عندما يقع الفهد في الحب (الجزء التاني)

Part 26

"فى منزل فهد"
كان فهد جالس ويشاهد التلفاز ونور بالداخل تُذاكر لطفلتها أفنان من أجل المسابقه غداً

نور:ركزى يا حبيبتى وبراحه واحده واحده هتثبت فى دماغك

أفنان بضيق:مش راضيه يا ماما عماله أحفظ فيها ومش راضيه تثبت

نور:طيب ايه رأيك لو خدناهم نقطه نقطه مش هتحسى بيهم وهتحفظيهم بسرعه

أفنان:ولو مثبتوش بقى

نور:هنحاول كذا مره يا حبيبتى يلا بينا

كان فهد جالس ويشاهد هو وطفلته التلفاز حتى وجد هاتفه يعلنه عن أتصال أخذه وكان سفيان أجابه قائلاً:أيوه يا سفيان

سفيان:عامل ايه دلوقتى قولت أتصل بيك أتطمن عليك

فهد:انا كويس الحمدلله طمنى عليك

سفيان:كويس طول ما انتَ كويس يا صاحبى

فهد:ايه فى حاجه حصلت ولا ايه

سفيان:انتَ فاضى أجى أقعد معاك شويه!

فهد:دلوقتى؟

سفيان:أه دا لو ينفع يعنى

أبتسم فهد وقال:تعالى انا قاعد فاضى

سفيان:ماشى مسافه السكه وأكون عندك

أغلق معه ونظر فهد لنور من الخارج وجدها متعبه ولكن لا تريد أن تجعل طفلتها تلاحظ شئ كهذا نهض وذهب إليها كانت تتابع طفلتها ولا تنتبه لهُ جلس خلفها وضمها بهدوء وقبل خدها وقال بخفوت:ممكن ترتاحى شويه وكفايه لحد كدا عشان متتعبيش أكتر من كدا

نظرت لهُ نور وقالت بخفوت:مينفعش يا فهد بذاكر لأفنان عشان مسابقتها بكرا

فهد:طب ما أفنان مش صغيره وبتعرف تذاكر لوحدها

نور:يا حبيبى ماشى بس لازم أراجعلها عشان لو فى حاجه واقعه منها

فهد:طب أرتاحى شويه وأرجعى كملى تانى...عشان خاطرى مش معقوله أكون شايفك تعبانه كدا وساكت

نور:ولو أرتحت يا فهد هتعب أكتر صدقنى فى كلتا الحالتين هتعب أكتر

فهد:طب قوليلى أعمل ايه عشان مشوفكيش تعبانه بالشكل دا...حملك المره دى مش سهل يا نور

نور بتعب:أعمل ايه بس يا فهد مش بأيدى حاجه أعملها غير أنى أخليها على ربنا

فهد:ونعمه بالله...مش محتاجه حاجه أجيبهالك طيب!

نظرت لهُ نور وقالت:عاوزه كوبايه عصير عشان دايخه

قبل فهد خدها وقال بحب:عيونى للجميل

أبتسمت نور لهُ وعادت تنظر لطفلتها وتتابعها بينما هو نهض وذهب ليجلب لها العصير
تعبت فجأه ووضعت يدها على بطنها بألم وهى لا تقدر على الصمود أكثر من ذلك حاولت التحمل كى لا تخيف فهد عليها عاد فهد وبيده كوب العصير جلس بجانبها ونظر لها قائلاً:العصير أهو أشربيه وهترتاحى شويه والدوخه هتروح