عندما يقع الفهد في الحب (الجزء التاني)

Part 13

الدكتوره بتهدئه:اهدي ي مدام نور بنتك كويسه
نور ببكاء:ازاي...حضرتك مشوفتيش منظرها كان عامل ازاي
الدكتوره:ولله البنت زي الفل وكويسه
فهد:استني ي نور...هي كان عندها اي ي دكتوره
الدكتوره:دي كانت نوبه بتيجي لمعظم الاطفال اللي بيتعرضوا لأي ضغط نفسي او عصبي او بيشوفوا حاجات بتخليهم يوصلوا للحاله دي وليها اعراض كتير
فهد بأهتمام:زي اي ي دكتوره
الدكتوره:اضطراب ضربات القلب عند الأطفال ومش معني كدا ان عندها حاجه ف القلب بعد الشر عشان معظم الامهات اللي بتجيلنا بتكون مرعوبه لما بتشوف ولادها كدا
تاني حاجه هبوط الضغط المفاجئ نتيجة الخوف يعني انها ممكن تتعرض لاي حاجه تخوف
تالت حاجه الإصابة بفقر الدم ودا بردوا سبب من الاسباب اللي يخليها بالمنظر دا
رابع حاجه نقص السكر مفيش سكر كويس ف الجسم اه السكريات الكتير غلط بس مش معني كدا اننا مندخلش جسمنا سكريات
خامس حاجه الطفل المصاب بالصرع بيكون بالحاله دي ف بالتالي اي ام بتشوف ابنها او بنتها كدا تتخض وتقولك طالما شفايفه مزرقه او وشوا او جسموا يبقي قلب لا بيكون نوبه وبتروح
نور بأهتمام:طيب ودي بتروح ازاي
الدكتوره:لا بيبقي في كام حاجه الأم بتعملها وبسهوله بتخرج ابنها او بنتها منها
فهد:زي اي مثلا
الدكتوره:اول حاجه لازم الام تهدي ابنها خاصة لو كان من الأطفال سريعة الغضب
تاني حاجه لازم الام تطمن طفلها فى حالة إصابته بنوبات من الرعب والخوف
تالت حاجه تروح للدكتور لمعرفة سبب زرقة الطفل فى حالة تكرار حدوث دا أثناء البكاء من خلال بعض الفحوصات التالية
- عمل صورة دم كاملة
-قياس ضغط دم الطفل
-عمل رسم قلب وموجات صوتية على القلب
-قياس مستوى السكر فى الدم
نور:يعني حضرتك شايفه انها محتاجه التحاليل دي نعملهالها عشان نطمن اكتر ولا اي
الدكتوره:لا لا مش محتاجه هي بقت زي الفل هي وكويسه هي جالها نوبه رعب وخوف خلتها كدا اظاهر انك هديتهيا ف وقتها ف بقت كويسه بس هي من كتر الضغط اللي اتعرضتلوا فقدت الوعي ونظرا انها ضعيفه ومبتاكلش خالص
فهد:شكرا لحضرتك نقدر ندخلها
الدكتوره بابتسامه:العفو...اتفضلوا
دخلوا ل افنان وكانت فاقت جريت نور عليها بدموع وحضنتها بحب واشتياق وفضلت تبوسها وهي مش مصدقه انها ف حضنها اخيرا
نور بدموع ولهفه:تعبانه ي حبيبتي في حاجه وجعاكي
هزت راسها بمعني لا حضنتها نور تاني بحنان وحب فهد قعد جنبهم الناحيه التانيه وهو باصصلهم بحب وسعاده
فهد بمرح:خلاص ي نور هي راجعه من حرب
نور بدموع:وحشتني اوي ي فهد انت عارف ان روحي فيها
فهد بحنان:عارف ي حبيبتي
نور خرجتها من حضنها وباستها من خدها بحنان فهد باس ايديها وراسها بحنان وحب وهي ابتسمتلوا خدها ف حضنوا بحمايه وحب ونور اتغاظت والغيره عمتها
نور بغيره:اي خير ان شاء الله اشمعني هو يعني وانت اشمعني هي بتحضنها وبتحبها اكتر مني
فهد بهمس:مش بقولك غيوره
ضحكت افنان وهو ضحك علي ضحكتها ونور غضبت
نور بغضب:انتوا بتضحكوا عليا؟؟؟
فهد مسكها من دراعها وشدها ليه قعدها قداموا ولسه افنان ف حضنوا
فهد بضحك:بتغيري من بنتك ي مجنونه
نور بضيق:ايوه عشان وخداك مني وكل شويه تقعد تدلع فيها وتقضي اليوم معاها ونا فين من كل دا
افنان بصوت ضعيف:علي فكره بابي بيحبك اوي ي مامي اكتر مننا بس هو بيحب يضايقك
نور بصتلها بطرف عنيها وملامحها هديت وفهد فهم دماغها
فهد:متزعليش ي حبيبتي بس انتي شوفتي منظرها وهي علي دراعي كان عامل ازاي وخصوصا اني اول مره اشوفها كدا
نور:عارفه انا من الخضه مكنتش عارفه انا بعمل اي منظرها كدا خلاني اترعب ونا فاكره ان بعد الشر حصلها حاجه
فهد:الحمد لله وهي كويسه اهي وزي الفل مش كدا ي افناني
اومأت افنان بابتسامه ونور وفهد حضنوها بحب وسعاده
الممرضه خبطت ودخلت لما فهد سمحلها بالدخول ومعاها محاليل
الممرضه:الدكتوره جايه دلوقتي
نور قلقت وبصت ل فهد بخوف وهو طمنها بنظرته دخلت الدكتوره وخدت المحاليل من الممرضه
الدكتوره:نستأذنكوا نركب المحاليل دي للقمر الصغنن دا
نور:محاليل اي ي دكتوره
الدكتوره:متقلقيش ي مدام نور محاليل عشان تظبط الدنيا بس عندها وطبعا مش هوصيكي ف حته الاكل
نور:اه اه طبعا اتفضلي
راحت الدكتوره عشان تركب المحلول ل افنان اللي خافت واستخبت ف حضن فهد بخوف
الدكتوره:يلا عشان نركب المحلول عشان نخف بسرعه
اومأت افنان بمعني لا والدموع بتتجمع ف عنيها
نور:يلا ي حبيبتي عشان تخفي وترجعي تلعبي تاني زي الاول
افنان بدموع:لا انا بخاف من الحقن ي مامي مش عاوزه
فهد:لا احنا ابطال ومش بنخاف هي شكه صغنونه ومش هتحسبي بيها يلا ونا معاكي اهو
بصتلوا بدموع وهو باس راسها بحنان وشاور للدكتوره انها تركبهولها ومسك ايديها بأحكام عشان تركبلها المحلول ومتتحركش
الدكتوره:اوعي تتحركي عشان ميتكسرش ويدخل جوه ايدك
ركبتلها المحلول وافنان عيطت نظرا انها حساسه زي نور وان جسمها ضعيف بسبب قله الاكل
الدكتوره علقتلها المحاليل ومشيت وفهد كان بيهديها وبيمشي ايده علي ايديها اللي فيها المحلول براحه عشان يخففلها الوجع زي م بيعمل مع نور بالظبط وبيهديها دخل ايان والعيله عشان يطمنوا عليها ايان راح وقعد قدامهم
ايان:مالك ي فوفو معيطه ليه ي قلب خالو
فهد:عشان الدكتوره علقتلها محاليل
ايان مسك ايديها اللي فيها محاليل وباسها بحنان
ايان بمرح:سلامتك ي جميل ي عسل انت
نور:ردي علي ايان حبيبك
افنان بخفوت:الله يسلمك ي نينو
ايان خدها من فهد وباسها من خدها وباس ايديها
ايان:قلب وروح نينو من جوه بصي جبتلك اي
طلع باكو شيكولاته ودبدوب وادهوملها
ايان:شوفي جبتلك اي...عشان انت الحب كلوا ي جميل
افنان بابتسامه صغيره:بحبك اوي ي نينو
فهد:لا لا لا كدا انا هغير بقي انت هتاخد البت مني ول اي
ايان:اهه خلاص بقت حبيبتي
فهد:افنان خلاص خدك مني خلاص
افنان فتحت دراعتها ل فهد عشان ياخدها من ايان وفعلا خدها ف حضنوا وهي فضلت حضناه وحطت راسها علي كتفوا لحد م نامت ف حضنوا
فهد جالوا مكالمه وقام رد عليها وملامحه متبشرش بالخير قفل ورجعلهم تاني
ايان:هو المحلول هيطول
نور:تقريبا لانها عملاه بطيئ
ايان:طيب لو كدا ناخدوا ونروح وتنام ف البيت احسن
فهد:عندك حق يلا بينا
قاموا وايان راح جهز عربيته ومشيوا علي القصر
رجعوا القصر بوقت متأخر لقوا القصر هادي دخلت نور الاول وهي شايله تيا اللي نايمه علي كتفها ووراها فهد وديب والعيله لقت ناريمان قاعده قدامهم علي الكرسي وحاطه رجل علي رجل وبتبصلهم ببرود
ناريمان باستفزاز:وحشتني اوي ي فهدي
نور بغضب:وحش م يلهفك احترمي نفسك
فهد مصدرش منوا اي رد فعل غير البرود وبس
فهد:اطلعي ي نور اوضتنا ونا جاي وراكي
مشيت نور وهي هتفرقع منها والباقي واقف مش طايقها
فهد:عاوزه اي
ناريمان قامت وراحت ناحيته بدلع وخبث وهو بيبصلها بقرف
ناريمان بدلع:بقولك وحشتني ي فهدي
ايان:اظن عيب اللي يتعمليه دا وملهوش فايده
فهد:ي ريت تلمي نفسك وتقعدي محترمه ولما تشوفيني كأنك متعرفنيش لاني راجل متجوز وعندي بنات وبحب مراتي ومستحيل اتخلي عنها مهما عملتي...او غيرك عمل...هات المحلول ي ايان
ايان اداه المحلول وفهد خدوا وطلع علي فوق والكل ابتدي يتسحب ويروح اوضته وناريمان واقفه بتبصلهم بشر وحقد
ناريمان بغضب:ماشي ان ما وريتك ي فهد مبقاش انا ناريمان ولله لوريك
طلع فهد ونيم افنان جنب تيا علي السرير وعلق المحلول واطمن عليهم وراح وقف ف الفراندا وبيفكر هيعمل اي بعد المكالمه اللي جاتلوا دي وهيتصرف ازاي نور شافته راحت وقفت بعيد عنه شويه ومتكلمتش وهو بصلها وابتسم راح مسك دراعها وشدها ليه وخدها ف حضنوا وباس خدها
فهد:ايه المقابله الوحشه دي مش كنت واحشك من يومين وهتموتي عليا بردوا وكنتي خايفه عليا
نور مردتش عليه وبتاكل ف ضوافرها بغيظ وغضب وهو عرف ان دي هرمونات الحمل وانه داخل علي ايام سوده
فهد بحنان وهمس:نور...ي نوري...احلويتي اوي علي فكره
نور ابتسمت بحب ونسيت انها كانت متعصبه منوا من شويه
نور:بجد ي فهد
فهد بحب:احلي واجمل واحده شافتها عيني
نور بغضب:مشيلي الست زفته دي من هنا ب أي طريقه
فهد:م احنا كنا ماشيين حلو وزي الفل ست زفته جت بوظت الدنيا
نور بغضب مكتوم:مشيها ي فهد بقول هي عاوزه اي هو حرام نعيش مرتاحين يعني
فهد:اهدي ي نور عشان غلط العصبيه دي ي حبيبتي
نور:ونا مش هرتاح غير لما تغور من هنا ي فهد..مشيها انا مش مطمنه لوجودها هنا...شكلها ناويه علي شر انا مش مستعده اخسر حد فيكوا ولله المره دي برضوا جايه ونا حامل...نسيت عملت اي لما كنت حامل ف افنان وليلي ساعتها عملت اي...عشان خاطري ي فهد لو بتحبني اتصرف ومشيها انا مش مستعده اخسر البيبي دا ي فهد
فهد حضنها بهدوء وهي حضنتوا بقوه وخايفه من ناريمان باس راسها وهو بيفكر ف كلامها وانها فعلا خطر واشمعنا جايه دلوقتي بس عز هو اللي كان باعتها بس بردوا عرف منين ان نور حامل وعرف ان في خاين مبينهم هو اللي بيوصلهم الكلام بس مش عارف مين حس انه تعب من كتر التفكير واليوم كان متعب عليهم كلهم خرجت من حضنوا وبصت ف عيونوا بعمق
نور بأسف:انا اسفه لو اتعصبت عليك بس غصب عني انا...
حد صباعه علي شفايفها يمنعها انها تكمل كلامها بص لعيونها مباشراً بحب وتفهم
فهد:انا عارف ان كل اللي بيصدر منك دلوقتي بسبب هرمونات الحمل ف مش هزعل عشان ليكي عذرك وعارف برضوا انها حتي لو مكانتش هرمونات حمل كانت هتبقي بسبب خوفك عليا وعلي البنات وعلي باقي العيله انا لسه مش عارف هعمل اي وهتصرف ازاي بس سيبي كل حاجه زي م تيجي انا مجهز كل حاجه
نور بعدم فهم:مش فاهمه قصدك اي؟؟
فهد بحنان:متشغليش بالك انتي بالحوارات دي خليكي معايا وبس
نور بضحك:ماشي ي فهد باشا اما نشوف
فهد خدها عشان يدخلوا يناموا لان اليوم كان صعب عليهم جدا
فهد:طيب بما ان تيا وافنان نايمين علي السرير ف هنام احنا علي الارض
نور راحت تغطيهم لانهم بقوا ف اول شهر نوفمبر غطتهم كويس واطمنت علي افنان وجابت لحاف فرشتوا علي الارض وفوقيه ملايه صغيره وجابت بطنيه وفرشتها وفهد قعد بتعب علي الارض ونور خدت مفتاح باب الاوضه وراحت قفلت الباب بالمفتاح وسابت المفتاح ف الباب واقف عشان محدش يعرف يدخل او يحاول يفتحوا وراحت جنب فهد قعدت وهي ماسكه راسها بتعب وفهد لاحظ انها فيها حاجه شال ايديها ورفع راسها
فهد بأهتمام وقلق:مالك ي نور انتي تعبانه
نور:مفيش انا كويسه بس دوخت فجأه
فهد بضيق:عشان سيادتك بذلتي مجهود انهارده وشايله تيا ورايحه جايه
سابها ونام بضيق وهي طفت النور وحضنتوا
نور:اعمل اي ي فهد كنت مخضوضه علي افنان وغصب عني
فهد:ميمنعش بردوا انك تخلي بالك من نفسك
نور:خلاص انا اسفه حقك عليا مش هعمل كدا تاني وهحاول مبذلش مجهود كتير بس متزعلش مني ممكن
فهد ملامحه لانت واتنهد وحضنها وهي ابتسمت لانها بتعرف تراضيه نامت علي طول وهو فضل قاعد شويه وبيفكر خد فونوا وفتح الواتس لقي ان ديب اونلاين بعتلوا رساله وديب رد عليه واتفقوا علي حاجه هنعرفها بعدين
قفل وقام اطمن علي افنان وراح خد نور ف حضنوا وغطاها كويس ونام ع طول