس الحقيقه انك حربايه وخرابه بيوت
فهد بصرامه:كفايه يا شمس..اللى بتتكلمى عليها دى تبقى مراتى يعنى كرامتها من كرامتى ولو بتحاولى تقللى منها وتهينيها يبقى انتِ بتهنينى وبتقللى منى زيى زيها وانا مستحيل أقبل فحقها أى كلمه وحشه..متنسيش أنها كانت السبب فأنى أرجع ماما وأسامحها تانى ومتنسيش أنها وقفت جنبك كتير وساعدتك لو نور فعلاً وحشه زى ما انتِ بتقولى مكانتش عملت كل دا..وانا بقولهالك يا شمس قدام الكل حذارى تفكرى تجرحيها تانى فالكلام أو تحاولى تأذيها لأنك ساعتها هتشوفى وش تانى خالص..مش هكون فهد اللى تعرفيه والمعامله بينا عاديه بس لتقربيلى ولا أقربلك لأن الحقيقه أتكشفت خلاص وأكيد سفيان هيضايق ونور كذلك وانا مقبلش حاجه زى كدا..مش هغضب ربنا عشانك يا شمس
أنهى حديثه وهو ينظر لها بجديه ومعالم وجهه لا تدل على أى شئ سوى الجديه نظرت شمس إلى نور بغضب وكره شديد ونور تقف حزينه عليها وتريد مواساتها بأى طريقه ولكن لا تعرف كيف فهى أيضاً خائفه منها من أن تحاول أذيتها
فهد:يلا يا نور عشان ورايا أجتماع مهم وعاوز أمشى
ذهب فهد وورأه نور التى نظرت إلى شمس بحزن وبعدها ذهبت وراء فهد
كريمه:ياريت تهدى بقى ومتفتحيش الموضوع دا تانى
شمس بتوعد:لا الموضوع لسه متقفلش وهعرف أنتقم من نور كويس
أنت تقرأ
عندما يقع الفهد في الحب (الجزء التاني)
Romanceمغامرات وأحداث كتير هتحصل وشخصيات جديده هتظهر والشر هيكون حواليهم بشكل أكبر بس هل هينتصروا عليه ولا لا دا اللي هنعرفوا ف الجزء التاني من روايتنا♥️
