الرصاصه عدت من جنب فهد وفهد واقف ثابت زي مهو متحركش وبيبصلوا بهدوء وبرود شديد
فهد بثقه:كنت واثق وعارف انك هتضيعها
سفيان:بلاش تختبر صبري بقولك اكتر من كدا...مش عاوز اخسرك
فهد بسخريه:هو انت لسه هتخسرني!!!مانت خسرتني خلاص كفايه املاكي اللي اخدتها كلها مني ي سفيان وحسرتي عليهم وصدمتي فيك لحد دلوقتي
سفيان بغضب:كان لازم اعمل كدا من زمان بالذات انك احسن مني فكل حاجه...الكل بيحبك والكل بيلجأ ليك والكل بيحكيلك مشاكلوا وانت بتساعدوا ونا لا محدش بيعمل معايا زيك
ديب:من احبه الله حبب فيه عبدو ي سفيان شوف انت ايه اللي مخليك بعيد عن ربنا
فهد:ممكن عشان اتجه للطريق الغلط مثلا!!!
سفيان:لا مش انا ي فهد مش انا
فهد:اومال مين انا مثلا!!!انا اللي مشيت ورا واحده ملهاش اي تلاتين لازمه بتهدد كام تهديد هي مش قده واني لو اديتها ضربه هتخاف وترجع بس للأسف بقيت ولا حاجه حتي شغلي ك ظابط خسرته وكلوا بسببها وبسبب عز الكلب...روح قولها يلا اني بقيت ولا حاجه اجري يلا مش جاي عشان تشمت فيا وتبلغها اتفضل...امشييييييي
سفيان بخبث:مش قبل م اعمل اللي ف دماغي ي فهد واللي انا جاي عشانه
هاني بص ل ديب بخوف وقلق ولسه هيتكلموا ضرب فهد بالنار وجري ديب راح عشان يلحقه معرفش رجع تاني وطلب الاسعاف اللي جت ف اسرع وقت وخدت فهد ومشيت
ف مبني المخابرات
دخل جلال لمكتب حسام بتوتر وخوف
حسام:في اي ي جلال حد يخش لحد كدا مش في استأذان
جلال بقلق:اسف ي سياده الرائد بس في مصيبه
حسام بتعجب:في اي ي جلال انطق
جلال:المقدم فهد اتضرب بالنار ف مكان قريب من المبني
حسام بفزع:امتي وازاي ومين اللي عمل كدا؟؟
جلال:لسه معرفش اي معلومات بس اللي عرفتوا ان هو اتنقل للمستشفي بتاعتنا
حسام:طب تعالي ورايا بسرعه
ف المستشفي
ديب بصراخ:ترولي بسررررررررعه
كانوا بيجروا بيه وفجأه هاني وقف بصدمه
هاني:استنوا
ديب:مش وقتوا ي هاني
هاني:ديب...فهد لابس واقي
ديب وقف يستوعب اللي هاني قالوا وبيبص لفهد فعلا لقاه لابس واقي
ديب بقلق:اومال هو مالوا وقع مره واحده كدا ليه
هاني:مش عارف...الدكتور هناك اهو خليه يجي يشوفوا
ديب راح يجيب الدكتور وهاني دخل مع فهد اوضه الكشف
ف بيت ديب
الباب كان بيخبط جامد وبعنف وكان في صوت حد بيزعق
نور بفزع:يلهوي مين اللي بيخبط كدا
تارا:مش دا صوت سفيان!!!
نور بخوف:ايوه هو
سفيان بزعيق:افتحيييي بقولك عشان مكسرش البااااااب
الجيران طلعت تشوف في اي ومستغربين ايه اللي بيعملوا دا
شمس خافت وخدت كرم وكريم ودخلت الاوضه وقفلت ع نفسها
لحسن حظهم ايان مكنش موجود وهما خايفين ومش عارفين يتصرفوا ازاي
شاب:ي استاذ انت عيب اللي بتعملوا دا
سفيان:ملكش دعوه
فجاه كسر الباب ودخل لقي اوضه مقفوله عرف انها جوه راح لقاه مقفول
سفيان بغضب:افتحي ي شمس احسنلك
شمس ببكاء:مش فاتحه ولو جاي عشان تاخدني انا والاولاد مش جايه
سفيان بتحذير:افتحي احسنلك وتعالي معايا
شمس:قولتلك لا هو عافيه
سفيان:تمم انتي اللي جبتيه لنفسك
كسر الباب فجأه وهي صرخت مسكها من شعرها بقوه وخدها قدام كرم وكريم اللي كانوا بيحاولوا يدافعوا عن امهم وسفيان زقهم كانهم مش ولادوا خرج وهو ماسكها من شعرها وهي بتصرخ وبتحاول تبعد عنه تارا مسكت شمس وبتشدها منوا بكل قوه عشان تنجدها منوا معرفتش راح زاققها بعيد ووقعت وكمل طريقوا لسه هيخرج من الشقه نور قفلت الباب بسرعه ووقفت قداموا
سفيان:اوعي من قدامي
نور هزت راسها يمين وشمال وعنيها مدمعه وخايفه
شمس ببكاء:اوعي ي نور انتي حامل ملكيش دعوه عشان دا غبي وممكن يسقطك ابعدي
نور بدموع:لا مش هسمحلوا انو ياخدك ويمشي كدا بسهوله
شمس:ابوس ايدك ابعدي انا خايفه عليكي ابعدي
نور:قولتلك لا مش هبعد
أنت تقرأ
عندما يقع الفهد في الحب (الجزء التاني)
Romanceمغامرات وأحداث كتير هتحصل وشخصيات جديده هتظهر والشر هيكون حواليهم بشكل أكبر بس هل هينتصروا عليه ولا لا دا اللي هنعرفوا ف الجزء التاني من روايتنا♥️
