SHOW ME HOW (Jan Quaro Zodiac)

27 | Matched Desire

"Pakisabi kay Lolo na uuwi ako roon pagkatapos ng dalawang linggo—h'wag niya kamo akong papuntahan ng tauhan niya rito."

           "Ayaw niyo ba siyang tawagan, Miss Kirsten?"

           Napabuntong-hininga siya. "Kilala mo si Lolo. Magpapaawa iyon ng bonggang-bongga hanggang sa makombinsi niya ako. Dalawang linggo na rin lang naman."

           Napilitang tumango si Daday at bantulot na tumalikod saka naglakad patungo sa van na nakaparada sa tawid ng kalsada. Sumunod siya hanggang sa marating nila ang van kung saan naroon si Paco at matiyagang naghihintay.

           Si Daday ay muling humarap, subalit ang mga mata ay nasa shop. "Iyong... Quaro na iyon. Tina-trato ka ba niya ng maayos habang nakatira ka sa bahay niya?"

           Tinatrato ba siya ng maayos? Well... it was neutral. Quaro would sometimes give her silent treatment, but he was a gentleman and a kind person—well, 'pag wala sila sa kama. He was as rough as a barbarian when they're in bed, kaya hindi rin niya masabi kung tamang pagtrato ba iyon.

           But then... she grinned secretly. Her body liked Quaro's rough ways and she was always satisfied. So yeah, tinatrato naman siya ng tama.

           "He's alright—hindi naman niya ako binabastos," aniya sabay ngiti. Hindi niya masabi-sabi kay Daday ang lahat.

           "Kapag nalaman niyang nagsisinungaling ka, anong mangyayari sa'yo?"

           "I'll cross the bridge when I get there, Daday." Itinaas niya ang kamay at tinapik ito sa balikat. "Mag-ingat kayo pauwi. Tatawagan kita sa susunod na mga araw."

           Bantulot itong tumango saka pumasok na sa passenger's seat. Kumaway siya kay Paco bago ibinalik ang tingin kay Daday na hindi pa rin maalis ang pagkabahala sa mukha. Muli niya itong ningitian.

           Nang makaalis na ang van ay nanatili pa rin siya sa kinauupuan at hinatid iyon ng tanaw hanggang sa makaliko patungong highway. Napabuntong-hininga siya at tumalikod upang bumalik sa shop nang makita si Quaro na nakatayo sa nakabukas na pinto.

           Nahinto siya, at mula sa nakabukas na bintana ay napagtanto niyang wala nang customers sa loob.

           Ibinalik niya ang tingin kay Quaro na nakamasid lang din sa kaniya. Quaro's left hand was on the door handle while his right arm was leaning on the door panel. At habang nakatayo ito roon ay hindi niya maiwasang mag-isip na naman ng kung anu-ano.

           Tulad ng... Darating kaya ang araw na si Quaro ay hihintayin siya pauwi sa bahay na iyon na may ngiti sa mga labi?

           Oh, she could only wish.