براثن الهلاك

بارت الثالث

مساء الخير
عيد سعيد وايام ممليه فرح وود على وجوهكم الحلوه وعيد العافيه عليكم وعلى احبابكم

(براثن الهلاك)
(البارت الثالث)
بقلمي..حنين العلي

شروق..... ضليت افكر وين يريد اياد وليش مايريد

ابوي يعرف اني طبعي كلش فضولي ولازم اعرف

كلشي بلبيت وبذات اخواني اعرف عنهم الصغيره

قبل الجبيره مر اليوم عادي ابو الحسن اجل العرس لليل اياد مارجع نام
يم صديقه وابو الحسن كل شويه يخابره كعدت

الصبح لميت الغرفه مهوسه ابو الحسن نايم

والكرزات مطشره الفرشه مخربطه فارس نايم يم

الشباك ضام باكيت الجكاير والموبايل جوه المخده

فتحت. محفظه ابو الحسن اخذت مصرف

خمستالاف شمس ما لكيتها اكيد نازله لان اول

وحده تكعد تصلي وتضل يم ابويه نزلت لكيت

رهف واياد يتريكون اضاهر جاي من الصبح

سرسحانه كاعده مبدله وكاشخه الشعر والصدريه

اخر موديل والبوت جانت بشكل حلوه بيومها

هيه صف ثاني متوسط واني وشمس رابع

شمس واكفه تنتظر الجاي يكمل. وكفت بصفها كتلها شو ما مبدله

شمس...... لا اكمل ريوك ونصعد اني وياج نبدل

شروق......كعدنه تريكنه اني وياها

. ثريا.... يمه شو ما مبدله ليش

شروق.... ما لكيت شمس ونزلت شفتها هنايه خل

تكمل ونصعد نبدل بعد وكت هيانها المدرسه

كملنه ريوك وصعدت ابدل شمس بدلت سريع لفت

شالها بشكل عفوي بس مرتب ونزلت اني اتأخر ضليت ارتب خليت حمره سحريه واني

بيضه وعيوني وساع ماحب اطلع اذا مارتب وجهي

طلعنه شمس تمشي وجهه مبتسم ماعرف ليش

بس المهم فرحانه . مشينه مسافه صار كبالي

نفس الولد ابو العظلات مشغل بوسط التنكه

خشب و الجكاره بيده لابس لفاف اسود عيونه

وساع سود لحيته محدده.

مشيت من يمه سويت روحي احجي ويه شمس

واتماوع هو ما عاجبه مبين لان مدري شلون يفر

بيده رحنه للمدرسه داومنه ورجعنه شمس كبل

بدلت وكشخت كتلها شموس شبيج وين تردين

شمس.... اليوم نروح لبيت عمو ابو جواد

شروق... اهااا. من هاي خابصه روحج